JINGKHEIÑ 9:18 - Khasi CL Bible (BSI)

¹⁸ Da ka hukum U Trai, ki Israel ki lied noh ïa ki dara, bad da ka hukum jong u ki pynïeng pat ïa ki dara. Katba u lyoh u dang neh halor ka Ïingjaiñ, ki shong ki sah ha kajuh ka jaka.

KA BAIBL

¹⁸ Da ka hukum U Trai, ki khun Israel ki la ju leit mih noh, bad da ka hukum U Trai ruh, ki la ju ïashong dara: katba u la shong uta u lyoh halor Ka Tabernakl, katta ki la ju shong ha ki ïing dara jong ki.

JINGKHEIÑ 9:18 ပူးပေါင်းရင်းမြစ်များ

1 KORINTH 10:1

Nga kwah ïa phi ban kynmaw, ko parabangeit jong nga, ïa kaei kaba la jia ïa ki kpa tymmen jong ngi kiba la bud ïa u Moses. Baroh ki la don hapoh ka jingïada jong u lyoh, bad baroh ki la ïaid lyngba ïa ka Duriaw Basaw.

2 ÏOANNIS 1:6

Kane ka jingieit kaba nga kren ka mut ba ngin ïaid ha ka jingkohnguh ïa ki hukum jong U Blei. Ka hukum, kumba phi baroh phi la ïohsngew naduh mynnyngkong, ka long ba baroh phi dei ban ïa-ïaid ha ka jingieit.

JINGKHEIÑ 10:13

Ki sdang ban ïaid da ka hukum U Trai lyngba u Moses,

JINGKHEIÑ 9:20

Teng teng, uta u lyoh u neh halor ka Ïingjaiñ tang khyndiat sngi; la kumno kumno ruh, kat kum ka hukum U Trai, ki sah ha kajuh ka jaka ne ki kynriah noh shawei.

EKSODOS 17:1

Ka kynhun Israel baroh ka la mihnoh na ka ri shyiap Sin, da kaba ïaid na kawei ka jaka sha kawei pat ka jaka kat kum ka hukum U Trai. Ki la sher dara ha Rephidim, hynrei ym don umdih hangta.

JINGKHEIÑ 9:19

Haba u lyoh u neh bun sngi halor ka Ïingjaiñ, ki kohnguh ïa U Trai, bad kim shym mihnoh.