JINGKHEIÑ 22:5 - Khasi CL Bible (BSI)

⁵ Kumta u syiem Balak u la phah ïa ki nonglamktien ban ïakynduh ïa u Balaam u khun jong u Beor, uba don ha Pethor hajan ka wah Ïuphratis ha ka ri jong ki Amaw. Ki wallam sha u ïa kane ka khubor na u Balak, “Nga kwah ïa phi ban tip ba kawei ka jaitbynriew baroh kawei ka la wan na Ijipt; kita ki briew ki la saphriang kylleng bad ki thmu ban knieh ïa ka ri jong ngi.

KA BAIBL

⁵ Te u la phah ïa ki nonglam-ktien ha u Balaam u khun u Beor, sha Pethor, kaba hajan kata ka wah, ha ka ri ki khun ki briew jong u, ïa ka ban khot ïa u, u da ong, “Ha khmih, don u paidbah byllien uba la mih noh na Ijipt; ha khmih, ki ïatap lin ïa ka khmat ka pyrthei, bad ki ïashong ruh ha marpyrshah ïa nga:

JINGKHEIÑ 22:5 ပူးပေါင်းရင်းမြစ်များ

JENESIS 13:16

Ngan ai ha me bun ki khun ki ksiew ba yn ym don mano mano ba lah ban ñiew ïa ki baroh; kan kham jem ban ñiew ïa ki phngit pui pui ha ka khyndew!

SALM 105:24

U Trai u la ai shibun ki khun ïa ki briew jong u bad pynlong ïa ki kiba kham khlaiñ ban ïa ki nongshun jong ki.

EKSODOS 10:15

Ki la tap ïa ka khyndew baroh kat haduh ba ka ïong ngaiñ da ki puit suda. Ki la bam ïa kaei kaei baroh kaba u phria u dang pynsah, kynthup ïa ki soh baroh ha ki dieng. Ym shym sah shuh kano kano kaba jyrngam ha u jingthung ne ha u dieng ha ka ri Ijipt baroh kawei.

MIKAH 6:5

Ko ki briew jong nga, to kynmaw ïa kaei kaba u Balak u syiem ka Moab u la thmu ban leh ïa phi bad kumno u Balaam u khun jong u Beor u la jubab ïa u. To kynmaw ïa kiei kiei kiba la jia ha lynti na ka jaka shong dara ha Akasia sha Gilgal. To kynmaw ïa kine kiei kiei bad phin shem ïa kaei kaba nga la leh ban pyllait im ïa phi.”

JINGKHEIÑ 23:7

U Balaam u la kren ïa kane ka jingïathuhlypa: “U Balak u syiem Moab u la wan ïalam ïa nga Na Syria, na ki lum mihngi. ‘Ale kren lem na ka bynta jong nga,’ u ong. ‘Buh ka jingtim halor ki paid Israel.’

JINGKHEIÑ 31:8

kiba kynthup ïa ki san ngut ki syiem Midian: u Ebi, u Rekem, u Sur, u Hur, bad u Reba. Ki la pynïap ruh ïa u Balaam u khun jong u Beor.

DEUTERONOMI 23:4

Ki la kyntait ban ai jingbam bad ai um ïa phi mynba phi don ha lynti na Ijipt, bad ki la khot wai ïa u Balaam u khun jong u Beor, uba na ka shnong Pethor ha Mesopotamia, ban tim ïa phi.

DEUTERONOMI 23:5

Hynrei U Trai U Blei jong phi un ym sngap ïa u Balaam; u pynkylla pynban ïa kata ka jingtim sha ka jingkyrkhu, namar ba u ieit ïa phi.

JOSHUA 13:22

Napdeng kito kiba ki paid Israel ki la pynïap, u dei u Balaam, u nongkren byrtong, u khun jong u Beor.

JOSHUA 24:9

Nangta u syiem Moab, u Balak u khun jong u Sippor, u la ïaleh pyrshah ïa phi. U la phah ktien ïa u Balaam u khun jong u Beor bad u la ong ïa u ban buh ka jingtim halor jong phi.

JUDAH 1:11

Katno ka long kaba kordit ïa ki! Ki la bud ha ka lynti kaba u Kain u la ïaid. Na ka bynta ka tyngka, ki la aiti ïa lade sha ka jingbakla kaba u Balaam u la leh. Ki la ïaleh pyrshah kumba u Korah u la ïaleh pyrshah, bad kum ma u, la pynjot ïa ki.

JINGPYNPAW 2:14

Hynrei don katto katne kiei kiei kiba nga don pyrshah ïa pha: Don katto katne ngut hapdeng jong pha kiba bud ïa ka jinghikai u Balaam, uba la hikai ïa u Balak kumno ban ïalam ïa ki paid Israel sha ka pop da kaba pynngeit ïa ki ban bam ïa ka jingbam kaba la lah ai ha ki bleithaw bad ban leh ki kam awria.