JINGKHEIÑ 27:3 - Khasi CL Bible (BSI)

³ “I pa jong ngi i la ïap ha ka ri khlaw khlem khun shynrang. Im shym ïadon lang bad ki nongbud jong u Korah kiba la ïaleh pyrshah ïa U Trai; i la ïap namar ka pop la jong.

KA BAIBL

³ “U kpa jong ngi u la ïap ha ka ri khlaw, te um shym la don ha kata ka jingïalang jong kita kiba la ïalum lang pyrshah ïa U Trai, ha ka jingïalang u Korah: hynrei, u la ïap ha la ka jong ka pop; bad um shym la don ki khun shynrang.

JINGKHEIÑ 27:3 ပူးပေါင်းရင်းမြစ်များ

ESEKIEL 18:4

Ka jingim jong uwei pa uwei u briew ka dei ka jong nga, ka jingim jong ka kmie, u kpa bad kumjuh ruh ka jong i khun. U briew uba leh pop u dei uta u ban ïap.

JINGKHEIÑ 14:35

Nga smai ba ngan leh ïa kane ha phi u paidlang bymman uba la ïalumlang ban ïaleh pyrshah ïa nga. Hangne ha ka ri khlaw uwei pa uwei na phi un ïap. Nga, U Trai, nga la kren.’ ”

JINGKHEIÑ 16:19

Nangta u Korah u lumlang ïa ka kynhun baroh kawei, bad ki la ïeng da kaba phai pyrshah ïa u Moses bad u Aaron ha ka jingkhang ka Ïingjaiñ. Kynsan kynsan ka jingshai batyngshaiñ jong ka jingdon U Trai ka paw ha ka kynhun baroh kawei,

JINGKHEIÑ 16:49

Baroh kiba la ïapkhlam ki long khatsaw hajar hynñiewspah ngut, khlem da ñiew ïa kito kiba la ïap noh ha ka jingïaleh pyrshah u Korah.

JINGKHEIÑ 26:33

U Selophehad u khun jong u Hepher um don khun shynrang, u don tang ki khun kynthei; ki kyrteng jong ki, ki long ka Mahlah, ka Noah, ka Hoglah, ka Milkah, bad ka Tirsah.

JINGKHEIÑ 27:2

Ki la leit ban ïeng ha khmat u Moses, u Eleasar u lyngdoh, ki nongïalam, bad u paid Israel baroh ha ka jaka rung sha ka Ïingjaiñ ka Jingdon Ryngkat U Trai, bad ki ong,

JINGKHEIÑ 27:4

Tang namar ba im don khun shynrang, balei keiñ ba ka kyrteng jong i kan jah na Israel? Ai bynta kum ka jingïohkynti jong ngi hapdeng ki kur ki jait jong i pa.”

ÏOANNIS 8:21

U Jisu u la ong biang ha ki, “Ngan leit noh; phin ïawad ïa nga, hynrei phin ïap ha ki pop jong phi. Phim lah ban leit shano sha ba ngan leit.”

ÏOANNIS 8:24

Dei na kata ka daw nga la ïathuh ïa phi ba phin ïap ha ki pop jong phi. Bad phin ïap ha ki pop jong phi lymda phi ngeit ba ‘Nga long uba nga long’.”

Ka Shithi U Paul Sha Ki Nong Rom 5:12

Ka pop ka la wan sha ka pyrthei lyngba uwei u briew, bad ka pop jong u ka la wallam ryngkat bad ka ïa ka jingïap. Ka jingmih ka long, ba ka jingïap ka la pur sha u bynriew baroh namar uwei pa uwei u la leh pop.

Ka Shithi U Paul Sha Ki Nong Rom 5:21

Te kumta, kumba ka pop ka synshar da ka jingïap, kumta ruh ka jingaiei U Blei ka synshar da ka hok, ka ïalam ïa ngi sha ka jingim bymjukut lyngba U Jisu Khrist U Trai jong ngi.

Ka Shithi U Paul Sha Ki Nong Rom 6:23

Naba ka pop ka siew ïa la ka bainong — ka jingïap; hynrei ka jingaiei jong U Blei ka long ka jingim bymjukut ha U Khrist Jisu uba U Trai jong ngi.