JINGPYNPAW 10:7 - Khasi CL Bible (BSI)

⁷ Hynrei haba u angel uba hynñiew u put ïa la ka turoi, te U Blei un pyndep ïa ka jingthmu barieh jong u, kumba u la pynbna ha la ki shakri, ki nongïathuhlypa.”

KA BAIBL

⁷ hynrei, ha kita ki sngi, kata ka ktien sawa ka jong uta u angel u bahynñiew, hamar ba un sa pynsawa, hangta la pyndep noh ïa kata ka jingmaïan ka jong U Blei, kumba u la ïathuhkhana babha ha kita ki shakri jong u ki nongïathuhlypa.

JINGPYNPAW 10:7 ပူးပေါင်းရင်းမြစ်များ

AMOS 3:7

U Trai Nongsynshar um ju leh ei ei khlem da pynpaw ïa ka jingthmu jong u ha la ki shakri, ki nongïathuhlypa.

KI KAM 3:21

U dei ban don ha bneng tad ynda ka poi ka por ha kaba yn thaw thymmai kiei kiei baroh, kumba U Blei u la pynbna lyngba ki nongïathuhlypa bakhuid jong u kiba la im slem bah mynshuwa.

Ka Shithi U Paul Sha Ki Nong Rom 11:25

Ka don ka jingshisha barieh, ko ki parabangeit jong nga, kaba nga kwah ïa phi ban tip, naba kan pynlong ïa phi ban ym pyrkhat katno uba stad phi long. Kata ka long ba ka jingmutlop jong ki paid Israel kam neh sah, hynrei kan neh tang haduh kata ka por ba baroh ki Jentil kin wan sha U Blei.

Ka Shithi U Paul Sha Ki Nong Rom 16:25

To ngin ai ka burom ïa U Blei! U long uba lah ban pynlong ïa phi kiba ïeng skhem ha ka jingngeit jong phi, kat kum ka Khubor Babha kaba nga ïalap shaphang U Jisu Khrist bad kat kum ka jingpynpaw ïa ka jingshisha barieh, ïa kaba la buhrieh la slem bah mynshuwa.

JINGPYNPAW 14:6

Nangta nga la ïohi ïa uwei pat u angel uba her shajrong eh ha suiñ, lem bad ka khubor bymjukut jong ka Khubor Babha ban pynbna ha ki briew ka pyrthei, ha kawei pa kawei ka jaitbynriew, ka jait, ka ktien bad ka kynja bynriew.

JINGPYNPAW 17:17

Naba U Blei u la buh ha ki dohnud jong ki ïa ka mon ban pyndep ïa ka jingthmu jong u da kaba ïatreilang bad da kaba ai ha u mradkhlaw ïa ka bor jong ki ban synshar tad ynda ki ktien jong U Blei ki wan urlong shisha.