JINGKHEIÑ 4:12 - Khasi CL Bible (BSI)

¹² Kin shim ïa ki khiew ki pliang baroh ïa kiba la ju pyndonkam ha ka jinglehniam ha ka Jaka Kyntang, kin song ïa ki ha ka jaiñ kaba jngum, kin tap ïa ki da ka snieh babha, bad kin buh ïa ki halor ka jingbah.

KA BAIBL

¹² kin ïashim ruh ïa ki atiar baroh ki jong kata ka kam, da kiba ki ïatrei jingtrei ha ka jaka kyntang, bad kin ïasop ïa ki hapoh ka jaiñ bthuh, bad kin ïatap ruh ïa ki da ka jingtap na ki snieh takash, bad kin ïabuh ïa ki de, halor ka jingbah.

JINGKHEIÑ 4:12 ပူးပေါင်းရင်းမြစ်များ

1 KHRONIKL 9:28

Kiwei pat ki Lebi ki sumar ïa ki khiew ki pliang ba la pyndonkam ha ka jingshakri. Ki khmih bha ïa ki ha ka por ba sei ïa ki shabar bad haba wallam pat ïa ki shapoh man ka por ba pyndonkam ïa ki.

1 KHRONIKL 9:29

Kiwei pat ki sumar ïa kiwei ki tiar ki tar kiba kyntang, bad ïa u 'purew, ka waiñ, ka umphniang Olib, ka jingiwbih, bad ki musla.

2 KHRONIKL 4:11

U Huram u la thaw ruh ki khiew, ki siang, bad ki pliang. U la pyndep ban thaw ïa ki tiar baroh kiba u la kular ïa u syiem Solomon ba un shna na ka bynta ka Templ: Ar tylli ki rishot Ar tylli ki khlieh kiba kum ka dur pliang halor jong ki rishot Ka dur ki kynjri ba la thain ha kawei kawei ka khlieh rishot Sawspah tylli ki dur soh Pomkranet rnong ïa kiba la pynbeit ha ki ar laiñ sawdong ïa ka dur jong kawei kawei ka khlieh rishot Shiphew tylli ki kali tan Shiphew tylli ki dabor Ka pipa Khat-ar tylli ki masi dab kiba kyrshan ïa ka pipa Ki khiew, ki siang, bad ki proh U Huram u nongtrei batbit tam u la thaw ïa kine ki tiar baroh na ka rnong ba la pynphyrnai, kumba u syiem Solomon u la hukum, ïa ka ban pyndonkam ha ka Templ jong U Trai.

2 KHRONIKL 4:19

U syiem Solomon u phah shna ruh ïa ki jingbuh jingsat da ka ksiar na ka bynta ka Templ: Ka duwan bad ki miej na ka bynta u kpu ba la ainguh sha U Blei;

2 KHRONIKL 4:22

ki jingpynlip sharak, ki pliang, ki jingdiang jingiwbih, bad ki khiew ba pyndonkam ha kaba rah ïa u rnga barhem. Ïa kine ki tiar ki tar baroh la thaw da ka ksiar nylla. Ïa ki jingkhang bashabar jong ka Templ bad ïa ki jingkhang sha ka Jaka Kaba Kyntang Tam la suit da ka ksiar.

EKSODOS 25:5

ka snieh 'langsohmoh ba la wieh rong saw, ka snieh kaba bha, bad ka dieng akasia;

EKSODOS 25:9

Shna ïa ka bad ïa ki jingbuh jingsat jong ka baroh kat kum ka dur kaba ngan pyn-i ha me.

EKSODOS 31:10

ïa ki jaiñphong lyngdoh na ka bynta u Aaron bad ki khun shynrang jong u ba kin pyndonkam haba ki shakri kum ki lyngdoh,

JINGKHEIÑ 3:8

Ki dei ban sumar ïa baroh ki tiar ki tar ka Ïingjaiñ bad ban pyndep ïa ki kamram kiba ïadei bad ki Israel.

JINGKHEIÑ 4:11

“Nangta pat, kin siang ïa ka jaiñ kaba jngum halor ka duwan ksiar, kin tap halor kata da ka snieh babha, bad kin bsuh ruh ïa ki dieng jingbah.

JINGKHEIÑ 4:13

Kin khat noh ïa u dpei na ka duwan bad kin siang da ka jaiñ kaba sawbthuh halor jong ka.

JINGKHEIÑ 4:6

Kin tap nalor jong ka da ka snieh kaba bha, halor kata pat kin siang da ka jaiñ kaba jngum, bad kin bsuh ïa ki dieng jingbah jong ka.

JINGKHEIÑ 4:7

Halor ka miej ba la buh ïa u kpu ba la lah ainguh sha U Trai, kin siang kawei ka jaiñ kaba jngum, bad kin buh hangta ïa ki pliang, ki pliang buh jingiwbih, ki pliang jingainguh, bad ki khuri jingainguh dih. U kpu ainguh u dei ban don halor jong ka.

JINGKHEIÑ 4:9

Kin shim ka jaiñ kaba jngum bad da kata kin tap ïa u diengpynïeng sharak, ryngkat bad ki sharak, ki nap, ki pliang rah jingrah, bad ïa ki khulpi umphniang Olib baroh.