JINGPYNPAW 1:9 - Khasi CL Bible (BSI)

⁹ Nga long u Ïoannis, u parabangeit jong phi, bad kum u nongbud jong U Jisu nga long uba ïadon bynta lem bad phi ban ïaishah ïa ka jingjynjar kaba wan ha kito kiba long na ka Hima jong u. Ïa nga la buh ha ka dewlynnong Patmos namar nga la pynbna ïa ka Ktien U Blei bad ka jingshisha kaba U Jisu u la pynpaw.

KA BAIBL

⁹ Ma nga u Ïoannis, uba u parabangeit jong phi, bad u nongïaïoh bynta lem ha ka jingjynjar, bad ha ka hima bad ka jingïaishah U Jisu Khrist, nga la don ha kata ka 'dewlynnong ïa kaba la khot “Patmos”, na ka bynta ka ktien U Blei bad na ka bynta ka jingphla ïa U Jisu Khrist.

JINGPYNPAW 1:9 ပူးပေါင်းရင်းမြစ်များ

MATHAÏOS 20:23

“Phin sa dih shisha na ka khuri jong nga,” U Jisu u la ïathuh ha ki, “hynrei ngam don ka hok ban jied ïa uno u ban shong sha liang kamon jong nga bad sha liang kadiang jong nga. Kine ki jaka ki long na ka bynta kito ïa kiba U Kpa jong nga u la pynkhreh.”

MARKOS 10:39

“Ngi lah,” ki la jubab. U Jisu u la ong ïa ki, “Da shisha phin sa dih na ka khuri kaba nga dei ban dih bad ban shah pynbaptis ha ka rukom ba dei ban pynbaptis ïa nga.

ÏOANNIS 16:33

Nga la ïathuh ha phi ïa kane khnang ba phin ïoh ïa ka jingsuk da kaba phi long lem bad nga. Ka pyrthei kan pynlong ïa phi ban shahshitom. Hynrei to long shlur! Nga, nga la jop ïa ka pyrthei!”

KI KAM 1:15

Hadien khyndiat sngi, ka la don ka jingïalang jong ki riewngeit, kumba shispah arphew ngut baroh, bad u Petros u la ïeng ban kren.

KI KAM 14:22

Ki la pynkhlaiñ ïa ki riewngeit bad pynshlur ïa ki ban ïaineh skhem ha ka jingngeit. “Ngi dei ban ïaid lyngba bun ki jingjynjar ban ïohrung sha ka Hima U Blei,” ki la hikai.

Ka Shithi U Paul Sha Ki Nong Rom 8:17

Naba ngi long ki khun jong U Blei, ngin ïohkynti ïa ki jingkyrkhu kiba u buh na ka bynta ki briew jong u, bad ngin ïohkynti ruh lem bad U Khrist ïa kaei kaba U Blei u la lah buh na ka bynta jong u; naba lada ngi ïadon bynta lem ha ka jingshah shitom U Khrist, ngin ïoh ruh ban ïadon bynta ha ka burom jong u.

Ka Shithi U Paul Sha Ki Nong Rom 8:25

Hynrei lada ngi kyrmen ïa kaei kaba ngim ïohi, ngi ap ïa kata da ka jingïaishah.

2 KORINTH 1:7

Kumta ba ka jingkyrmen jong ngi sha phi kan ym khih lano lano; ngi tip ba kumba phi ïoh bynta na kita ki jingshahshitom jong ngi, kumjuh ruh phi ïoh bynta lem na kata ka jingïarap kaba ngi ïohpdiang.

PHILIPPI 1:7

Phi long borabor ha ka dohnud jong nga! Kumta ka long kaba dei ïa nga ban sngew kumba nga sngew shaphang jong phi. Namar phi baroh phi la ïoh bynta lem bad nga ha kane ka lad kaba U Blei u la ai ha nga, mynta haba nga don ha byndi bad ruh haba nga la long laitluid ban ïada ïa ka gospel bad ha kaba tei pynskhem ïa ka.

PHILIPPI 4:14

Hynrei ka long kaba bha shibun ïa phi ban ïarap ïa nga ha ki jingjynjar jong nga.

2 THESSALONI 3:5

Ai ba U Trai un ïalam ïa phi sha ka jingshemphang ba kham khraw jong ka jingieit U Blei bad sha ka jingïaishah kaba la ai da U Khrist.

2 TIMOTHI 1:8

Kumta wat sngewlehrain, ban sakhi na ka bynta U Trai jong ngi, lymne ban sngewlehrain ïa nga, u nongsah byndi na ka bynta U Khrist. Pynban, to shim ïa la ka bynta ha kaba shahshitom na ka bynta ka Khubor Babha, kumba U Blei u ai ïa me ka bor ban leh ïa ka.

HEBRU 10:36

Phi donkam ban long kiba ïaishah, khnang ba phi lah ban leh ïa ka mon U Blei bad ïohpdiang ïa kata kaba u kular.

1 PETROS 5:1

Ma nga, uba ïa lade nga long u nongsharai balang, nga kyntu ïa ki nongsharai balang ka balang hapdeng jong phi. Nga long u sakhi ïa ki jingshahshitom U Khrist, bad ngan ïoh bynta ha ka burom kaba yn sa pynpaw.

JINGPYNPAW 1:1

Kane ka kitab ka long ka jingbuh jingthoh ïa ki jingjia kiba U Jisu Khrist u la pynpaw. U Blei u la ai ha u ïa kane ka jingpynpaw khnang ban pyn-i ha ki shakri jong u ïa kaei kaba dei ban jia shen. U Khrist u la pynlong ïa kine kiei kiei ban tip da u shakri jong u, u Ïoannis da kaba phah ïa la u angel sha u,

JINGPYNPAW 1:2

bad u Ïoannis u la ïathuh ïa baroh kaba u la ïohi. Kane ka long ka jingïathuh jong u shaphang ka khubor na U Blei bad ka jingshisha ba la pynpaw da U Jisu Khrist.

JINGPYNPAW 1:4

Na u Ïoannis sha ki hynñiew tylli ki balang ha ka probins jong ka Asia: Ka jingaiei bad ka jingsuk ïa phi na U Blei, uba long, uba la long bad u ban sa wan, bad na ki hynñiew ki mynsiem kiba ha khmat ka khet jong u,

JINGPYNPAW 1:6

bad pynlong ïa ngi ka hima jong ki lyngdoh ban shakri ïa U Blei bad U Kpa jong u. Ha U Jisu Khrist, to long ka burom bad ka bor junom la junom! Amen.

JINGPYNPAW 11:7

Haba ki dep ban pynbna ïa ka khubor jong ki, uta u mradkhlaw uba wan kiew na ka liewlong ba khlem trai un ïaleh pyrshah ïa ki.

JINGPYNPAW 12:11

Ki hynmen ki para jong ngi ki la ïoh ka jingjop halor jong u da ka snam jong U Khunlangbrot bad da ka jingshisha kaba ki la pynbna; bad ki la mon bad aiti ïa la ka jingim bad ban ïap.

JINGPYNPAW 12:17

U Ïakjakor u la bitar shla ïa kata ka briew bad u la leit noh ban ïaleh pyrshah ïa ki khun ki ksiew jong ka kiba dang sah, ïa baroh kito kiba kohnguh ïa ki hukum jong U Blei bad kiba ïaineh ha ka jingshisha ïa kaba U Jisu u la pynpaw.

JINGPYNPAW 13:10

Uno uno uba dei ban shah kem un shah kem da shisha; uno uno uba dei ban shah pynïap da ka waitlam un shah pynïap shisha da ka waitlam. Kane ka dawa ïa ka jingïaishah bad ïa ka jingngeit na ka liang jong ki briew jong U Blei.”

JINGPYNPAW 14:12

Kane ka khot ïa ka jingïaishah ha ka liang ki briew jong U Blei, kito kiba kohnguh ïa ki hukum jong U Blei bad kiba ïaineh ha U Jisu.

JINGPYNPAW 19:10

Nga la dem khrup ha ki kjat jong u ban mane ïa u, hynrei u la ong ha nga, “Wat leh kumne! Nga long u para shakri bad me bad kita ki parabangeit jong me, kito baroh kiba bat ïa ka jingshisha kaba U Jisu u la pynpaw. To mane ïa U Blei!” Naba ka jingshisha kaba U Jisu u la pynpaw ka long kata kaba pyrsad mynsiem ïa ki nongïathuhlypa.

JINGPYNPAW 20:4

Nangta nga la ïohi ïa ki khet bad ha kito kiba shong ha ki la ai ïa ka bor ban bishar. Nga la ïohi ruh ïa ki mynsiem jong kito kiba la shah pynïap namar ba ki la pynbna ïa ka jingshisha ïa kaba U Jisu u la pynpaw bad ïa ka ktien U Blei. Kim shym la mane ïa u mradkhlaw lane ïa ka dur jong u, lymne ba ki la pdiang ïa ka shab jong u mradkhlaw ha ki shyllangmat jong ki lane ha ki kti jong ki. Ki la im pat bad ki la synshar kum ki syiem bad U Khrist shihajar snem.

JINGPYNPAW 3:10

Namar ba pha la kohnguh ïa ka hukum jong nga ban shahshitom, nga ruh ngan ri sumar ïa pha ha ka por jong ka jingjynjar ka ban wan ha ka pyrthei ban tynjuh ïa ki briew baroh ha ka pyrthei.

JINGPYNPAW 6:9

Nangta U Khunlangbrot u la pynpait ïa ka jingpyndait kaba san. Nga la ïohi ha khrum ka duwan ïa ki mynsiem jong kito kiba la shah pynïap namar ba ki la pynbna ïa ka ktien U Blei bad ba ki la ïaineh ha ki jingphla jong ki.

JINGPYNPAW 7:14

Nga la jubab ïa u, “Ngam tip, ko kynrad. Phi te phi tip.” U la ong ha nga, “Kine ki long ki briew kiba la lait na kata ka jingpynshitom kaba triem. Ki la sait ïa la ki jaiñkup bad ki la pynlieh ïa ki da ka snam jong uta U Khunlangbrot.