JINGKHEIÑ 6:2 - Khasi CL Bible (BSI)

² ban ai ïa kine ki jingbthah ïa ki paid Israel. Uno uno napdeng jong phi, u shynrang ne ka kynthei, kiba smai kyrpang ban long ki Nasir bad kiba pynkyntang ïa lade sha U Trai,

KA BAIBL

² “To kren ha ki khun Israel, to ong ruh ha ki; ‘Haba u briew lane ka briew ki la pynkyrpang ïa lade ïa ka ban kular skhem ïa ka jingkular Nasar, ban pynkyntang ïa lade ha U Trai:

JINGKHEIÑ 6:2 ပူးပေါင်းရင်းမြစ်များ

EKSODOS 33:16

Naba da kumno ki briew kin tip ba me sngewbha ïa une u paidlang bad ïa nga lada me men ym leit ryngkat bad ngi? Ka jingdon ryngkat jong me bad ngi kan pyn-i ba ngi long kiba pher na kiwei pat ki jaitbynriew ha ka pyrthei.”

PROBERB 18:1

Ki briew ki bym ïadei bad kiwei ki pyrkhat tang ïa lade; kin ym ïahap bad kaei kaba baroh ki tip ba ka long kaba dei.

JEREMAÏAH 35:6

Hynrei ki la jubab, “Ngim ju dih waiñ. U kpa tymmen jong ngi u Jonadab u khun jong u Rekhab u la ong ïa ngi ba ma ngi lymne ki khun ki ksiew jong ngi ngim dei ban dih ïa kano kano ka waiñ.

LEBITIKOS 20:26

Phi dei ban long kiba khuid ïa nga, namar nga long U Trai bad nga long uba khuid. Nga la pynkyrpang ïa phi na kiwei pat ki jaitbynriew ba phin long ki jong nga.

LEBITIKOS 27:2

Haba la ai ïa uno uno u briew sha U Trai kum ka jingpyndep ïa ka kular kaba kyrpang, ïa uta u briew lah ban pyllait pat ïa u da ka jingsiew kat kum ka dor ka pisa kumne harum,

JINGKHEIÑ 30:3

Haba ka theisamla kaba dang sah bad la u kpa ka kular ban ai ei ei sha U Trai, lane ka kular ban kyndiah na kano kano,

JINGKHEIÑ 6:1

U Trai u hukum ïa u Moses

LOUKAS 1:15

Un long u briew uba khraw ha khmat U Trai. Um dei ban dih kano kano ka waiñ lane ka jingdih kaba khor. Naduh ka jingkha ïa u, yn pyndap da U Mynsiem Bakhuid,

KI KAM 18:18

U Paul u la nang sah kham bun sngi bad ki parabangeit ha Korinth, nangta u la iehnoh ïa ki bad u la leit da ka lieng lem bad ka Priskila bad u Akwila sha Syria. Ha shuwa ba un leit da ka lieng na Kenkhria u la phah khi ïa la ka khlieh namar ka jingsmai kaba u la pynlong.

Ka Shithi U Paul Sha Ki Nong Rom 1:1

Na u Paul, u shakri jong U Khrist Jisu bad u apostol ba la jied bad ba la khot da U Blei ban ïalap ïa ka Khubor Babha jong u.

2 KORINTH 6:16

Kumno ka templ jong U Blei kan don jingïateh bad ki bleithaw? Naba ngi long ka templ jong U Blei uba im! Kumba U Blei da lade hi u la ong, “Ngan pynlong ïa ka ïing jong nga bad ki briew jong nga bad ngan shong hapdeng jong ki; ngan long U Blei jong ki, bad kin long ki briew jong nga.”

GALATIA 1:15

Hynrei U Blei ha ka jingaiei jong u, u la jied ïa nga wat shuwa ban kha ïa nga, bad u la khot ïa nga ban shakri ïa u.

HEBRU 7:27

Um long kum kiwei pat ki rangbah lyngdoh; um da donkam ban da ai jingkñia man ka sngi na ka bynta ki pop jong u hi nyngkong ïa lade bad nangta na ka bynta ki pop jong ki briew. U ai kawei ka jingkñia, tang shisien hi, haba u la kñia noh ïa lade.

NONGBISHAR 13:14

Kam dei ban bam ïa kano kano kaba mih na u dieng sohwaiñ; kam dei ban dih waiñ lane dih kyiad, lane bam ïa kano kano ka bymkhuid. Ka dei ban leh ïa kata baroh ïa kaba nga la ong ha ka.”

NONGBISHAR 13:4

Sumar ban ym dih waiñ lane dih kyiad, lane bam ïa kano kano ka bymkhuid;

NONGBISHAR 13:5

bad hadien ba la kha ïa u khun jong pha, wat pyndei syrti ha ka khlieh jong u, namar na ka sngi ba la kha ïa u un long uba la pynkyntang sha U Blei kum u Nasir. Un sdang ïa ka kam ban pyllait ïa ki Israel na ki Philistia.”

NONGBISHAR 16:17

Ha kaba khatduh u ïathuh ha ka ïa ka jingshisha. “Ïa u shñiuh jong nga ym pat ju khap,” u ong, “Ïa nga la pynkyntang sha U Blei kum u Nasir naduh ka por ba kha ïa nga. Lada la khi ïa u shñiuh jong nga, ngan duh noh ïa ka bor bad ngan long uba tlot kumba long lem kiwei.”

1 SAMUEL 1:28

Namarkata, nga aiti noh ïa u ha U Trai. Katba u dang im, un long u jong U Trai.” Te ki ïanguh ïadem ïa U Trai hangta.