JINGKHEIÑ 32:5 - Khasi CL Bible (BSI)

⁵ Sngewbha ai ha ngi ïa kane ka jaka kum ka jingïohkynti jong ngi, bad to wat ai ïa ngi ban jam sha shiliang ka Jordan bad ban shong ban sah hangta.”

KA BAIBL

⁵ Namar kata, ki la ïa-ong, “Lada me la sngewsynei ïa ngi, to pynai ïa kane ka ri ha ki shakri jong me ïa ka ban long ka bynta trai; te to wat ïalam ïa ngi sha shiliang ka Jordan.”

JINGKHEIÑ 32:5 ပူးပေါင်းရင်းမြစ်များ

JENESIS 19:19

Phi la lehsbun shikatdei eh bad phi la pyllait im ïa nga. Hynrei ki lum ki jngai palat ïa nga; ka jingjynjar kan lap ïa nga, bad nga lah ban ïap noh shuwa ban poi shata.

2 SAMUEL 14:22

U Joab u dem khrup haduh khyndew ha khmat u Dabid da ka jingburom bad u ong “U Blei un kyrkhu ïa phi, ko Syiem Kynrad! Mynta nga tip ba phi sngewbha ïa nga, namar phi la mynjur ïa ka jingkyrpad jong nga.”

ESTHER 5:2

Haba u syiem u ïohi ïa ka Esther, ka mahadei, ba ka ïeng habar, ka la ïoh ïa ka jingsngewbha jong u, bad u pyn-i ïa ka ïa u diengsynshar ksiar. Nangta ka kiew shalor bad ka ktah ïa ka tduh uta u diengsynshar.

JEREMAÏAH 31:2

Ha ka ri shyiap nga la pyn-i ïa ka jingisynei ïa kito ki briew kiba la lait na ka jingïap. Haba ki paid Israel ki la thrang ban ïoh ïa ka jingjahthait, nga la paw ha ki na sha jngai bah.

JINGKHEIÑ 32:6

U Moses u jubab, “Phi ïakwah ban shong ban sah hangne katba kiwei pat ki Israel kin leit sha ka thma?

DEUTERONOMI 1:37

Dei namar jong phi keiñ ba U Trai u la bitar ïa nga ruh, bad u ong, ‘Wat me ruh, Moses, men ym ïohrung ha kata ka ri.

JOSHUA 7:7

Bad u Joshua u ong, “A Trai Nongsynshar! Balei me wan ïalam ïa ngi sha shiliang ka Jordan? Hato ban aiti noh ïa ngi ha ki nong Amor? Hato ban pynjot ïa ngi? Balei ngim shu shongsah sha kawei pat ka liang jong ka Jordan!

RUTH 2:10

Ka Ruth ka nguh ngon haduh khyndew, bad ka ong ha u Boas, “Balei phi da pyrkhat ïa nga haduh katta katta? Balei phi da lehsbun haduh katta katta ïa ka nongwei?”

1 SAMUEL 20:3

Hynrei u Dabid u jubab, “I pa jong phi i tip bha katno ba phi sngewieit ïa nga, bad i la rai ba phin ym tip ïa kaei ba i thmu ban leh, namar ba phin sa sngewkthang eh. Nga smai ha phi da U Trai uba im ba nga don sa tang shisien jam na ka jingïap!”