JINGKHEIÑ 9:2 - Khasi CL Bible (BSI)

^2-3 U da ong, “Ha ka sngi kaba khatsaw jong une u bnai, da kaba sdang ha ka por basep ka sngi, ki paid Israel ki dei ban rakhe ïa ka Jingkhawai Niam Ka Jinglait kat kum ki aiñ bad jingbuhbeit ryntih baroh na ka bynta kane.”

KA BAIBL

² “To ai ba ki khun Israel kin ïarakhe ïa Ka Niam Ka Jinglait ruh ha ka aïom ba la buh.

JINGKHEIÑ 9:2 ပူးပေါင်းရင်းမြစ်များ

2 SYIEM 23:21

U syiem Josaïah u hukum ïa ki briew ban rakhe ïa ka Jingkhawai Niam Ka Jinglait kum ka jinglehburom ïa U Trai U Blei jong ki, kumba la thoh ha ka Kitab ka Jutang.

2 KHRONIKL 35:1

U syiem Josaïah u rakhe ïa ka Jingkhawai Niam Ka Jinglait ha Jerusalem ban pyndonburom ïa U Trai; ha ka sngi kaba khatsaw jong u bnai uba nyngkong ki pynïap ïa ki jingri na ka bynta ka Jingkhawai Niam.

ESRA 6:19

Ki briew kiba la wan phai na ka jingshah ringmraw, ki la rakhe ïa ka Niam Ka Jinglait ha ka sngi kaba khatsaw jong u bnai banyngkong jong ka snem kaba bud.

LEBITIKOS 23:5

“Ka Niam Ka Jinglait, ïa kaba ju rakhe ban pyndonburom ïa U Trai, ka sdang ha ka por sep sngi ha ka sngi kaba khatsaw jong u bnai uba nyngkong.

JINGKHEIÑ 28:16

Ïa ka Jingkhawai Niam Ka Jinglait ha kaba pyndonburom ïa U Trai dei ban pynlong ha ka sngi kaba khatsaw jong u bnai uba nyngkong.

MARKOS 14:12

Ha ka sngi nyngkong jong ka Jingkhawai Niam U Kpu Bakhlem Thiat, ka sngi ha kaba la pynïap ïa ki khunlangbrot na ka bynta ka Jingkhawai Niam Ka Jinglait, ki synran U Jisu ki la kylli ïa u, “Hangno me kwah ïa ngi ban leit bad ban pynkhreh ïa ka jingbam na ka bynta ka Jingkhawai Niam Ka Jinglait?”

LOUKAS 22:7

Ka sngi ka la poi ha ka por ka Jingkhawai Niam U Kpu Bakhlem Thiat ha kaba ïa ki khunlangbrot na ka bynta ka jingbam ka Niam Ka Jinglait la dei ban pynïap.

JOSHUA 5:10

Katba ki Israel ki dang shong dara ha Gilgal ha ka pyntha hajan ka Jerikho, ki la rakhe ïa ka Jingkhawai Niam Ka Jinglait ha ka janmiet jong ka sngi kaba khatsaw jong u bnai.