JINGKHEIÑ 7:10 - Khasi CL Bible (BSI)

¹⁰ Ki nongïalam ki la wallam ruh ki jingainguh ban rakhe ïa ka jingpynkyntang ïa ka duwan. Haba ki la khreh ban ai ïa ki jingainguh jong ki ha ka duwan,

KA BAIBL

¹⁰ Te kita ki rangbah ki la ai ki jingainguh, ïa ka ban pynkyntang ïa ka duwan ha kata ka sngi ba la pynsleh ïa ka, bad kita ki rangbah ki la wallam ïa ki jingainguh jong ki ha khmat kata ka duwan.

JINGKHEIÑ 7:10 ပူးပေါင်းရင်းမြစ်များ

1 SYIEM 8:63

U kñia arphew ar hajar tylli ki masi bad shi lakh arphew hajar tylli ki langbrot kum ki jingainguh jingïasyllok. Bad kumta u syiem bad ki paidbah baroh ki pynkyntang ïa ka Templ.

2 KHRONIKL 7:5

U kñia arphew ar hajar tylli ki masi bad shi lakh arphew hajar tylli ki langbrot kum ki jingainguh ïasyllok. Bad kumta ma u bad uta u paidbah baroh ki pynkyntang ïa ka Templ.

2 KHRONIKL 7:9

Ki la pynlut hynñiew sngi ha kaba pynkyntang ïa ka duwan, bad nangta sa hynñiew sngi ha kaba rakhe ïa ka Jingkhawai Niam. Ha ka sngi kaba khatduh ki la pynlong ïa ka jingrakhe pynwai.

NEHEMAÏAH 12:27

Haba ïa ka kynroh ka nongbah la pynkyntang, ïa ki Lebi la wallam shapoh na ki jaka ba ki ïashong ïasah, khnang ba ki lah ban ïadon bynta ha ka jinglehkmen jong ka jingpynkyntang ryngkat bad ki jingrwai jong ka jingainguh bad ki jingtem jong ki shakuriaw bad ki duitara.

NEHEMAÏAH 12:43

Ha kata ka sngi, la pynlong bun ki jingkñia, bad u paidbah u la dap da ka jingkmen namar U Blei u la pynlong ïa ki ban kmen haduh katta katta. Ki kynthei bad ki khynnah ki la ïasnohlang ha ka jinglehkmen, bad ïa ka jingsawa kaba ki la pynlong, la ïohsngew shaduh sha jngai bah.

SALM 30:1

Nga ïaroh ïa me, A Trai, namar me la ri pynim ïa nga bad khang ïa ki nongshun jong nga na kaba leh risa halor jong nga.

JINGKHEIÑ 7:1

Ha ka sngi ba u Moses u la dep pynïeng ïa ka Ïingjaiñ ka Jingdon Ryngkat U Trai, u la pynsleh bad pynkyntang ïa ka Ïingjaiñ bad ïa ki tiar ki tar jong ka baroh, bad ïa ka duwan bad ki khiew ki pliang jong ka baroh.

JINGKHEIÑ 7:11

U Trai u ong ha u Moses, “Ong ïa ki ba uwei na ki nongïalam un wanrah man la ka sngi haduh khat-ar sngi kynthih ïa ki jingainguh jong u ban pynkyntang ïa ka duwan.”

JINGKHEIÑ 7:84

Ki jingkheiñlang ïa baroh ki jingainguh ba la wallam da ki khat-ar ngut ki nongïalam na ka bynta ka jingpynkyntang ïa ka duwan ki long kumne harum: — khat-ar tylli ki pliang rupa, khat-ar tylli ki dabor rupa kiba ka jingkhia ka long 27.6 kilo — khat-ar tylli ki pliang ksiar kiba khia 1.32 kilo, ba la pyndap da ka jingiwbih — khat-ar tylli ki masi lyngraw, khat-ar tylli ki langbrot shynrang, bad khat-ar tylli ki khunlangbrot shynrang kiba shisnem ka rta, lem bad ki jingainguh bam kiba ju ainguh lem bad ki, na ka bynta ki jingainguh thang — khat-ar tylli ki blang na ka bynta ka jingkñia namar ka pop — arphew saw tylli ki masi shynrang, hynriewphew tylli ki langbrot shynrang, hynriewphew tylli ki 'langsohmoh, bad hynriewphew tylli ki khunlangbrot shynrang kiba shisnem ka rta na ka bynta ki jingainguh ïasyllok.

DEUTERONOMI 20:5

“Nangta ki rangbah synshar kin kren ha uta u paidïapom, bad kin ong, ‘Don mo hangne uba dang shu dep shna ïing thymmai, hynrei u bym pat pynkyntang ïa ka? Lada don, ai un leit phai sha la ïing, ïoh ba u ïap ha madan thma, bad ba uwei pat u pynkyntang ïa ka ïing jong u.