JINGKHEIÑ 32:1 - Khasi CL Bible (BSI)

¹ Ki jait Reuben bad ki jait Gad ki la don shibun ki jingri. Haba ki la ïohi ba ka ri Jaser bad ka ri Gilead ka long kaba bit eh na ka bynta ki jingri,

KA BAIBL

¹ Te ki khun u Reuben, bad ki khun u Gad, ki la don shikatdei eh ki jingri: bad haba ki la ïohi ïa ka ri Jaser, bad ïa ka ri Gilead, te ha khmih, kata ka jaka ka la long ka jaka ïa ki jingri;

JINGKHEIÑ 32:1 ပူးပေါင်းရင်းမြစ်များ

JENESIS 13:2

U Abram u la long uba riewspah shibun, ha ka jingdon ïa ki langbrot bad ki blang, kumjuh ruh ha ka jingdon ïa ka rupa bad ka ksiar.

JENESIS 13:5

U Lot ruh u la don ki langbrot, ki blang, ki masi, bad kumjuh ruh la ka jong ka longïing longsem bad ki shakri shakor.

JENESIS 29:32

Ka Leah ka la punkhun bad ka kha khun shynrang. Ka ong, “U Trai u la ïohi ïa ka jingjynjar jong nga, bad mynta u tnga jong nga un ieit ïa nga”; kumta ka la khot kyrteng ïa u, u Reuben.

JENESIS 47:4

“Ngi la wan ban sah ha kane ka ri, namar ha Kanaan ka don ka 'nemsniew kaba jur katta katta haduh bym don phlang shuh ïa ki jingri jong ngi. Sngewbha ai jingbit ïa ngi ban shong ban sah ha ka thain Goshen.”

2 SAMUEL 24:5

Ki la jam ïa ka Jordan bad ki la sher dara ha ka phang bashathie jong ka Aroer, ka nongbah kaba don hapdeng jong ka them, ha ka ri ki Gad. Na kata ka jaka ki la leit shaphang shatei sha Jaser;

2 SAMUEL 24:6

bad beit beit sha Gilead bad sha Kadesh ha ka ri ki Hit. Nangta ki leit sha Dan, bad na Dan ki leit shaphang sepngi sha Sidon.

1 KHRONIKL 4:41

Ha ka por u Hesekaïah u syiem Judah, ki rangbah ba la jer kyrteng haneng ki la leit sha Gerar bad ki la pynjot thiaw ïa ki ïingjaiñ bad ki ïingtrep jong ki briew kiba shong hangta. Ki la beh noh ïa ki briew bad ki la shongduh junom hangta namar ba don kyrhai ka jaka phlang na ka bynta ki langbrot jong ki.

EKSODOS 12:38

Kiwei ki briew ruh kiba bun lem bad ki langbrot, ki blang, bad ki masi, ki leit ryngkat bad ki.

JEREMAÏAH 22:6

“Ha nga, ka ïingsyiem Judah ka long kaba itynnat kum ka ri Gilead, bad kum ki lumbah Lebanon; hynrei ngan pynlong ïa ka, ka jaka kynjah ha kaba yn ym don bashong basah.

JEREMAÏAH 48:32

Ngan ïam na ka bynta ki briew ka Sibmah, wat kham palat ban ïa ki briew ka Jaser. Ko ka nongbah Sibmah, pha long kum u dieng sohwaiñ uba ki tnat jong u ki poi shaduh sha shiliang ka Duriaw Baïap bad jngai shaduh Jaser. Hynrei mynta ïa ki soh lyiur jong pha bad ïa ki sohwaiñ jong pha la pynjot.

JEREMAÏAH 50:19

Ngan pynphai pat ïa ki paid Israel sha ka ri jong ki. Kin bam ïa ka jingbam kaba mih ha u lum Karmel bad ha ki phang ka Bashan, bad kin bam ïa baroh kaba ki kwah na ki jingthung kiba mih ha ki jaka jong ki Ephraim bad Gilead.

JEREMAÏAH 8:22

Hato ym don dawai ha Gilead? Hato ym don doktor hangta? Balei te ba ïa ki briew jong nga ym shym la pynkhiah?

MIKAH 7:14

To long u nongaplangbrot ïa la ki briew, A Trai, ki briew kiba me la jied. Wat la ki shong saphred ha ka ri khlaw, ka don ka jaka baseisoh sawdong jong ki. To ai ba kin leit bad bam na ki jaka phlang bajyrngam jong ka Bashan bad ka Gilead, kumba ki la leh mynshuwa la slem bah.

JINGKHEIÑ 21:32

bad u Moses u phah ïa ki briew ban shem ka lynti babha tam kumno ban tur ïaleh ïa ka nongbah Jaser; ki Israel ki la ïohknieh ïa ka bad ki shnong kiba sawdong jong ka, bad ki la beh noh ïa ki Amor kiba shong hangta.

JINGKHEIÑ 32:2

ki la leit sha u Moses, u Eleasar, bad kiwei pat ki nongïalam jong u paidlang, bad ki ong,

JINGKHEIÑ 32:26

Ki tnga bad ki khun ki kti jong ngi, bad ki jingri lem bad ki langbrot jong ngi, kin sah hangne ha ki shnong ka Gilead.

JINGKHEIÑ 32:3

“Kane ka thain ba U Trai u la ïarap ïa ki Israel ban ïohkynti — ki shnong Ataroth, Dibon, Jaser, Nimrah, Heshbon, Elealeh, Sibmah, Nebo bad Beon — ka long ka jaka kaba bha na ka bynta ki jingri, bad ngi don shibun bah ki jingri.

JINGKHEIÑ 32:35

Atroth Shophan, Jaser, Jogbehah,

DEUTERONOMI 33:21

Ki shim ïa ka jaka kaba bha tam na ka bynta ïa lade, Ïa ka bynta u nongïalam, la ai ha ki. Ki la kohnguh ïa ki aiñ bad ki hukum U Trai Haba ki nongïalam jong ki Israel ki ïalum shi jaka.”

JOSHUA 13:25

Ka jaka jong ki ka kynthup ïa ka Jaser bad ki nongbah baroh jong ka Gilead, shiteng na ka ri ki Ammon haduh Aroer, kaba ha ka phang mihngi jong ka Rabbah;

JOSHUA 22:13

Nangta ki paid Israel ki phah ïa u Phinehas, u khun jong u Eleasar u lyngdoh, sha ki paidbah jong ki jait Reuben, Gad, bad Manasseh ba sha Mihngi, ha ka ri Gilead.

JOSHUA 22:9

Kumta ki paidbah jong ki jait Reuben, Gad, bad Manasseh ba sha Mihngi ki la leit phai pat sha ïing. Ki la iehnoh ïa kiba sah jong u paid Israel ha Shiloh ha ka ri Kanaan bad ki la mihnoh sha la ka jong ka ri, ka ri Gilead, ha kaba ki la lah shim kumba U Trai u la hukum ïa ki lyngba u Moses.

1 ÏOANNIS 2:16

Baroh kiei kiei kiba dei jong ka pyrthei — kaei kaba ka malade bapop ka brai, kaei kaba ki briew ki ïohi bad kwah, bad baroh kiei kiei kiba ha ka pyrthei kiba ki briew ki sngewsarong — ym don na kane kaba wan na U Kpa; baroh ka wan na ka pyrthei.

NONGBISHAR 5:16

Balei ki sah shadien lem bad ki langbrot? Hato ban sngap ki nongap langbrot kiba khot ïa ki jingri? Ho-oid, ki jait Reuben kim ïabeit jingmut, Kim shym lah rai ban ïawan.