JINGKHEIÑ 8:7 - Khasi CL Bible (BSI)

⁷ ha kane ka rukom: synreit ha ki da ka um jingpynkhuid bad ong ba kin khi shñiuh baroh shi rynïeng bad sait ïa la ki jaiñ. Te yn sa ñiew ïa ki ba ki long kiba khuid katba kum ka jinglehniam.

KA BAIBL

⁷ Te kumne keiñ men leh ha ki ïa ka ban pynkhuid ïa ki: To synreit ïa ka um ka jingpynkhuid halor jong ki, kin khi ruh ïa ka met jong ki baroh, kin sait ïa la ki jaiñ ruh, kumta te, kin ïapynkhuid kyntang ïa lade.

JINGKHEIÑ 8:7 ပူးပေါင်းရင်းမြစ်များ

JENESIS 35:2

Kumta u Jakob u ong ha la ki ba-ha-ïing ha-sem bad ha kita baroh kiba don lem bad u, “Bret noh ïa ki blei nongwei baroh kiba phi don; pynkhuid ïa lade, bad phong da ki jaiñ kiba khuid.

SALM 51:2

To sait ïa ka jingbymman jong nga baroh bad pynlong ïa nga uba khuid na ka pop jong nga!

SALM 51:7

Weng noh ïa ka pop jong nga, bad ngan long khuid; sait ïa nga, bad ngan kham lieh ïa ka ïor.

EKSODOS 19:10

bad U Trai u ong ha u Moses, “Khie leit sha ki paidbah bad ong ïa ki ba kin pynkhuid ïa lade mynta ka sngi bad la shai ruh khnang ba ki lah ban mane.

ISAÏAH 52:15

Hynrei mynta bun ki hima kin sngewphylla ïa u, bad ki syiem kin ym lait kren namar ka jingsngew lyngngoh. Kin ïohi bad kin sngewthuh katto katne kaba kim pat ju tip mynno mynno.”

JEREMAÏAH 4:14

A Jerusalem, to sait noh ïa ka jingsniew na ka dohnud jong pha, khnang ba pha lah ban ïohlait im. Sa katno phan dang ïai pyrkhat ïa ki jingpyrkhat bashlei da ka pop?

ESEKIEL 36:25

Ngan synreit ïa phi da ka um khuid, bad ngan pynkhuid ïa phi na ki bleithaw jong phi bad na baroh kiei kiei kiba la pyntngit ïa phi.

LEBITIKOS 15:27

Uno uno uba ktah ïa kita u long u bymkhuid bad u dei ban sait ïa la ki jaiñ bad un sum; u long u bymkhuid haduh janmiet.

LEBITIKOS 15:6

lane uba shong ha kaei kaei kaba uta u briew u shong, u dei ban sait ïa la ki jaiñ bad un sum, bad un long u bymkhuid haduh janmiet.

LEBITIKOS 16:28

Uta uba thang ïa ki u dei ban sait ïa la ki jaiñkup bad un sum shuwa ba un leit phai sha ka jaka shong dara.

LEBITIKOS 8:6

U Moses u wallam ïa u Aaron bad ïa ki khun shynrang jong u sha khmat bad u bthah ïa ki ban sum da ka um.

JINGKHEIÑ 19:13

Kito kiba ktah ïa ka metïap bad ki bym pynkhuid ïa lade ki sah hi ki bymkhuid, namar ba ym shym la synreit ïa ka um ka jingpynkhuid ha ki. Kita ki pyntngit ïa ka Ïingjaiñ jong U Trai, bad yn ym ñiew shuh ïa ki kum ki briew jong U Blei.

JINGKHEIÑ 31:20

Phi dei ruh ban pynkhuid ïa kawei pa kawei ka jaiñphong, bad ïa kaei kaei baroh ïa kaba la shna da ka snieh mrad, da u shñiuh blang, ne da ka dieng.”

JINGKHEIÑ 8:21

Ki Lebi ruh ki la pynkhuid ïa lade bad sait ïa la ki jaiñ, bad u Aaron u la pynkyntang ïa ki kum ka jingai kaba kyrpang sha U Trai. U la pyndep ruh ïa ka jinglehniam pynkhuid na ka bynta jong ki.

HEBRU 9:10

namar ba ki ïadei tang bad ka jingbam, ka jingdih bad ki niam ki rukom pynkhuid babun jait. Kine baroh ki long ki aiñ kiba tang shabar, kiba ïadei tang haduh ka por ba U Blei un seng nongrim da kaei kaba thymmai.

HEBRU 9:13

Ka snam jong ki blang bad ki masi kyrtong bad u dpei jong u masi lud la synreit halor ki briew ïa kiba la ñiew bymkhuid kat kum ka jinglehniam, bad kane ka pynkhuid ïa ki da kaba weng noh ïa ka jingbymkhuid katba kum ka jinglehniam.

JAKOB 4:8

To wan hajan U Blei, bad un wan hajan jong phi. To sait ïa la ki kti, ko phi ki nongpop! To pynkhuid ïa la ki dohnud, phi kiba arsap!

1 PETROS 3:21

kaba long ka dak kaba kdew sha ka jingpynbaptis, kaba pyllait im ïa phi mynta. Kam dei ka jingsait noh ïa ka jakhlia na ka met, hynrei ka jingkular ba la pynlong sha U Blei na ka jingïatiplem babha. Ka pynim ïa phi da ka jingmihpat jong U Jisu Khrist,

JINGPYNPAW 7:14

Nga la jubab ïa u, “Ngam tip, ko kynrad. Phi te phi tip.” U la ong ha nga, “Kine ki long ki briew kiba la lait na kata ka jingpynshitom kaba triem. Ki la sait ïa la ki jaiñkup bad ki la pynlieh ïa ki da ka snam jong uta U Khunlangbrot.