JINGKHEIÑ 24:9 - Khasi CL Bible (BSI)

⁹ Kane ka jaitbynriew ka long kum u sing uba khlaiñ; Haba u thiah, ym don ba nud ban kyrsiew ïa u. Uta uba kyrkhu ïa ki Israel un ïoh jingkyrkhu, Bad uta uba tim ïa ki Israel un ïoh ka jingtim.”

KA BAIBL

⁹ U dem, u thiah kum u sing, bad kum u sing uba heh keiñ; uei u ban pynkhih ïa u? Suk uta uba kyrkhu ïa me, bad kordit ïa uta uba tim noh ïa me.”

JINGKHEIÑ 24:9 ပူးပေါင်းရင်းမြစ်များ

JENESIS 12:3

“Ngan kyrkhu ïa kito kiba kyrkhu ïa me, Hynrei ngan tim ïa kito kiba tim ïa me. Bad da me ngan kyrkhu ïa ki jaitbynriew baroh.”

JENESIS 27:29

To ai ba ki jaitbynriew kin long ki shakri jong me, bad ki briew kin dem khrup ha khmat jong me. To men synshar halor ki kur ki jait jong me baroh, bad to ai ba ki khun ki ksiew ka kmie jong me kin dem khrup ha khmat jong me. Ai ba kito kiba tim ïa me kin long kiba la tim bad ai ba kito kiba me kyrkhu kin long kiba la kyrkhu.”

JENESIS 49:9

U Judah u long kum u sing, Haba u la pynïap ïa uba u thmu u leit phai sha la krem; Hangta u dem, bad u thiah. Uei uba nud ban pynthut ïa u?

2 KHRONIKL 9:18

Don hynriew tylli ki mawkyrdon ban kiew sha ka khet bad ka don ka jingïuhkjat kaba la pyndait ha ka, ba la sop da ka ksiar. Ki don ki jingshan kti ha baroh arliang jong ka khet, bad ka dur u sing ka ïeng ha kawei kawei ka liang.

ESTHER 6:13

U ong ha la ka tnga bad baroh ki paralok ïa kiei kiei baroh ba la jia ha u. Nangta ma ka bad kito ki paralok bastad jong u ki ong ha u, “Phi la sdang ban duh bor ha u Mordekai. U dei u Jiw, bad phim lah ban jop ïa u. Da shisha un sa jop ïa phi.”

Ka Kitab U Job 41:10

Haba la pynkhih ïa u, u long uba shyrkhei; ym don mano mano ba nud bad ïeng ha khmat jong u.

SALM 122:6

To duwai na ka bynta ka jingsuk jong ka Jerusalem; “Ai ba kito kiba ieit ïa pha kin manbha.

SALM 2:12

to khynñiuh bad to nguh dem ïa u, lym kumta ïa ka jingbitar jong u yn pynkhie kynsan, bad phin ïap kyndit. Suk kita baroh kiba leit sha u ban ïoh ka jingïada.

EKSODOS 23:22

Hynrei lada phi kohnguh ïa u, bad leh kat ïa kaba nga hukum, ngan ïaleh pyrshah ïa ki nongshun jong phi baroh.

ISAÏAH 31:4

U Trai u la ong ha nga, “Kam pher kumno ki nongaplangbrot ki kynhied bad ki pyrta, kim lah ban pyntieng ïa u sing ba un phet na ka jingri ba u la pynïap; ha kajuh ka rukom, ym don kano kano kaba lah ban khang ïa nga, U Trai Badonbor Baroh na kaba ïada ïa u Lum Seïon.

MIKAH 5:8

Kito kiba dang sah napdeng ki jaitbynriew kin long kum u sing uba wad jingbam ha ka khlaw ne ha ka jaka bam phlang: U rung hapdeng ki langbrot, u kynrup ïa ki, bad tar lyngkhot ïa ki — bad hangta ym don jingkyrmen ban lait im.

JINGKHEIÑ 22:12

U Blei u ong ha u Balaam, “Wat leit bad ki, bad wat buh ka jingtim halor ki paid Israel, namar ki don ïa ka jingkyrkhu jong nga.”

JINGKHEIÑ 22:6

Ki kham bun paid ban ïa ngi; kumta sngewbha wan bad tim ïa ki na ka bynta jong nga. Ïoh lehse ngin lah ban jop ïa ki bad beh noh ïa ki na kane ka ri. Nga tip ba haba phi pynbna ka jingkyrkhu, ki briew ki ïoh ka jingkyrkhu, bad haba phi pynbna ka jingtim, la buh ïa ki hapoh ka jingtim.”

JINGKHEIÑ 23:24

Ka jaitbynriew Israel ka long kum u sing uba khrawbor; U bym shongthait tad haduh ba u la lah patar bad bam lut khoit, Haduh ba un da dep dih ïa ka snam jong kito kiba u la pynïap.”

JINGKHEIÑ 24:10

U Balak u kham tyngeh ïa la ki sla kti da ka jingbitar bad u ong ha u Balaam, “Nga la khot ïa me ban tim ïa ki nongshun jong nga, hynrei la lai sien me la kyrkhu pynban ïa ki.

MATHAÏOS 25:40

U Syiem un jubab, ‘Nga ong ha phi, ba man ba phi leh ïa kane na ka bynta uno uno uba rit tam na kine ki dkhot jong ka longïing jong nga, phi la leh ïa kane na ka bynta jong nga!’

MATHAÏOS 25:45

U Syiem un jubab, ‘Nga ong ha phi, ha man ba phi kyntait ban ïarap ïa iwei na kine kiba rit tam, phi kyntait ban ïarap ïa nga.’

KI KAM 9:5

“Me long uei, A Trai?” u la kylli. “Nga long U Jisu, ïa uba me pynshitom beiñ!” ka sur ka la ong.

DEUTERONOMI 30:7

Un pynngat kylla ïa kine ki jingtim baroh ha ki nongshun jong phi, kiba isih bad banbeiñ ïa phi,