JINGPYNPAW 1:1 - Khasi CL Bible (BSI)

¹ Kane ka kitab ka long ka jingbuh jingthoh ïa ki jingjia kiba U Jisu Khrist u la pynpaw. U Blei u la ai ha u ïa kane ka jingpynpaw khnang ban pyn-i ha ki shakri jong u ïa kaei kaba dei ban jia shen. U Khrist u la pynlong ïa kine kiei kiei ban tip da u shakri jong u, u Ïoannis da kaba phah ïa la u angel sha u,

KA BAIBL

¹ Ka jingpynpaw U Jisu Khrist, ïa kaba U Blei u la ai ha u, ban pyni ha ki shakri jong u ïa kiei kiei ruh kiba dei ban jia long shen; bad haba u la phah da u angel jong u, u la pyntip ïa ka ha u Ïoannis u shakri jong u,

JINGPYNPAW 1:1 ပူးပေါင်းရင်းမြစ်များ

SALM 25:14

U Trai u long u paralok jong kito kiba kohnguh ïa u bad u pynskhem ïa la ka jutang bad ki.

DANIEL 8:16

Nga la ïohsngew ïa ka sur kaba pyrta na shiliang ka wah Ulai, “Ko Gabriel, to batai ïa u ïa ka jingmut jong kaei kaba u la ïohi.”

DANIEL 9:21

Mynba nga dang duwai, u Gabriel, uba nga la lah ïohi ha ka jingïohipaw mynshuwa, u la wan her sha tbian sha ka jaka ha kaba nga don. Ka la long ha ka por ban ai ïa ka jingkñia janmiet.

DANIEL 9:23

Mynba me la sdang ban ïasaid bad U Blei, u la jubab ïa me. U ieit ïa me, bad kumta nga la wan ban ïathuh ïa ka jubab ha me. Mynta to pynshahshkor katba nga dang batai ïa ka jingïohipaw.

AMOS 3:7

U Trai Nongsynshar um ju leh ei ei khlem da pynpaw ïa ka jingthmu jong u ha la ki shakri, ki nongïathuhlypa.

ÏOANNIS 12:49

Kane ka long kaba shisha, namar ngam shym la kren ha ka bor jong nga hi; hynrei U Kpa uba la phah ïa nga u la hukum ïa nga ïa kaei kaba nga dei ban ong bad kren.

ÏOANNIS 15:15

Ngam khot shuh ïa phi ki shakri, namar u shakri um tip aïu u kynrad u leh. Pynban, nga khot ïa phi ki paralok, namar nga la ïathuh ïa phi ïa kiei kiei baroh kiba nga la ïohsngew na U Kpa jong nga.

ÏOANNIS 17:8

Nga la ai ha ki ïa ka khubor kaba me la ai ha nga, bad ki la pdiang ïa ka; ki tip ba ka long kaba shisha ba nga la wan na me, bad ki ngeit ba me la phah ïa nga.

ÏOANNIS 3:32

U ïathuh ïa kaei kaba u la ïohi bad la ïohsngew, pynban ym don ba pdiang ïa ka khubor jong u.

ÏOANNIS 8:26

Nga don shibun ban ong shaphang jong phi, shibun ban ïoh pynrem ïa phi. Uta uba la phah ïa nga, pynban, u long uba shisha, bad nga ïathuh ïa ka pyrthei tang ïa kaei kaba nga la ïohsngew na u.”

Ka Shithi U Paul Sha Ki Nong Rom 16:25

To ngin ai ka burom ïa U Blei! U long uba lah ban pynlong ïa phi kiba ïeng skhem ha ka jingngeit jong phi, kat kum ka Khubor Babha kaba nga ïalap shaphang U Jisu Khrist bad kat kum ka jingpynpaw ïa ka jingshisha barieh, ïa kaba la buhrieh la slem bah mynshuwa.

GALATIA 1:12

Ngam shym la ïohpdiang ïa ka na uno uno u briew, lane ym shym la don mano mano ruh ba la hikai ïa ka ha nga. U dei U Jisu Khrist hi uba la pynpaw ïa ka ha nga.

EPHESOS 3:3

U Blei u la pynpaw shai ïa ka jingthmu barieh jong u bad u la pyntip ïa ka ha nga.

TITOS 1:1

Na u Paul, u shakri jong U Blei bad u apostol jong U Jisu Khrist. Ïa nga la jied bad la phah ban ïarap ïa ka jingngeit jong ki briew ba la jied jong U Blei bad ban ïalam ïa ki sha ka jingshisha ba la hikai kat kum ka jingngeit jong ngi,

JINGPYNPAW 1:19

Thoh te, ïa kiei kiei kiba me ïohi; kita kiei kiei kiba long mynta bad kita kiei kiei ki ban sa jia hadien.

JINGPYNPAW 1:9

Nga long u Ïoannis, u parabangeit jong phi, bad kum u nongbud jong U Jisu nga long uba ïadon bynta lem bad phi ban ïaishah ïa ka jingjynjar kaba wan ha kito kiba long na ka Hima jong u. Ïa nga la buh ha ka dewlynnong Patmos namar nga la pynbna ïa ka Ktien U Blei bad ka jingshisha kaba U Jisu u la pynpaw.

JINGPYNPAW 17:1

Nangta uwei na kita ki hynñiew ngut ki angel kiba la don ïa ki hynñiew tylli ki pliang, u la wan sha nga bad u la ong, “Ale, ngan pyn-i ha me ba kumno yn pynshitom ïa ka nuti bapawnam, kata ka nongbah bakhraw ïa kaba la tei hajan ki wah babun.

JINGPYNPAW 19:10

Nga la dem khrup ha ki kjat jong u ban mane ïa u, hynrei u la ong ha nga, “Wat leh kumne! Nga long u para shakri bad me bad kita ki parabangeit jong me, kito baroh kiba bat ïa ka jingshisha kaba U Jisu u la pynpaw. To mane ïa U Blei!” Naba ka jingshisha kaba U Jisu u la pynpaw ka long kata kaba pyrsad mynsiem ïa ki nongïathuhlypa.

JINGPYNPAW 19:9

Nangta u angel u la ong ha nga, “To thoh ïa kane: Suk kito ïa kiba la khot sngewbha sha ka jingkhawai shongkurim jong U Khunlangbrot.” Bad u angel u la bynrap, “Kine ki long ki ktien kiba shisha jong U Blei.”

JINGPYNPAW 21:2

Bad nga la ïohi ïa ka Nongbah Bakhuid, ka Jerusalem bathymmai, kaba da wan hiar na bneng na U Blei, kaba la pynkhreh bad kaba la kloi, kum ka nongleitkurim kaba la riam ban ïashem ïa u tnga jong ka.

JINGPYNPAW 21:9

Uwei na ki hynñiew ngut ki angel uba la don ïa ki hynñiew tylli ki pliang kiba dap da ki hynñiew tylli ki khlam kiba khatduh u la wan sha nga bad u la ong, “To wan, bad ngan pyn-i ha me ïa ka Nongleitkurim, ka tnga jong U Khunlangbrot.”

JINGPYNPAW 22:1

U angel u la pyn-i ruh ha nga ïa ka wah jong ka um ka jingim, kaba shat phyrnai sngur bha, bad kaba wan mih na ka khet jong U Blei bad ka jong U Khunlangbrot

JINGPYNPAW 22:16

“Nga, U Jisu, nga la phah ïa u angel jong nga ban pynbna ïa kine kiei kiei ha phi ha ki balang. Nga la hiarpateng na ka longïing jong u Dabid; nga long u khlur step uba phyrnai.”

JINGPYNPAW 22:6

Nangta u angel u la ong ha nga, “Kine ki ktien ki long kiba shisha bad kiba lah ban shaniah. Bad U Trai uba U Blei, uba ai ïa U Mynsiem jong u ha ki nongïathuhlypa, u la phah ïa u angel jong u ban pyn-i ha ki shakri jong u ïa kaei kaba dei ban jia shen.”

JINGPYNPAW 22:8

Ma nga, u Ïoannis, nga la ïohsngew bad la ïohi ïa kine kiei kiei baroh. Bad haba nga la dep ïohsngew bad ïohi ïa ki, nga la dem khrup ha ki kjat jong u angel uba la pyn-i ha nga ïa kine kiei kiei, bad nga la jan mane ïa u.

JINGPYNPAW 22:9

Bad u la ong ha nga, “Wat leh kumne! Nga long u shakri ryngkat bad me lem bad ki nongïathuhlypa ki para jong me bad jong kito baroh kiba kohnguh ïa ki ktien hapoh jong kane ka kitab. To mane ïa U Blei!”

JINGPYNPAW 4:1

Ha kane ka por, nga don kawei pat ka jingïohipaw bad nga la ïohi ïa ka jingkhang ba plie ha bneng. Bad nga la ïohsngew ïa ka sur kaba sawa kum ka turoi kaba nga la ïohsngew kaba kren ha nga kumba mynshuwa, kaba ong, “Wan kiew shane shalor, bad ngan pyn-i ïa me kaei kaba dei ban jia hadien kane.”

JINGPYNPAW 5:7

U Khunlangbrot u la leit bad u la shim ïa ka kot kli na ka kti kamon jong uta uba shong halor ka khet.