JINGPYNPAW 10:11 - Khasi CL Bible (BSI)

¹¹ Te la ïathuh ïa nga, “Sa shisien pat ka dei ïa me ban pynbna ïa ka khubor U Blei sha kiba bun ki jaitbynriew, ki kynja bynriew, ki jait ktien, bad ki syiem.”

KA BAIBL

¹¹ Bad u la ong ha nga, “Ka dei ïa me ban ïathuhlypa pat shaphang shibun ki paidlang, bad ki kynja bynriew, bad ki thylliej, bad ki syiem.”

JINGPYNPAW 10:11 ပူးပေါင်းရင်းမြစ်များ

JEREMAÏAH 25:13

Ngan sa pynshitom ïa ka Babilonia da baroh ki jingjynjar kiba nga la byrngem ban wanrah ha ki ri kiba nga la kren da u Jeremaïah — baroh ki jingjynjar ba la thoh ha kane ka kitab.

ESEKIEL 37:4

U la ong, “To ïathuhlypa halor kine ki shyieng. Ïathuh ha kine ki shyieng kiba tyrkhong ban shahshkor ïa ka ktien U Trai.

ESEKIEL 37:9

U Blei u la ong ha nga, “Ko khun u briew, to ïathuhlypa ha ka lyer. To ïathuh ha ka lyer ba U Trai Nongsynshar u hukum ïa ka ba kan wan na baroh sawdong, ban pyrsad mynsiem ha kine ki metïap, bad ban wallam pat ha ki ïa ka jingim.”

JINGPYNPAW 10:10

Nga la shim ïa kata ka kot kli barit na ka kti jong u bad nga la bam ïa ka; bad ha ka shyntur ka thiang kum ka ngap. Hynrei hadien ba nga la nguid ïa ka, ka la kylla jew ha ka 'nierbah jong nga.

JINGPYNPAW 11:1

La ai ha nga ïa u dieng uba syriem ïa u diengthew, bad la ong ïa nga, “Khie leit bad thew ïa ka Templ U Blei bad ïa ka duwan, bad ñiew ïa kito kiba mane ha ka templ.

JINGPYNPAW 11:9

Ki briew na baroh ki hima, ki kynja bynriew, ki jait ktien, bad ki jaitbynriew kin shu khmih ïa kita ki metïap jong ki haduh lai sngi shiteng bad kin ym shah ban tep ïa ki.

JINGPYNPAW 14:6

Nangta nga la ïohi ïa uwei pat u angel uba her shajrong eh ha suiñ, lem bad ka khubor bymjukut jong ka Khubor Babha ban pynbna ha ki briew ka pyrthei, ha kawei pa kawei ka jaitbynriew, ka jait, ka ktien bad ka kynja bynriew.

JINGPYNPAW 17:10

San ngut na ki, ki la kyllon, uwei u dang synshar, bad uwei pat um pat wan; haba u wan, u dei ban synshar tang shipor.

JINGPYNPAW 17:12

“Ki shiphew tylli ki reng kiba me la ïohi ki long ki shiphew ngut ki syiem ki bym pat shym la sdang ban synshar, hynrei ki ban sa ïoh ka iktiar ban synshar kum ki syiem tang shi kynta bad u mradkhlaw.

JINGPYNPAW 17:15

U angel u la ong ruh ha nga, “Ki um ïa kiba me la ïohi, ha kaba kata ka nuti ka shong, ki long ki jaitbynriew, ki paidlang, ki kynja bynriew bad ki jait ktien.

JINGPYNPAW 5:9

Ki la rwai ka jingrwai bathymmai: “Me long uba dei hok ban shim ïa ka kot kli bad ban pynpait ïa ki jingpyndait jong ka. Naba la pynïap ïa me, bad da ka jingïap ba aiti lut jong me me la siew kuna na ka bynta ki briew jong U Blei na kawei pa kawei ka jait, ka jait ktien, ka hima bad ka jaitbynriew.