JINGPYNPAW 1:4 - Khasi CL Bible (BSI)

⁴ Na u Ïoannis sha ki hynñiew tylli ki balang ha ka probins jong ka Asia: Ka jingaiei bad ka jingsuk ïa phi na U Blei, uba long, uba la long bad u ban sa wan, bad na ki hynñiew ki mynsiem kiba ha khmat ka khet jong u,

KA BAIBL

⁴ U Ïoannis, ha kita ki hynñiew balang kiba ha Asia: To long ka jingaiei ha phi bad ka jingsuk, na uta uba long bad uba la ju long bad u ban sa wan; bad na kita ki hynñiew ki mynsiem kiba long ha khmat ka khet jong u;

JINGPYNPAW 1:4 ပူးပေါင်းရင်းမြစ်များ

SALM 90:2

Shuwa ba men pynlong ïa ki lum, lane pynwan ïa ka pyrthei kumba ka long, naduh bymjukut haduh bymjukut me, me long U Blei, bad men ïailong U Blei junom.

EKSODOS 3:14

U Blei u ong ha u Moses, “NGA LONG UBA NGA LONG. Kane ka long kaei kaba me dei ban ong ha ki: ‘Uta ïa uba la khot UBA NGA LONG u phah ïa nga sha phi.’

ISAÏAH 11:2

U Mynsiem jong U Trai un ai ha u ka jingstad bad ka jingtip bad ka jingtbit ban synshar ïa ki briew jong u. Un tip ïa ka mon jong U Trai bad un pyndonburom ïa u,

ISAÏAH 41:4

Mano dei uta ba pynlong ïa kane ban jia? Uba la thmu skhem ïa ka jingïaid ka histori? Nga, U Trai, nga la don hangta naduh mynnyngkong, bad nga, U Trai, ngan ïai don hangta ha kaba kut.

ISAÏAH 57:15

“Nga long U Blei uba khraw bad uba khuid, uba im shi junom. Nga shong ha ki jaka kiba jrong bad kiba khuid, bad nga im ruh bad ki briew kiba sngewrit bad kylla-kaba-mut, kumta ba ngan pynïoh biang ïa ka jingsngewskhem bad ka jingkyrmen jong ki.

MIKAH 5:2

U Trai u ong, “Ko Bethlehem Ephrathah, pha long kaba rit tam na ki shnong ha Judah, hynrei na pha ngan pynmih ïa u nongsynshar ïa ki Israel, uba ka tynrai longïing jong u ka long na ki por mynbarim.”

SEKHARAÏAH 3:9

Nga buh ha khmat jong u Joshua ïa uwei u maw uba don hynñiew tylli ki dong. Ngan shniah ka jingthoh halor jong u bad ha ka shi sngi ngan shim noh ïa ka pop jong kane ka ri.

SEKHARAÏAH 4:10

Ki la noh mynsiem namar ka jingsuki jong ka jingïaid ka kam. Hynrei kin ïohi ba u Serubbabel u dang ïai tei ïa ka Templ, bad kin long kiba kmen.” U angel u la ong ha nga, “Ki hynñiew tylli ki sharak ki long ki hynñiew tylli ki khmat jong U Trai kiba khmih halor ka pyrthei baroh.”

SEKHARAÏAH 6:5

U la jubab, “Kine ki long ki sawlyer, ki dang shu lah wan na ka jingdon ryngkat jong U Trai ka pyrthei baroh.”

ÏOANNIS 1:1

Ha shuwa ban thaw ïa ka pyrthei, u Ktien u la lah don lypa; u la don bad U Blei, bad u long kumjuh kum U Blei.

KI KAM 19:10

Kane ka la neh ar snem, ba kumta baroh ki briew kiba shong basah ha ka probins jong ka Asia, ki Jiw bad ki Jentil, ki la ïohsngew ïa ka ktien jong U Trai.

KI KAM 2:9

Ngi dei na Parthia, na Media, bad na Elam; na Mesopotamia, na Judia, bad na Kappadokia; na Pontos bad na Asia,

Ka Shithi U Paul Sha Ki Nong Rom 1:7

Bad kumta nga thoh sha phi baroh kiba ha Rom kiba U Blei u ieit bad ba u la khot ban long ki briew jong u hi: To U Blei U Kpa jong ngi bad U Jisu Khrist uba U Trai un ai ha phi ïa ka jingaiei bad ka jingsuk.

1 KORINTH 1:3

To U Blei uba long U Kpa jong ngi bad U Jisu Khrist uba U Trai un ai ha phi ïa ka jingaiei bad ïa ka jingsuk.

2 KORINTH 1:2

To U Blei uba U Kpa jong ngi bad U Jisu Khrist uba U Trai un ai ha phi ïa ka jingaiei bad ka jingsuk.

HEBRU 13:8

U Jisu Khrist u long ujuh mynhynnin, mynta bad sha ki bymjukut.

JAKOB 1:17

Ka jingai kaba bha baroh bad kaba janai baroh ka wan na bneng; ka wan hiar na U Blei, u Nongpynlong ïa ki jingshai ba kynja bneng, u bym ju kylla lane pynlong jingdum da ka jingpynphai.

JINGPYNPAW 1:1

Kane ka kitab ka long ka jingbuh jingthoh ïa ki jingjia kiba U Jisu Khrist u la pynpaw. U Blei u la ai ha u ïa kane ka jingpynpaw khnang ban pyn-i ha ki shakri jong u ïa kaei kaba dei ban jia shen. U Khrist u la pynlong ïa kine kiei kiei ban tip da u shakri jong u, u Ïoannis da kaba phah ïa la u angel sha u,

JINGPYNPAW 1:11

Ka la ong, “Thoh ïa kaei kaba me ïohi, bad phah ïa ka kitab sha ki balang ha kine ki hynñiew tylli ki nongbah: ka Ephesos, ka Smyrna, ka Pergamum, ka Thiatira, ka Sardis, ka Philadelphia, bad ka Laodikaïa.”

JINGPYNPAW 1:17

Haba nga la ïohi ïa u, nga la dem khrup ha ki kjat jong u kum u briew ba la ïap. U la buh ïa ka kti kamon jong u halor jong nga bad u la ong, “Wat sheptieng! Nga long uba nyngkong bad uba khatduh.

JINGPYNPAW 1:20

Kane ka dei ka jingmut barieh jong ki hynñiew tylli ki khlur kiba me ïohi ha ka kti kamon jong nga, bad ki hynñiew tylli ki diengpynïeng sharak ksiar: Ki hynñiew tylli ki khlur ki long ki angel jong ki hynñiew tylli ki balang, bad ki hynñiew tylli ki diengpynïeng sharak ki long ki hynñiew tylli ki balang.

JINGPYNPAW 1:8

“Nga long u Alpha bad u Omega,” ong U Trai U Blei Badonbor Baroh, uba long, uba la long bad u ban sa wan.

JINGPYNPAW 1:9

Nga long u Ïoannis, u parabangeit jong phi, bad kum u nongbud jong U Jisu nga long uba ïadon bynta lem bad phi ban ïaishah ïa ka jingjynjar kaba wan ha kito kiba long na ka Hima jong u. Ïa nga la buh ha ka dewlynnong Patmos namar nga la pynbna ïa ka Ktien U Blei bad ka jingshisha kaba U Jisu u la pynpaw.

JINGPYNPAW 16:5

Nga la ïohsngew ïa u angel uba dei khmih ïa ki um ba u ong, “Ki jingbishar kiba me la pynlong ki long kiba hok, A Uba Khuid, me uba long bad uba la long!

JINGPYNPAW 2:12

“Thoh ha u angel jong ka balang ha Pergamum: “Kane ka long ka khubor na uta uba don ka waitlam arliang syrti kaba nep.

JINGPYNPAW 2:18

“Thoh ha u angel jong ka balang ha Thiatira: “Kane ka long ka khubor na U Khun U Blei, kiba ki khmat jong u ki klang kum ka ding, kiba ki kjat jong u ki phyrnai kum ka rnong ba la shut pynphyrnai.

JINGPYNPAW 2:8

“Thoh sha u angel jong ka balang ha Smyrna: “Kane ka long ka khubor na uta uba long, uba nyngkong bad uba khatduh, uba la ïap bad uba la im pat.

JINGPYNPAW 22:16

“Nga, U Jisu, nga la phah ïa u angel jong nga ban pynbna ïa kine kiei kiei ha phi ha ki balang. Nga la hiarpateng na ka longïing jong u Dabid; nga long u khlur step uba phyrnai.”

JINGPYNPAW 22:8

Ma nga, u Ïoannis, nga la ïohsngew bad la ïohi ïa kine kiei kiei baroh. Bad haba nga la dep ïohsngew bad ïohi ïa ki, nga la dem khrup ha ki kjat jong u angel uba la pyn-i ha nga ïa kine kiei kiei, bad nga la jan mane ïa u.

JINGPYNPAW 3:1

“Thoh ha u angel jong ka balang ha Sardis: “Kane ka long ka khubor na uta uba don ki hynñiew ki mynsiem jong U Blei bad ki hynñiew ki khlur. Nga tip ïa kaei kaba pha leh; nga tip ba pha don ka nam babha ba pha long kaba im, wat la pha la ïap!

JINGPYNPAW 3:14

“Thoh ha u angel jong ka balang ha Laodikaïa: “Kane ka long ka khubor na U Amen, uba ïaineh bad u sakhi bashisha, uba long u jingsdang jong baroh kaba U Blei u la thaw.

JINGPYNPAW 3:7

“Thoh ha u angel jong ka balang ha Philadelphia: “Kane ka long ka khubor na uta uba khuid bad uba shisha. U don u shabi jong u Dabid, bad haba u plie ïa ka jingkhang, ym don uba lah ban khang ïa ka, bad haba u khang ïa ka, yn ym don uba lah ban plie ïa ka.

JINGPYNPAW 4:5

Na ka khet la mih ki jingthaba leilieh, ki jingkyrhuh, ki jingsawa u pyrthat. Ha khmat jong ka khet, la don hynñiew tylli ki dongmusa bameh, kiba long ki hynñiew ki mynsiem jong U Blei.

JINGPYNPAW 4:8

Baroh kita ki saw tylli ki jingthaw ba-im, ki don mar hynriew tylli ki thapniang, bad ïa ki la tap da ki khmat, shapoh bad shabar. Mynsngi bad mynmiet kim ju sangeh noh na kaba rwai: “Bakhuid, bakhuid, bakhuid, long U Trai U Blei Badonbor Baroh, Uba la long, uba long bad u ban sa wan.”

JINGPYNPAW 5:6

Nangta nga la ïohi ïa U Khunlangbrot uba ïeng hapdeng ka khet, ïa kaba la ker sawdong da ki saw tylli ki jingthaw ba-im bad ki nongsharai balang. U Khunlangbrot u la paw ba u la shah pynïap. U don hynñiew tylli ki reng bad hynñiew tylli ki khmat, kiba long ki hynñiew ki mynsiem U Blei ïa kiba la phah sha kylleng ka pyrthei.

JINGPYNPAW 8:2

Nangta nga la ïohi ïa ki hynñiew ngut ki angel kiba ïeng ha khmat U Blei, bad la ai ha ki, hynñiew tylli ki turoi.