JINGKHEIÑ 4:3 - Khasi CL Bible (BSI)

³ bad thoh kyrteng ïa ki rangbah baroh kiba hapdeng laiphew bad sanphew snem ka rta kiba bit ban shakri ha ka Ïingjaiñ ka Jingdon Ryngkat U Trai.

KA BAIBL

³ naduh uba laiphew snem ka rta bad tam haduh uba sanphew snem, baroh kat kiba leit bsut ha ka kynhun lyngdoh, ban trei ïa ka kam ha Ka Tabernakl ka jingïaseng.

JINGKHEIÑ 4:3 ပူးပေါင်းရင်းမြစ်များ

JENESIS 41:46

U Joseph u la dap laiphew snem ka rta mynba u sdang ban treikam na ka bynta u syiem Ijipt. U la iehnoh ïa ka ïingsyiem bad u leit kylleng ka ri Ijipt.

2 SAMUEL 5:4

U Dabid u la dap laiphew snem ka rta mynba u la long syiem, bad u la synshar sawphew snem.

1 KHRONIKL 6:48

Ïa kiwei pat ki para Lebi la aiti ïa baroh kiwei ki kamram ha ka jaka mane.

2 KHRONIKL 31:17

Ha ki lyngdoh la aiti ïa ki kam kat kum ki kur, bad ïa ki Lebi kiba arphew snem ka rta ne kham ïaw la aiti ha ki kat kum ki kynhun trei.

ESRA 3:8

Kumta ha u bnai ba ar jong ka snem hadien ba ki la wan pat sha ka jaka jong ka Templ ha Jerusalem, ki sdang ban ïatrei. U Serubbabel, u Joshua bad kiwei pat ki para rangbah ka ri, ki lyngdoh, bad ki Lebi, ha ka jingshisha, baroh kiba shah ringmraw kiba la wan phai pat sha Jerusalem, ki la ïasnohkti lang ha ka jingtrei. Ïa baroh ki Lebi kiba la dap arphew snem ka rta lane tam, la buh ban khmih ha ka jingtei pat ïa ka Templ.

JINGKHEIÑ 1:3

kiba arphew snem lane kiba kham heh rta kiba bit na ka bynta ka kam shipai.

JINGKHEIÑ 1:50

Hynrei, buh ïa ki Lebi ba kin peit bad sumar ïa ka Ïingjaiñ ka Jingdon Ryngkat jong nga bad ïa ki jingbuh jingsat jong ka baroh. Ki kin rah ïa ka, bad ïa ki tiar ki tar jong ka, kin shakri ha ka, bad kin pynïeng ïa la ki dara sawdong jong ka.

JINGKHEIÑ 16:9

Phi tharai ba ka long kaei kaei kaba rit ba U Blei ki Israel u la pynkyrpang ïa phi na ka kynhun, ba phi lah ban leit sha u, ban leh ïa ka kamram jong phi ha ka Ïingjaiñ U Trai, bad ban ai jingshakri ïa ka kynhun bad ban shakri ïa ki?

JINGKHEIÑ 4:2

ban shim jingkheiñ ïa ki Lebi kiba na ka jait u Kohath shi kur shi kur, bad shi ïing shi ïing,

JINGKHEIÑ 4:23

bad thoh kyrteng ïa ki rangbah baroh kiba hapdeng laiphew bad sanphew snem ka rta kiba bit ban shakri ha ka Ïingjaiñ.

JINGKHEIÑ 4:30

bad ban thoh kyrteng ïa ki rangbah baroh kiba hapdeng laiphew bad sanphew snem ka rta, kiba bit ban shakri ha ka Ïingjaiñ ka Jingdon Ryngkat U Trai.

JINGKHEIÑ 4:4

Ka jingshakri jong ki ka ïadei bad kiei kiei kiba kyntang tam.

LOUKAS 3:23

Haba U Jisu u la sdang ïa la ka kam, u la dap kumba laiphew snem ka rta. U la long u khun, kumta ki briew ki la pyrkhat, jong u Joseph, uba long u khun jong u Heli,

1 TIMOTHI 1:18

Ko Timothi, u khun jong nga, nga pynkhamti ha me ïa kane ka hukum, kaba katba kum ki ktien jong ka jingïathuhlypa ba la kren shaphang jong me ha ka por kaba la leit.

1 TIMOTHI 3:1

Kane ka long ka jingong kaba shisha: Lada u briew u angnud ban long u nongïalam balang, u thrang ïa ka kam kaba bha tam.

1 TIMOTHI 3:6

U dei ban long uba la rangbah bha ha ka jingngeit, khnang ba un ym kylla sngewmeng bad yn ïoh pynrem, kumba u Ksuid u la long.