JINGPYNPAW 10:9 - Khasi CL Bible (BSI)

⁹ Nga la leit sha uta u angel bad nga la kyrpad ïa u ban ai ha nga ïa ka kot kli kaba rit. U la ong ïa nga, “To shim ïa ka bad to bam ïa ka; kan sa kylla jew ha ka 'nierbah jong me, hynrei ha ka shyntur jong me kan long kaba thiang kum ka ngap.”

KA BAIBL

⁹ Te nga la leit sha uta u angel, nga da ong ha u, “To ai noh ha nga ïa kata ka kitab rit.” Te u la ong ha nga, “To shim bad to bam duh ïa ka; te kan pynkthang ïa ka kpoh jong me, hynrei, ha ka shyntur jong me kan long kaba thiang kum ka ngap;”

JINGPYNPAW 10:9 ပူးပေါင်းရင်းမြစ်များ

Ka Kitab U Job 23:12

Nga leh borabor ïa kaei kaba U Blei u hukum; nga bud ïa ka mon jong u, ym ïa ki jingkwah jong nga hi.

JEREMAÏAH 15:16

Me la kren ïa nga, bad nga la shahshkor ïa kawei pa kawei ka kyntien. Nga long u jong me, A Trai U Blei Badonbor Baroh, bad kumta ki ktien jong me ki la pyndap ïa ka dohnud jong nga da kaba kmen bad ka jingsngewkmen.

ESEKIEL 2:8

“Ko khun u briew, sngap ïa kaei ba nga ong ha me. Wat ïaleh pyrshah kum ma ki. Ang ïa la ka shyntur bad bam ïa kaei kaba ngan ai ha me.”

ESEKIEL 3:14

Ka bor jong U Trai ka la wan ha nga da ka borbah, bad katba U Mynsiem jong u, u rah noh ïa nga, nga la sngewkthang bad sngewbitar.

KOLOSSAI 3:6

Namar kiba kum kine kiei kiei, ka jingbitar jong U Blei ka wan ha kito ki bymkohnguh ïa u.

JINGPYNPAW 10:10

Nga la shim ïa kata ka kot kli barit na ka kti jong u bad nga la bam ïa ka; bad ha ka shyntur ka thiang kum ka ngap. Hynrei hadien ba nga la nguid ïa ka, ka la kylla jew ha ka 'nierbah jong nga.