JINGPYNPAW 10:1 - Khasi CL Bible (BSI)

¹ Nangta nga la ïohi sa uwei pat u angel bakhrawbor ba u wan hiar na bneng. La sop ïa u ha u lyoh bad la don u simpyllieng sawdong ka khlieh jong u; ka durkhmat jong u ka long kum ka sngi, bad ki kjat jong u kum ki rishot ding.

KA BAIBL

¹ Bad nga la ïohi ïa uwei pat u angel bakhrawbor ba u wan hiar na bneng, uba la kup da u lyoh; bad u simpyllieng halor ka khlieh jong u, bad ka khmat jong u ka la kum ka sngi, bad ki kjat jong u, kum ki rijied ding;

JINGPYNPAW 10:1 ပူးပေါင်းရင်းမြစ်များ

SALM 104:3

bad tei ïa ka ïing jong me halor ki um hajrong. Me pyndonkam ïa ki lyoh kum ki kali ïapom bad me shong halor ki thapniang jong ka lyer.

SALM 97:2

Ki lyoh bad ka jingdum ki ker sawdong ïa u; u synshar da ka hok bad ka jingbishar hok.

EKSODOS 16:10

Katba u Aaron u dang kren ha ka kynhun baroh kawei, ki phai shaphang ka ri shyiap, bad kynsan ka jingshai baphyrnai jong U Trai ka la paw ha u lyoh.

JINGRWAI SOLOMON 5:15

Ki lbong jong u ki long ki rishot alabastar ba la buh ha ki lynghoh ksiar. U long uba ikhain kum ki lumbah Lebanon lem bad ki dieng Kedar bajrong jong ki.

ISAÏAH 19:1

Kane ka dei ka khubor shaphang ka Ijipt. U Trai u wan sha Ijipt, u da shong ha u lyoh uba ïaid stet. Ki bleithaw jong ki Ijipt ki khynñiuh ha khmat jong u, bad ki briew jong ka Ijipt ki duh noh ïa ka jingshlur jong ki.

ISAÏAH 54:9

“Ha ka por u Noah nga la kular ba ngan ym pynshlei shuh ïa ka pyrthei. Mynta nga kular ba ngan ym bitar shuh ïa pha; ngan ym mai ne pynshitom ïa pha.

SNGEWSYNEI 3:44

da u lyoh jong ka jingbitar shla jong me uba rben katta katta ïa ki jingduwai jong ngi ban ksam lyngba.

ESEKIEL 1:28

Ka shai baroh sawdong da ka jingshai kaba phyrnai kaba don lut ha ka baroh ki rong jong u simpyllieng. Kane ka long ka jingshai kaba thaba kaba pynpaw ïa ka jingdon ryngkat U Trai. Haba nga la ïohi ïa kane, nga kyllon kram da pyllup ha ka khyndew.

DANIEL 10:6

Ka met jong u ka tyngshaiñ kum u mawlynnai. Ka durkhmat jong u ka thaba kum ka jingthaba ka leilieh, bad ki khmat jong u ki la meh kum ka ding. Ki kti bad ki kjat jong u ki tyngshaiñ kum ka rnong ba la shut phyrnai, bad ka sur jong u ka sawa kum ka jingkyrhuh u paidbah bakhraw.

DANIEL 7:13

Ha kane ka jingïohipaw ha ka por mynmiet, nga la ïohi ïa kaei kaba i kum u briew. U la wan sha nga, ba la ker sawdong da u lyoh, bad u la leit sha uta uba la im junom bad la ai sngewbha ha u.

LEBITIKOS 16:2

U ong, “Ïathuh ha u hynmen jong me u Aaron ba dei tang ha ka por kaba dei ba un leit shadien ka jingkah jong ka jaka kaba khuid tam, namar ba dei hangta ba nga mihpaw ha u lyoh halor ka jingtap ka Synduk ka Jutang. Lada um kohnguh, un shah pynïap.

MATHAÏOS 17:2

Katba ki dang ïakhmih, ka jingkylla dur ka la wan ha U Jisu: Ka durkhmat jong u ka da tyngshaiñ kum ka sngi, bad ki jaiñ jong u ki la lieh phyrnai eh.

LOUKAS 21:27

Nangta U Khun U Briew un paw, u da wan ha ki lyoh lem bad ka bor bad ka burom bakhraw.

KI KAM 26:13

Ka dei ha ka lynti ha ka por shiteng sngi, ko Syiem Kynrad, ba nga la ïohi ïa ka jingshai kaba kham phyrnai ban ïa ka sngi, kaba wan na sahit bneng bad kaba tyngshaiñ baroh sawdong ïa nga bad ïa ki rangbah kiba la ïaleit lang bad nga.

JINGPYNPAW 1:7

Ha khmih, u wan ha ki lyoh! Baroh kin ïohi ïa u, kynthup ïa kito kiba la sum ïa u. Ki jaitbynriew baroh ha ka pyrthei kin ïamkthang namar jong u. Kumta kan long!

JINGPYNPAW 18:1

Hadien kane nga la ïohi ïa uwei pat u angel uba wan hiar na bneng. U la don ka bor bakhraw, bad ka jingphyrnai jong u ka la pynthaba ïa ka pyrthei baroh kawei.

JINGPYNPAW 18:21

Nangta u angel bakhlaiñbor u la shim ïa u maw uba heh la kat u mawtylliat baheh bad u la kawang ïa u sha ka duriaw, da kaba ong, “Kane ka long kumno ïa ka nongbah Babilon bakhraw yn pynkhyllem ha ka borbah bad yn ym ïohi shuh ïa ka da lei lei.

JINGPYNPAW 20:1

Nangta nga la ïohi ïa u angel ba u wan hiar na bneng, u da bat ha ka kti ïa u shabi jong ka 'liewlong khlem trai bad u kynjri uba khia.

JINGPYNPAW 4:3

Ka durkhmat jong u ka phyrnai kum ki mawkordor, kum u Jasper bad u Karnelian, bad baroh sawdong ka khet la don u simpyllieng uba don ka rong kum ka jong u Emerald.

JINGPYNPAW 5:2

Bad nga la ïohi ïa u angel uba khlaiñ, uba pynbna ha ka sur kaba jam, “Mano uba dei hok ban pynpait ïa ki jingpyndait bad ban plied ïa ka kot kli?”

JINGPYNPAW 8:13

Nangta nga la khmih, nga la ïohsngew ïa u pukni uba her shajrong eh jong ka suiñ ba u pyrta ha ka sur kaba jam, “Kaba kordit! Kaba kordit! Katno kaba kordit kan long ïa baroh kiba shong ha ka pyrthei haba ka jingsawa ka mih na ki turoi ïa kaba kita kiwei pat ki lai ngut ki angel kin put.”