JINGKHEIÑ 28:2 - Khasi CL Bible (BSI)

² ban hikai ïa ki Israel ban wanrah sha U Blei ha ki por ba la buh ïa ki jingainguh bam badonkam kiba pynsngewbha ïa u.

KA BAIBL

² “To hukum ïa ki khun Israel, to ong ruh ïa ki, ‘Ïa ka jingainguh jong nga, ïa ka jingbam jong nga, ïa ki jingkñia kiba da ka ding, ban long ka jingiw baiwbih ha nga, to phin sumar ban ainguh ha nga ha ka aïom ïa kaba la buh.’

JINGKHEIÑ 28:2 ပူးပေါင်းရင်းမြစ်များ

JENESIS 8:21

Ka jingiw jong ka jingkñia ainguh ka la pynsngewbha ïa U Trai, bad U la ong ha lade, “Lano lano ruh ngan ym buh ïa ka pyrthei hapoh ka jingtim namar kaei kaba ki briew ki leh; nga tip ba naduh ba ki dang samla, ki jingpyrkhat jong ki, ki long kiba sniew. Lano lano ruh ngan ym pynjot shuh ïa ki jingthaw ba-im baroh, kumba nga la leh ha kane ka sien.

1 KHRONIKL 23:31

bad ha man ba thang ïa ki jingainguh ba la ai sha U Trai ha ka Sabbaton, ha ka Jingkhawai Niam Bnai Thymmai, bad ha kiwei kiwei ki Jingkhawai Niam. La thaw ïa ki jingpynbeit ryntih da kaba kdew ïa ka jingdon ki Lebi kiba la pynkhamti ban leh ïa kane ka kam man ka por.

2 KHRONIKL 23:18

U Jehoïada u buh ïa ki lyngdoh bad ki Lebi ban peit ïa ka kam ha ka Templ. Ki dei ban pyndep ïa ki kamram kiba la bynshet ha ki da u syiem Dabid bad ban thang ïa ki jingkñia kiba la ai sha U Trai kat kum ka Aiñ u Moses. Ki la peit ruh ïa ka jingput jingtem bad ïa ka jinglehkmen.

2 KHRONIKL 31:3

Na la ki kynhun jingri u pyndap ïa ki mrad na ka bynta ki jingainguh thang man la ka step bad man la ka janmiet, bad na ka bynta kito ïa kiba ainguh ha ka sngi Sabbaton, ha ka Jingkhawai Niam Bnai Thymmai, bad ha kiwei ki jinglehkmen ïa kiba donkam da ka hukum jong U Trai.

ESRA 3:2

bad u Joshua u khun jong u Jehosadak, ki para lyngdoh jong u, bad u Serubbabel u khun jong u Shealtiel, ryngkat bad ki ba-ha-ïing jong u, ki la ïatei biang ïa ka duwan jong U Blei ki Israel, khnang ba ki lah ban thang ki jingkñia halor jong ka kat kum ki jingbthah ba la thoh ha ka Hukum u Moses, u briew jong U Blei.

ESRA 3:3

Wat la kiba shah ringmraw kiba la wan phai, ki sheptieng ïa ki briew kiba shong basah ha ka ri, pynban ki tei biang ïa ka duwan ha ka jaka ba ka ïeng mynshuwa. Nangta ki sdang biang ban thang halor jong ka ïa ki jingkñia man ka step bad man ka janmiet.

NEHEMAÏAH 10:34

Ma ngi, ki paidbah, ki lyngdoh, ki Lebi, ngin kynting sbai man ka snem ban jied kino ki kur kin pynbiang ki dieng ban thang jingkñia ban ai sha U Trai U Blei jong ngi, kat kum ki jingdonkam ka Hukum.

SALM 81:3

To put ïa ka turoi ha ka jinglehniam, haba dang lung bnai bad haba pyllun bnai.

EKSODOS 23:15

Ha u bnai Abib, u bnai ha uba phi la mihnoh na ka ri Ijipt, rakhe ïa Ka Jingkhawai Niam U Kpu Bakhlem Thiat ha ka rukom kaba nga la hukum ïa phi. Ha ki hynñiew sngi jong kane ka Jingkhawai Niam, wat bam ïa uno uno u kpu ba la khleh thiat. Wat ju wan mane ïa nga khlem da wallam kano kano ka jingainguh.

EKSODOS 29:18

Thang ïa uta u langbrot baroh uwei ha kata ka duwan kum ka jingainguh bam. Ka jingiwbih jong kane ka jingainguh ka pynsngewbha ïa nga.

ESEKIEL 16:19

Nga la ai ha pha ka jingbam — u 'purew babha tam, ka umphniang Olib bad ka ngap — hynrei pha la ainguh kum ka jingkñia ban ïoh ka jingsngewbha jong ki bleithaw.” Kane ka long kaei kaba U Trai Nongsynshar u ong.

ESEKIEL 20:41

Hadien ba nga la wallam ïa phi na ki ri sha kiba la pynsakma ïa phi bad nga lumlang ïa phi, ngan pdiang ïa ki jingkñia kiba phi thang, bad ki jaitbynriew kin ïohi ba nga long uba khuid.

ESEKIEL 45:17

Kan long ka kamram jong u ban pynbiang ïa ki mrad ban thang tylli, ki jingainguh bam, bad ki jingainguh waiñ na ka bynta ka jaitbynriew Israel baroh kawei ha ki Jingkhawai Niam Bnai Thymmai, ki Sabbaton, bad kiwei ki Jingkhawai Niam. Un pynbiang ki jingkñia pop, jingainguh bam, ki jingkñia ban thang tylli, bad ki jingainguh ïasyllok, ban shim noh ïa ki pop jong ki paid Israel.”

LEBITIKOS 1:13

Uta u briew u dei ban sait ïa ki snier bad ïa ki kjat-dien, bad u lyngdoh un ai ïa kata ka jingkñia sha U Trai, bad thang ïa ka baroh halor ka duwan. Ka jingiw jong kane ka jingainguh bam ka long kaba pynsngewbha ïa U Trai.

LEBITIKOS 1:17

Un bat na ki thapniang jong ka bad un kad ïa ka met jong ka khlem da pyndkut ïa kita ki thapniang, bad nangta un thang tylli ïa ka ha ka duwan. Ka jingiw jong kane ka jingainguh bam ka long kaba pynsngewbha ïa U Trai.

LEBITIKOS 1:9

Uta u briew un sait ïa ki snier bad ki kjat-dien, bad u lyngdoh uba ïarap un thang ïa ka jingkñia baroh halor ka duwan. Ka jingiw jong ka jingainguh bam ka long kaba pynsngewbha ïa U Trai.

LEBITIKOS 21:6

U dei ban long uba khuid bad um dei ban pynkheiñ burom ïa ka kyrteng jong nga; u kñia ïa ki jingainguh bam sha nga, bad kumta u dei ban long uba khuid.

LEBITIKOS 21:8

U paidbah u dei ban ñiew ba u lyngdoh u long uba khuid, namar u wallam ïa ki jingainguh bam sha nga. Nga long U Trai; nga long uba khuid, bad nga pynkyntang khuid ïa ki briew jong nga.

LEBITIKOS 3:11

U lyngdoh uba ïarap un thang ïa kine baroh halor ka duwan kum ka jingainguh bam sha U Trai.

MALAKHI 1:12

Hynrei phi phim burom ïa nga haba phi ong ba ka duwan jong nga kam dondor satia bad haba phi ainguh ha ka da ki jingbam kiba phi la kyntait.

MALAKHI 1:7

Ka dei kumne — kaba ainguh da ka jingbam ka bymdondor ha ka duwan jong nga. Nangta phi kylli, ‘Kumno ngi la rem ha kaba ñiewkor ïa me?’ Ngan ong ïa phi — da kaba phi ñiewbeiñ ïa ka duwan jong nga.

JINGKHEIÑ 15:24

Lada kata ka jingbakla ka long namar ba ki paidbah kim tip, ki dei ban wanrah ïa u masi kum ka jingainguh thang, ka jingiw kaba pynsngewbha ïa U Trai, lem bad ka jingainguh bam bad ka jingainguh dih. Nalor kita, ki dei ban wanrah ïa u 'langsohmoh kum ka jingkñia namar ka pop.

JINGKHEIÑ 15:3

Ïa u masi, u langbrot, ka langbrot lane ka blang lah ban wanrah ha U Trai kum ka jingainguh thang lane kum ka jingkñia ha kaba pyndep ïa ka jingsmai lane kum ka jingainguh mon sngewbha lane kum ka jingainguh ha ki Jingkhawai Niam kiba man ka por; ka jingiw jong kine ki jingainguh bam ka pynsngewbha ïa U Trai.

JINGKHEIÑ 15:7

Ka jingiw jong kine ki jingkñia ka long kaba pynsngewbha ïa U Trai.

JINGKHEIÑ 28:1

U Trai u hukum ïa u Moses

JINGKHEIÑ 29:39

Kine ki long ki jingbuhbeit ryntih kiba ïadei bad ki jingainguh thang, ki jingainguh bam, ki jingainguh waiñ, bad ki jingainguh ïasyllok ba phi dei ban ai sha U Trai ha ki Jingkhawai Niam ba la buh. Kine ki long nalor kito ki jingainguh kiba phi ai ha kaba pyndep ïa ka jingkular lane kum ki jingainguh mon sngewbha.

JINGKHEIÑ 9:13

Hynrei lada uno uno na phi uba long bymkhuid bad u bym shym leit jingleit bad u bym rakhe ïa ka Jingkhawai Niam Ka Jinglait, yn ym ñiew shuh kum ki briew jong nga, namar um shym wanrah jingainguh sha nga ha ka por ba la buh. Uta u dei ban shahshitom namar ka pop jong u.

JINGKHEIÑ 9:7

bad ki ong, “Ngi long ki bymkhuid namar ngi la ktah ïa ka metïap, hynrei balei ym shah ïa ngi na kaba wanrah jingainguh ha U Trai lem bad kiwei pat ki Israel?”

2 KORINTH 2:15

Naba ngi long kum ka jingiwbih ba la ai da U Khrist sha U Blei, kaba saphriang hapdeng kito kiba la pynim bad kito kiba la jah noh.

EPHESOS 5:2

Ïa ka jingim jong phi dei ban synshar da ka jingieit, kumba U Khrist u la ieit ïa ngi bad u la aiti ïa la ka jingim na ka bynta jong ngi kum ka jingainguh ba-iwbih bad ka jingkñia ba pynsngewbha ïa U Blei.

PHILIPPI 4:18

Hangne, te, ka long ka jingïohpdiang jong nga ïa kiei kiei baroh ba phi la ai ha nga — bad ka la long palat ban ïa kaba nga donkam! Nga don ïa baroh kaba nga donkam mynta ha kaba u Epaphroditos u la wanrah sha nga ïa ki jingai sngewbha baroh jong phi. Ki long kum ka jingainguh ba-iwbih sha U Blei, ka jingkñia kaba pdiang hun bad kaba pynsngewbha ïa u.