JINGPYNPAW 1:3 - Khasi CL Bible (BSI)

³ Suk uta uba pule ïa kane ka kitab, bad suk kito kiba shahshkor ïa ki ktien jong kane ka khubor jong ka jingïathuhlypa bad kiba kohnguh ïa kaei kaba la thoh ha kane ka kitab! Naba ka por ka la jan haba baroh kine kiei kiei kin sa jia.

KA BAIBL

³ Suk uta uba pule, bad kita kiba ïohsngew ïa ki ktien jong kane ka jingïathuhlypa, bad kiba sumar ïa kita kiei kiei ruh ïa kiba la thoh ha ka; namar kata ka Ïa ka la jan.

JINGPYNPAW 1:3 ပူးပေါင်းရင်းမြစ်များ

PROBERB 8:34

U briew uba shahshkor ïa nga un suk — u briew uba ap man ka sngi ha jingkhang jong nga, uba ap ha jaka rung ka ïing jong nga.

JEREMAÏAH 51:61

Nga la ong ïa u Seraïah, “Haba men poi ha Babilon, pynthikna ban pule jam ha ki briew ïa kiei kiei baroh ba la thoh hangne.

MATHAÏOS 24:15

“Phin ïohi ïa ‘Ka Jingijli Bashyrkhei’ ïa kaba u Daniel u nongïathuh lypa u la kren. Kan ïeng ha ka jaka bakhuid.” (Ka jingkynthoh ïa u nongpule: Da pynthikna ban shemphang aïu kane ka kit jingmut!)

LOUKAS 11:28

Hynrei U Jisu u la jubab, “Pynban, katno kaba kmen long kito kiba shahshkor ïa ka ktien jong U Blei bad kiba kohnguh ïa ka!”

Ka Shithi U Paul Sha Ki Nong Rom 13:11

Phi dei ban leh ïa kane, namar phi tip ba ka por ka la poi na ka bynta jong phi ban kyndit noh na kaba ïohthiah. Naba ka khyllipmat ban pynim ïa ngi ka long kham hajan mynta ban ïa kaba mynba ngi la ngeit.

Ka Shithi U Paul Sha Ki Nong Rom 13:12

Ka miet ka la jan kut, ka sngi ka la jan sdang. To ngin ïasangeh noh na kaba leh ïa kiei kiei kiba long jong ka jingdum, bad to ngin kieng ïa ki atiar ka jingïaleh ha ka jingshai.

1 PETROS 4:7

Kaba kut jong kiei kiei baroh ka la jan. Phi dei ban long kiba lah ban synshar ïa lade bad kiba sharai, ban lah ban duwai.

2 PETROS 3:8

Hynrei to wat klet ïa kane kawei, ko paralok ba-ieit jong nga! Kam don ka jingïapher ha khmat U Trai hapdeng ka shi sngi bad ka shihajar snem; ha u, baroh ar ki long kumjuh.

JINGPYNPAW 22:10

Bad u la ong ha nga, “Wat bat kum kaba rieh ïa ki ktien ka jingïathuhlypa jong kane ka kitab, namar ka por ka la jan haba kane baroh kan jia.

JINGPYNPAW 22:12

“Shahshkor!” ong U Jisu. “Nga wan kloi! Ngan wallam ïa ki bainong jong nga, ban ai ha uwei pa uwei kat kum kaei kaba u la leh.

JINGPYNPAW 22:20

Uta uba ai ïa ka jingphla jong u ha kane baroh, u ong, “Ho-oid da shisha! Nga wan kloi!” Ai kan long kumta. To wan, Trai Jisu!

JINGPYNPAW 3:11

Ngan wan kloi. Sumar kyndong ïa kaei kaba pha don, khnang ba yn ym don uno uno u ban lute na pha ïa ka bainong jong ka jingjop.