JINGPYNPAW 1:13 - Khasi CL Bible (BSI)

¹³ bad napdeng jong ki, la don uba i kum U Khun U Briew, uba kup ka jaiñkup kaba kot haduh ki kjat jong u, bad u don u panpoh ksiar sawdong ka shadem jong u.

KA BAIBL

¹³ bad hapdeng kita ki hynñiew ki dieng pynïeng sharak, ïa uwei uba kum U Khun u briew, uba la kup jaiñkup haduh ki kjat, bad uba la panpoh ka jingpanpoh ksiar ha ki jymbuiñ.

JINGPYNPAW 1:13 ပူးပေါင်းရင်းမြစ်များ

EKSODOS 39:5

Ïa u panpoh ba la thain itynnat bha da kijuh ki tiar la pyndait lang ha ka ephod kumba U Trai U la hukum ïa u Moses.

ISAÏAH 11:5

Un synshar ïa ki briew jong u da ka jingbishar hok bad da ka jinglong skhem.

DANIEL 10:16

Nangta u angel, uba syriem ïa u briew, u la kner ïa la ka kti bad u la ktah ïa ki rmiang shyntur jong nga. Nga la ong ha u, “Ko rangbah, kane ka jingïohipaw ka pyntlot ïa nga haduh katta katta ba ngam lah ban sangeh ban khynñiuh.

DANIEL 7:13

Ha kane ka jingïohipaw ha ka por mynmiet, nga la ïohi ïa kaei kaba i kum u briew. U la wan sha nga, ba la ker sawdong da u lyoh, bad u la leit sha uta uba la im junom bad la ai sngewbha ha u.

DANIEL 7:9

Mynba nga dang khmih, la buh ïa ki khet ha la ki jaka. Uta uba la im junom u la shong halor kawei na ki khet. Ki jaiñ jong u ki la long kiba lieh kum ka ïor, bad u shñiuh jong u, u long kum u 'saiwul nylla. Ïa ka khet jong u, la buh halor ki shalyntem ding, kaba la klang da ka ding,

LEBITIKOS 8:7

U pynphong ïa ka sopti bad pynkup ïa ka barandi ha u Aaron, bad u pynteh ïa u panpoh ha ka syngkai jong u. U pynphong ïa ka ephod ha u, bad u pynskhem ïa ka da kaba teh ïa ki jingteh ba la thain itynnat ha ka syngkai jong u.

HEBRU 4:15

U Rangbah Lyngdoh jong ngi um long uta u bym lah ban sngewlem ïa ki jingtlot jong ngi. Pynban, ngi don U Rangbah Lyngdoh uba la shah pynshoi ha kiei kiei baroh kum ma ngi, hynrei u bym shym la leh pop.

JINGPYNPAW 14:14

Nangta nga la khmih, bad la don u lyoh uba lieh, bad uba shong halor u lyoh u la long uta uba i kum u briew, uba don ka pansngiat ksiar halor ka khlieh jong u bad ka rashi kaba nep ha ka kti jong u.

JINGPYNPAW 15:6

Ki hynñiew ki angel kiba la don ïa ki hynñiew tylli ki khlam ki la mihnoh na ka Templ, kiba la kup da ki jaiñ linen ba-thaba kiba khuid lem bad ki panpoh ksiar ba la teh sawdong ki shadem jong ki.

JINGPYNPAW 2:1

“Thoh sha u angel jong ka Balang ha Ephesos: “Kane ka long ka khubor na uta uba bat ïa ki hynñiew tylli ki khlur ha ka kti kamon jong u bad uba ïaid hapdeng ki hynñiew tylli ki diengpynïeng sharak ksiar.