JINGKHEIÑ 28:3 - Khasi CL Bible (BSI)

³ Kine ki long ki jingainguh bam kiba dei ban wanrah sha U Trai: na ka bynta ka jingainguh thang kaba man ka sngi, ar tylli ki khunlangbrot shynrang kiba shisnem ka rta ki bym don kano kano ka jingduna.

KA BAIBL

³ Men ong ruh ha ki, ‘Kata ka jingkñia kaba da ka ding ïa kaba phin ainguh ha U Trai, ka dei kane: ar tylli ki khun langbrot kiba shi snem kiba khlem thohbria, ha la ka sngi, ban long ka jingainguh thang baïailong.

JINGKHEIÑ 28:3 ပူးပေါင်းရင်းမြစ်များ

1 KHRONIKL 16:40

Man ka step bad man ka janmiet kin thang tylli ïa ki jingkñia ha ka duwan kat kum ba la thoh ha ka Hukum kumba U Trai u la ai ïa ki Israel.

2 KHRONIKL 8:13

u la kñia ki jingainguh thang kat kum ka jingdawa jong ka Hukum u Moses na ka bynta kawei pa kawei ka sngi kaba khuid: ki Sabbaton, ki Jingkhawai Niam Bnai Thymmai, bad ki lai tylli ki Jingkhawai Niam kiba man ka snem — ka Jingkhawai Niam U Kpu Bakhlem Thiat, ka Jingkhawai Niam ka Jingot, bad ka Jingkhawai Niam Ki Ïingtrep.

ESRA 3:5

bad nalor kata, ki ai ki jingainguh thang tylli bad kito ki jingainguh ban ai ha ka Jingkhawai Niam Bnai Thymmai bad ha baroh kiwei ki jingïaseng ba ju long ha kaba la mane ïa U Trai, kumjuh ruh ki jingainguh ba ai sha U Trai da ka mon sngewbha.

DANIEL 11:31

Katto katne na ki shipai jong u kin pyntngit ïa ka Templ. Kin pynsangeh ïa ki jingkñia ba man ka sngi bad kin pynïeng ïa ka Jingshyrkhei Ba-ijli.

DANIEL 12:11

“Naduh ka por ba ki jingkñia ba man ka sngi ki sangeh, kata, naduh ka por jong ka Jingshyrkhei Ba-ijli, shihajar arspah khyndaiphew tylli ki sngi kin ïaid.

DANIEL 8:11

Ka la kyntait ban kohnguh wat ïa U Khun syiem jong ka kynhun shipai ba kynja bneng, ka la pynsangeh ïa ki jingkñia ba man ka sngi ba la ai sha u, bad ka la pyntngit ïa ka Templ.

DANIEL 8:13

Nangta nga la ïohsngew ïa uwei u angel uba kylli ïa uwei pat, “Haduh katno kine kiei kiei kiba la ïohi ha ka jingïohipaw kin ïailong? Haduh katno ka pop ba-ijli kan bujli ïa ki jingkñia ba man ka sngi? Haduh katno ïa ka kynhun shipai ba kynja bneng bad ïa ka Templ yn kyrdem?”

LEBITIKOS 3:5

Ki lyngdoh kin thang ïa kine baroh ha ka duwan ryngkat bad ka jingainguh thang. Ka jingiw jong kane ka jingainguh bam ka long kaba pynsngewbha ïa U Trai.

LEBITIKOS 6:9

ban ai ha u Aaron bad ki khun shynrang jong u ïa kine harum ki jingbuhbeit ryntih kiba ïadei bad ka jingainguh thang. Ïa ka jingainguh thang dei ban ieh halor ka duwan baroh shi miet, bad hangta ka ding ruh ka dei ban ïai meh.

AMOS 4:4

U Trai Nongsynshar u ong, “Ko ki paid Israel, khie leit sha ka jaka bakhuid ka Bethel bad leh pop, lada phi hap ban leh kumta! Khie leit sha Gilgal bad to leh pop da ka jingkhlaiñbor jong phi baroh! Ïaid shaphrang bad wallam ïa ki mrad ban kñia na ka step sha ka step, bad wallam ïa kawei-na-kaba-shiphew jong phi man la ka sngi kaba lai.

JINGKHEIÑ 28:10

Ïa kane ka jingainguh thang dei ban ainguh man la ka Sabbaton nalor ka jingainguh kaba man ka sngi lem bad ka jingainguh da ka waiñ.

JINGKHEIÑ 28:15

Nalor kane ka jingainguh thang kaba man ka sngi lem bad ka jingainguh waiñ jong ka, kñia ruh uwei u 'langsohmoh kum ka jingkñia namar ka pop.

JINGKHEIÑ 28:23

Ainguh ïa kine nalor ki jingainguh thang kiba man ka step.

JINGKHEIÑ 28:24

Ha kajuh ka rukom, ainguh ha U Trai ïa ka jingainguh bam hynñiew sngi lynter, ka jingiw kaba pynsngewbha ïa U Trai. Ainguh ïa kane nalor ka jingainguh bam bad ka jingainguh waiñ kaba man ka sngi.

JINGKHEIÑ 28:31

Wanrah ïa kine bad ïa ka jingainguh waiñ nalor ka jingainguh thang bad ka jingainguh bam kaba man ka sngi.

JINGKHEIÑ 28:4

Ainguh ïa uwei mynstep bad uwei pat janmiet,

JINGKHEIÑ 29:11

Ai ruh uwei u 'langsohmoh kum ka jingkñia namar ka pop nalor u 'langsohmoh ba la ai ha ka jinglehniam ka jingpynkhuid ïa u paidbah, bad ïa ka jingainguh thang kaba man ka sngi lem bad ka jingkñia ainguh bam bad ka jingainguh waiñ jong ka.

JINGKHEIÑ 29:16

Ai ruh uwei u 'langsohmoh kum ka jingkñia namar ka pop. Ai ïa kine nalor ka jingainguh thang kaba man ka sngi lem bad ka jingainguh bam bad ka jingainguh waiñ jong ka.

JINGKHEIÑ 29:6

Wanrah ïa kine nalor ka jingainguh thang kaba ju leh ha ka sngi nyngkong jong u bnai lem bad ka jingainguh bam jong ka, bad ïa ka jingainguh thang kaba man ka sngi lem bad ka jingainguh bam bad ka jingainguh waiñ jong ka. Kine ki jingainguh bam ki long ka jingiw kaba pynsngewbha ïa U Trai.

ÏOANNIS 1:29

Ha ka sngi kaba bud, U Ïoannis u la ïohi ïa U Jisu ba u wan sha u, bad u la ong, “Ha khmih, U Khunlangbrot jong U Blei, uba kit noh ïa ka pop jong ka pyrthei!

HEBRU 9:6

Kane ka long kumno la buh ryntih ïa kita kiei kiei. Ki lyngdoh ki rung shapoh ka bynta kaba ha khmat jong ka Ïingjaiñ man ka sngi ban pyndep ïa ki kamram jong ki,

JINGPYNPAW 13:8

Baroh ki briew kiba shong ha ka pyrthei kin mane ïa u, lait noh ïa kito kiba ïa ki kyrteng jong ki la thoh ha shuwa ka jingpynlong ïa ka pyrthei ha ka kitab jong kiba im kiba dei ki jong uta U Khunlangbrot ïa uba la shah pynïap.