JINGKHEIÑ 4:5 - Khasi CL Bible (BSI)

⁵ U Trai u la ai ha u Moses ïa kine ki jingbthah harum. Haba la dei ka por ban kynriah jaka shawei, u Aaron bad ki khun shynrang jong u kin rung shapoh ka Ïingjaiñ, kin weng noh ïa ka pyrda kaba ha khmat ka Synduk ka Jutang, bad kin tap ïa kata ka Synduk da ka.

KA BAIBL

⁵ te haba uta u paidlang un sa ïaid noh, u Aaron un wan, lem bad ki khun shynrang jong u, bad kin ïalaw noh ïa ka jingkah bapynïakhlad, bad kin ïatap noh da ka, ïa ka synduk ka jingphla:

JINGKHEIÑ 4:5 ပူးပေါင်းရင်းမြစ်များ

1 KHRONIKL 15:15

Ki Lebi ki rah ïa ka ha ki dieng tylli halor ki tyrpeng jong ki, kumba U Trai u la hukum lyngba u Moses.

1 KHRONIKL 23:26

Kumta ki Lebi kim donkam shuh ban kit ïa ka Ïingjaiñ Ka Jingdon Ryngkat U Trai bad ïa ki tiar baroh ïa kiba la pyndonkam ha ka jingmane.”

2 KHRONIKL 3:14

Ïa ka pyrda na ka bynta ka Jaka Kaba Kyntang Tam la thaw na ka jaiñ linen bad kiwei pat ki jait jaiñ, ba la wieh rong jngum, sawbthuh, bad saw, lem bad ki dur Kherub ba la thain ha ki.

EKSODOS 36:35

Ki shna ïa ka pyrda da ka linen kaba ni, ba la thain da u 'saiwul uba jngum, uba sawbthuh, bad uba rong saw, bad la suh pynpur itynnat bha ha ka da ki dur ki Kherub.

EKSODOS 40:3

Buh hangta ïa ka Synduk ka Jutang ha kaba don ki Shiphew Hukum, bad kah ïa ka da ka pyrda.

EKSODOS 40:5

Buh ïa ka duwan ksiar ban thang jingiwbih ha khmat ka Synduk ka Jutang, bad wah ïa ka pyrda ha ka jaka rung jong ka Ïingjaiñ.

ISAÏAH 25:7

Hangne un sa weng kynsan ïa u lyoh jong ka jingsngewsih uba ju tap halor ki jaitbynriew baroh.

LEBITIKOS 16:2

U ong, “Ïathuh ha u hynmen jong me u Aaron ba dei tang ha ka por kaba dei ba un leit shadien ka jingkah jong ka jaka kaba khuid tam, namar ba dei hangta ba nga mihpaw ha u lyoh halor ka jingtap ka Synduk ka Jutang. Lada um kohnguh, un shah pynïap.

JINGKHEIÑ 10:14

bad man ka por ba ki mih, ki ïaid ryntih. Kito kiba hap hapoh ka lama jong ka dara ba ïalam u Judah ki mih nyngkong eh, la ka kynhun kynhun ha ka jingïalam u Nahshon u khun jong u Amminadab.

JINGKHEIÑ 4:15

Haba la dei ka por ban kynriah jaka shawei, ki kur u Kohath kin wan ïabah ïa kita ki tiar kiba kyntang hadien ba u Aaron bad ki khun shynrang jong u ki la tap lut ïa ki bad ïa ki tiar pyndait jong ki baroh. Ki kur u Kohath kim bit ban ktah ïa kita ki tiar kiba kyntang, ïoh ki ïap. “Kine ki dei ki jingkitkhlieh ba ki kur u Kohath ki dei ban leh man ka por ba hap pynkynriah ïa ka Ïingjaiñ.

JINGKHEIÑ 4:4

Ka jingshakri jong ki ka ïadei bad kiei kiei kiba kyntang tam.

JINGKHEIÑ 7:9

Hynrei u Moses um shym la ai kali lane masi dab ha ka jait Kohath, namar ïa ki tiar kiba kyntang kiba ki shim sumar, ki dei ban bah ha la ki tyrpeng.

MATHAÏOS 27:51

Nangta ïa ka pyrda kaba la wah hapoh ka Templ la kad arliang naduh khlieh haduh tbian. Ka khyndew ka la khynñiuh, ki mawsiang ki pra la ka jong ka jong,

DEUTERONOMI 31:9

Kumta u Moses u thoh ïa ka Hukum U Blei bad u ai ïa ka ha ki lyngdoh Lebi kiba khmih ïa ka Synduk ka Jutang U Trai, bad ha ki nongïalam jong ki Israel.

HEBRU 10:20

U la plie namar jong ngi ïa ka lynti kaba thymmai, ka lynti kaba im, lyngba kata ka jingkah — kata ka long, lyngba ka met jong u hi.

HEBRU 9:3

Ha lyndet ka jingkah kaba ar la don ka Ïingjaiñ ïa kaba la khot ka Jaka kaba Kyntang Tam.

1 SAMUEL 6:19

U Trai u la pynïap hynñiewphew ngut ki rangbah kiba na Beth Shemesh namar ba ki khmih shapoh ka Synduk ka Jutang. Bad u paidbah u ïam pangnud namar ba U Trai u la pynjia kat kata ka jingpynïap hapdeng jong ki.