JINGKHEIÑ 8:12 - Khasi CL Bible (BSI)

¹² Nangta ki Lebi kin buh ïa la ki kti halor ki khlieh jong ki ar tylli ki masi lyngraw; ïa uwei yn kñia kum ka jingkñia namar ka pop bad ïa uwei pat kum ka jingainguh thang, na ka bynta ban pyndep ïa ka jinglehniam pynkhuid ïa ki Lebi.

KA BAIBL

¹² Bad ki Lebi, kin buh ïa ki kti jong ki ha ki khlieh kita ki masi lyngraw: me ruh men ainguh ïa uwei, ban long ka jingkñia sait pop, bad ïa uta uwei, ban long ka jingainguh thang ha U Trai, ïa ka ban pynlong ka kuna na ka bynta ki Lebi.

JINGKHEIÑ 8:12 ပူးပေါင်းရင်းမြစ်များ

EKSODOS 29:10

“Wallam ïa uta u masi lyngraw ha khmat ka Ïingjaiñ ka Jingdon Ryngkat jong nga, bad ong ïa u Aaron bad ïa ki khun shynrang jong u ba kin buh ïa la ki kti ha ka khlieh jong u.

LEBITIKOS 1:4

Uta u briew un buh ïa la ka kti ha ka khlieh jong ka, bad yn sa pdiang ïa ka kum ka jingkñia ban kit noh ïa ki pop jong u.

LEBITIKOS 14:22

Un wallam ruh ar tylli ki paro ne ki lyngdkhur, kawei na ka bynta ka jingkñia namar ka pop, bad kawei pat na ka bynta ka jingkñia ainguh thang.

LEBITIKOS 16:11

Haba u Aaron u kñia ïa uta u masi lyngraw kum ka jingkñia namar ka pop na ka bynta ïa lade bad ka longïing jong u,

LEBITIKOS 16:21

Un buh ïa la ki kti baroh ar ha ka khlieh jong uta u 'langsohmoh, bad halor jong u un phla ïa ki jingbymman, ïa ki pop, bad ïa ki jingïaleh pyrshah baroh jong ki Israel, bad da kumta un pynkit ïa ki ha ka khlieh jong uta u 'langsohmoh. Nangta dei ban ñiah noh ïa uta u 'langsohmoh sha ka ri shyiap da u briew uba la jied kyrpang na ka bynta kata.

LEBITIKOS 16:6

Un kñia ïa uta u masi lyngraw kum ka jingkñia ban map ïa ki pop jong u bad jong ka longïing jong u.

LEBITIKOS 4:15

Ki nongïalam jong uta u paidlang kin buh ïa la ki kti ha ka khlieh jong u, bad kin pynïap ïa u hangta.

LEBITIKOS 4:20

Un leh kumjuh ïa une u masi lyngraw kumba u ju leh ïa u masi lyngraw jong ka jingkñia ainguh namar ka pop, bad ha kane ka rukom un pyndep ïa ka jingkñia namar ka pop jong uta u paidlang, bad yn map ïa ki.

LEBITIKOS 4:35

Nangta un weng ïa ka khleiñ jong ka baroh, kumba ju weng ïa ka khleiñ na ki langbrot ba la pynïap na ka bynta ki jingainguh ïasyllok, bad un thang ïa ka ha ka duwan lem bad ki jingainguh bam ba ai sha U Trai. Ha kane ka rukom u lyngdoh un ai ïa ka jingkñia namar ka pop jong uta u briew bad yn map ïa u.

LEBITIKOS 4:4

Un wanlam ïa uta u masi sha ka jingkhang ka Ïingjaiñ, un buh ïa la ka kti ha ka khlieh jong u, bad un pynïap ïa u hangta ha ka jingdon ryngkat U Trai.

LEBITIKOS 5:7

Lada u briew um kotbor ban wallam da ka langbrot ne da ka blang, un wanrah sha U Trai ar tylli ki paro ne ar tylli ki lyngdkhur kum ka jingpli ïa la ka pop, kawei na ka bynta ka jingkñia namar ka pop bad kawei pat na ka bynta ka jingkñia ainguh thang.

LEBITIKOS 8:14

Nangta u Moses u wanlam ïa uta u masi lyngraw ban pynlong ka jingkñia namar ka pop, bad u Aaron bad ki khun shynrang jong u ki buh ïa la ki kti ha ka khlieh jong u.

LEBITIKOS 8:15

U Moses u pynïap ïa u, u shim khyndiat ka snam, bad u pyndei ïa ka da la ka shynriah'ti ha ki reng kiba don ha ki dong jong ka duwan, khnang ban pynkyntang ïa ka. Nangta u theh ïa ka snam kaba sah baroh ha trai ka duwan. Ha kane ka rukom u pynkyntang ïa ka bad u pynkhuid ïa ka.

LEBITIKOS 8:18

Nangta pat, u Moses u wanlam ïa uta u langbrot ban pynlong ka jingkñia ainguh thang, bad u Aaron bad ki khun shynrang jong u ki buh ïa la ki kti ha ka khlieh jong u.

LEBITIKOS 8:34

U Trai u la hukum ïa ngi ban leh ïa kiei kiei kiba ngi la leh mynta ka sngi, khnang ban map ïa ka pop jong phi.

LEBITIKOS 9:7

Nangta u ong ha u Aaron, “Khie leit sha ka duwan bad kñia ïa ka jingkñia namar ka pop bad ïa ka jingainguh thang ba yn ïohmap ïa ki pop jong phi bad ïa ki pop jong ki paidbah. Leh ïa kane ba yn ïohmap noh ïa ki pop jong ki paidbah, kumba U Trai u la hukum.”

JINGKHEIÑ 6:14

bad ai sha U Trai lai tylli ki jingri ki bym don kano kano ka jingduna: uwei u khunlangbrot uba shisnem ka rta na ka bynta ka jingainguh thang, kawei ka khunlangbrot kaba shisnem ka rta na ka bynta ka jingkñia namar ka pop, bad uwei u langbrot na ka bynta ka jingainguh jingïasyllok.

JINGKHEIÑ 6:16

U lyngdoh un wallam ïa kine baroh ha U Trai bad un ai ka jingkñia namar ka pop bad ka jingainguh thang.

JINGKHEIÑ 8:13

“Pynkyrpang ïa ki Lebi kum ka jingai bakyrpang ïa nga, bad buh ïa u Aaron bad ki khun shynrang jong u ban khmih ïa ki.

JINGKHEIÑ 8:8

Nangta kin shim uwei u masi lyngraw bad ka jingainguh bam da u 'purew ba la khleh umphniang Olib; bad me pat men shim sa uwei u masi lyngraw na ka bynta ka jingkñia namar ka pop.

HEBRU 9:22

Da shisha, kat kum ka Hukum, la jan baroh kiei kiei la pynkhuid da ka snam, bad ïa ki pop la map noh tang lada la theh ïa ka snam.