JINGKHEIÑ 30:2 - Khasi CL Bible (BSI)

² Haba u briew u kular ban ai ei ei sha U Trai, lane u smai ban kyndiah na kaei re kaei, um dei ban pynkheiñ ïa la ka kular, hynrei u dei ban pyndep lut ïa baroh kaba u la ong ban pyndep.

KA BAIBL

² ‘Lada u briew un kular ïa ka jingkular skhem ha U Trai, lane un smai ïa ka jingsmai, ban teh ïa la ka mynsiem da ka jingteh, wat ai ba un pynkheiñ ïa kata ka ktien jong u: to un pyndep noh ïa baroh katba kum ba-mih noh na ka shyntur jong u.

JINGKHEIÑ 30:2 ပူးပေါင်းရင်းမြစ်များ

SALM 50:14

Ai ba ka jingai jong ka jingsngewnguh jong phi kan long ka jingkñia sha U Blei, bad to ai sha U Badonbor Baroh ïa kata baroh kaba phi la kular.

SALM 116:14

Ha ka jingïaseng lang jong ki briew jong u baroh ngan ai ha u ïa kaei kaba nga la kular.

Ka Kitab U Job 22:27

Haba phi duwai, un jubab ïa phi, bad phin bat ïa ki kular ba phi la pynlong.

KI KAM 23:12

Ha ka step kaba bud katto katne ngut ki Jiw ki la ïakynduh lang bad ki la pynlong ka jingsylla. Ki la shim smai ba kin ym bam lane dih ei ei tad ynda ki la lah pynïap ïa u Paul.

KI KAM 23:21

Hynrei wat shahshkor ïa ki, namar don palat sawphew ngut ki briew ki ban rieh bad apthap ïa u. Ki la shim smai ban ym bam lane dih tad ynda ki la pynïap ïa u. Ki la khreh mynta ban leh ïa kata bad ki ap ïa ka rai jong me.”

NAHUM 1:15

Ha khmih, u nonglamktien u wan halor ki lumbah lem bad ka khubor kaba bha! U don ha la ka lynti ban pynbna ïa ka jingjop! Ko ki paid Judah, to rakhe ïa ki Jingkhawai Niam jong phi bad to ai ha U Blei ïa kaei kaba phi la kular kyntang ha u. U bymman da lei lei ruh un ym hiarthma shuh ïa ka ri jong phi. La pynjot thiaw ïa ki baroh!

PROBERB 20:25

Pyrkhat sani bha ha shuwa ba phin kular ïa ka jingainguh sha U Blei. Phi lah ban babe ïa ka hadien.

SALM 116:18

Ha ka jingïaseng lang jong ki briew jong me baroh, ha ka jaka kyntang jong ka Templ jong me ha Jerusalem, ngan ai ha me ïa kaei kaba nga la kular. A to ïaroh ïa U Trai!

SALM 55:20

Uba ju ïasynrop bad nga mynshuwa u tur ïaleh ïa la ki paralok; u pynkheiñ la ki kular.

SALM 22:25

Ha ka jingïaseng lang ngan ïaroh ïa me ïa kaei ba me la leh; ha ka jingdon ryngkat jong kito kiba mane ïa me ngan ai ki jingkñia ba nga la kular.

LEBITIKOS 5:4

Lada uno uno u smai khlem da pyrkhat, kam pher la ka long ïa kano kano, u long uba la rem mar ïasngewthuh ïa kaei ba u la leh.

2 KORINTH 1:23

Nga ñiew ïa U Blei kum u sakhi jong nga — u tip ïa ka dohnud jong nga! Ka long na ka bynta ban ïada ïa phi ba nga la rai ban ym leit sha Korinth.

SALM 76:11

To ai ha U Trai U Blei jong phi ïa kaei kaba phi la kular ha u; to wallam ki jingai sngewbha sha u, phi baroh ki jaitbynriew kiba marjan. U Blei u pynlong ïa ki briew ban sheptieng ïa u;

KI KAM 23:14

Nangta ki la leit sha ki rangbah lyngdoh bad sha ki tymmen ki san bad ki la ong, “Ngi la pynlong lang ka jingsmai ba sngewkhia ban ym bam kano kano tad ynda ngi la pynïap ïa u Paul.

MATHAÏOS 23:18

Phi hikai ruh, ‘Lada uno uno u smai da ka duwan, ïa u ym shym la teh da ka jingsmai jong u; hynrei lada u smai da ka jingai sngewbha halor ka duwan, u long uba la shah teh.’

MATHAÏOS 23:16

“A katno ka long kaba shyrkhei ïa phi, ki nonglam lynti kiba matlah! Phi hikai, ‘Lada uno uno u smai da ka Templ, ïa u ym shym la teh da ka jingsmai jong u; hynrei lada u smai da ka ksiar hapoh ka Templ, u long uba la shah teh.’

SALM 119:106

Ngan bat ïa ka jingkular kyntang jong nga, ban kohnguh ïa ki jingbthah bahok jong me.

SALM 56:12

A Blei, ngan ai ha me ïa kaei kaba nga la kular; ngan ai ha me ïa ki jingai jong ka jingainguh,

NONGBISHAR 11:39

Hadien ar bnai ka wan phai sha la u kpa. U leh kumba u la kular ha U Trai, bad ka la ïap haba ka dang sotti. Kane ka la long ka thymmei ïa ka ban bud kum ka rukom ha Israel

NONGBISHAR 11:11

Kumta u Jephthah u leit bad ki nongïalam ka Gilead, bad u paidbah u thung ïa u kum u nongsynshar bad u nongïalam jong ki. U Jephthah u pynpaw ïa ki kyndon na ka liang jong u ha Mispah ha khmat U Trai.

JINGKHEIÑ 30:10

Lada ka kynthei kaba la shongkurim ka kular ban kiar na kano kano,

JINGKHEIÑ 21:2

Nangta ki Israel ki la smai ha U Trai: “Lada me shah ïa ngi ban jop ïa kine ki briew, ngin pynkyntang lut khlem kyndon ïa ki bad ïa ki shnong jong ki sha me bad ngin pynjot thiaw ïa ki.”

EKSODOS 20:7

“Wat pyndonkam ïa ka kyrteng jong nga na ka bynta ki jingthmu kiba sniew, naba nga, U Trai U Blei jong phi, ngan pynshitom ïa uno uno uba pyndonkam thala ïa ka kyrteng jong nga.

SALM 15:3

bad ki bym pynbudnam ïa kiwei. Um leh kano kano kaba sniew ïa ki paralok jong u lymne uba pynphriang ki hamsaïa shaphang ki paramarjan jong u.

JINGKHEIÑ 32:24

Kumta tei ïa ki shnong jong phi bad ki jingker ïa ki langbrot jong phi, hynrei leh ïa kaei kaba phi la kular.”