JINGKHEIÑ 7:89 - Khasi CL Bible (BSI)

⁸⁹ Haba u Moses u leit rung shapoh ka Ïingjaiñ ban ïakren bad U Trai, u la ïohsngew ba U Trai u kren ïa u najrong ka jingtap ha ka Synduk ka Jutang, napdeng ki ar tylli ki kherub.

KA BAIBL

⁸⁹ Te haba u Moses u da leit hapoh Ka Tabernakl ka jingïaseng ïa ka ban kren ha U Blei, u la ïohsngew ïa ka jingsawa ktien kaba kren ha u nalor kata ka jaka-isynei kaba halor kata ka synduk ka jingphla, napdeng kita ki ar tylli ki Kherub: U la kren ruh ha u.

JINGKHEIÑ 7:89 ပူးပေါင်းရင်းမြစ်များ

1 SYIEM 6:23

Ïa ki ar tylli ki kherub kiba jrong 4.4 mitar uwei uwei la shna na u dieng Olib, bad la buh ïa ki ha ka Jaka Kaba Kyntang Tam.

SALM 80:1

To shahshkor ïa ngi, ko Nongap langbrot ka Israel; to sngew ïa ngi, ko nongïalam jong ka kynhun langbrot jong me. Me uba la shong halor ka khet halor jong ki kherub,

SALM 99:1

U Trai u long u syiem, bad ki briew kin khynñiuh. U shong ha ka khet halor ki kherub, bad ka pyrthei kan khynñiuh.

EKSODOS 40:34

Nangta u lyoh u tap ïa ka Ïingjaiñ baroh kawei, bad ka burom batyngshaiñ na ka jingdon ryngkat U Trai ka pyndap ïa ka.

EKSODOS 40:35

Namar kane, u Moses um shym lah ban leit rung shapoh kata ka Ïingjaiñ.

LEBITIKOS 1:1

U Trai u khot ïa u Moses na ka Ïingjaiñ ka Jingdon Ryngkat U Trai bad u ai ha u ïa kine ki aiñ harum,

JINGKHEIÑ 1:1

Ha ka sngi kaba nyngkong jong u bnai uba ar, ha ka snem kaba ar hadien ba ki Israel ki la mihnoh na Ijipt, U Trai u kren ha u Moses hangta ha ka Ïingjaiñ ka Jingdon Ryngkat jong U ha ka ri shyiap Sinai.

JINGKHEIÑ 11:17

Ngan wan hiar bad ïakren bad me hangta, bad ngan shim khyndiat ka bor mynsiem ïa kaba nga la ai ha me bad ngan ai ïa ka ha ki. Te kin sa lah ban ïakit lem ïa ka jingkitkhlieh na ka bynta kine ki paidbah, bad men ym donkam shuh ban kit tang marwei hi.

JINGKHEIÑ 12:8

Kumta nga ïakren bad u markhmat, da kaba shai, bad ym ha ki jingkyntip; u la ïohi wat ïa ka dur jong nga. Kumno keiñ phi nud ban kren pyrshah ïa u Moses u shakri jong nga?”

JINGKHEIÑ 8:1

U Trai u ong ha u Moses,

HEBRU 4:16

To ngin sngewskhem, te, bad leit sha ka khet U Blei, ha kaba don ka jingaiei. Hangta ngin ïohpdiang ïa ka jingisynei bad ngin shem ïa ka jingaiei ka ban ïarap ïa ngi ha ka por ba ngi donkam ïa ka.

1 PETROS 1:12

U Blei u la pynpaw ha kine ki nongïathuhlypa ba ka jingtrei jong ki kam shym la long na ka bynta ka jingmyntoi jong ki hi, hynrei na ka bynta jong phi, katba ki dang lah kren shaphang kito kiei kiei ïa kiba phi la ïohsngew mynta na ki nonglamktien kiba la pynbna ïa ka Khubor Babha da ka bor U Mynsiem Bakhuid ba la phah na bneng. Kine ki long kiei kiei kiba wat ki angel ki thrang ban shemphang.

1 SAMUEL 4:4

Kumta ki phah nonglamktien sha Shiloh bad ki wanrah ïa ka Synduk ka Jutang U Trai Badonbor Baroh, uba shongkhet halor ki Kherub. Bad ki ar ngut ki khun shynrang u Eli, u Hophni bad u Phinehas, ki wan ryngkat hangta bad ka Synduk ka Jutang.