JINGKHEIÑ 2:3 - Khasi CL Bible (BSI)

^3-9 Ha ka phang mihngi, kito kiba hapoh ka lama jong ka kynhun u Judah kin sher dara hapoh la ki kynhun, hapoh ki nongïalam jong ki, kumne harum: Ka jait Judah ha ka jingïalam u Nahshon u khun jong u Amminadab ka don hynñiewphew saw hajar hynriewspah ngut. Ka jait Issakhar ha ka jingïalam u Nethanel u khun jong u Suar ka don sanphew saw hajar sawspah ngut. Ka jait Sebulun ha ka jingïalam u Eliab u khun jong u Helon ka don sanphew hynñiew hajar sawspah ngut. Baroh lang ki don shi lakh phraphew hynriew hajar sawspah ngut. Ka kynhun jong u Judah kan ïaid nyngkong.

KA BAIBL

³ Te shaphang mihngi na kaba mih ka sngi, kin ïashong dara kita kiba dei ïa ka lama ka jong u paidbah u Judah, katba long ki paidïapom jong ki: bad u rangbah ki khun u Judah, un long u Nahshon u khun u Amminadab.

JINGKHEIÑ 2:3 ပူးပေါင်းရင်းမြစ်များ

JENESIS 35:22

Katba u Jakob u dang shong dang sah ha kata ka ri, u Reuben u la ïathiah shongkha bad ka Bilhah, kawei na ki tnga kliar jong u kpa jong u. U Jakob u la tip ïa kata bad u bitar shla. U Jakob u don khat-ar ngut ki khun shynrang.

JENESIS 35:23

Ki khun shynrang jong ka Leah ki long u Reuben (u khun nyngkong u Jakob), u Simeon, u Lebi, u Judah, u Issakhar, bad u Sebulun.

1 KHRONIKL 2:10

Ka pateng longïing na U Ram haduh u Jesse ka long kumne harum: u Ram, u Amminadab, u Nahshon (u briew uba pawkhmat jong ka jait Judah),

1 KHRONIKL 5:2

Ka dei ka jait Judah, pynban, kaba la long kaba khlaiñ tam bad kaba pynmih u nongsynshar ïa ki jait baroh.)

EKSODOS 6:23

U Aaron u shongkurim ïa ka Elisheba, ka khun jong u Amminadab bad ka para jong u Nahshon. Ka la kha ïa u Nadab, u Abihu, u Eleasar, bad u Ithamar.

JINGKHEIÑ 1:5

Kine ki long ki rangbah, ki nongïalam hapoh ki jait jong ki, kiba la jied na ka kynhun na ka bynta kane ka kam: Ka jait Reuben — U Elishur u khun jong u Shedeur u long u rangbah kur. Ka jait Simeon — U Shelumiel u khun jong u Surishaddai u long u rangbah kur. Ka jait Judah — U Nahshon u khun jong u Amminadab u long u rangbah kur. Ka jait Issakhar — U Nethanel u khun jong u Suar u long u rangbah kur. Ka jait Sebulun — U Eliab u khun jong u Helon u long u rangbah kur. Ka jait Ephraim — U Elishama u khun jong u Ammihud u long u rangbah kur. Ka jait Manasseh — U Gamaliel u khun jong u Pedahsur u long u rangbah kur. Ka jait Benjamin — U Abidan u khun jong u Gideoni u long u rangbah kur. Ka jait Dan — U Ahieser u khun jong u Ammishaddai u long u rangbah kur. Ka jait Asher — U Pagiel u khun jong u Okhran u long u rangbah kur. Ka jait Gad — U Eliasaph u khun jong u Deuel u long u rangbah kur. Ka jait Naphtali — U Ahira u khun jong u Enan u long u rangbah kur.

JINGKHEIÑ 10:5

Haba put tang shiphang, kito ki jait kiba shong dara shaphang mihngi kin mih.

JINGKHEIÑ 3:38

U Moses bad u Aaron bad ki khun shynrang jong u ki dei ban shong dara ha khmat ka Ïingjaiñ shaphang mihngi. Kine kin kitkhlieh ïa ki kam niam baroh kiba dei ban pyndep ha ka Jaka Kyntang na ka bynta ki Israel. Uno uno uwei pat uba pyrshang ban leh kumta un shah pynïap.

JINGKHEIÑ 7:12

Ki la wallam ïa ki jingainguh jong ki kumne harum: Ha ka sngi kaba nyngkong ka jait Judah ha ka jingïalam u Nahshon u khun jong u Amminadab. Ha ka sngi kaba ar ka jait Issakhar ha ka jingïalam u Nethanel u khun jong u Suar. Ha ka sngi kaba lai ka jait Sebulun ha ka jingïalam u Eliab u khun jong u Helon. Ha ka sngi kaba saw ka jait Reuben ha ka jingïalam u Elisur u khun jong u Shedeur. Ha ka sngi kaba san ka jait Simeon ha ka jingïalam u Shelumiel u khun jong u Surishaddai. Ha ka sngi kaba hynriew ka jait Gad ha ka jingïalam u Eliasaph u khun jong u Deuel. Ha ka sngi kaba hynñiew ka jait Ephraim ha ka jingïalam u Elishama u khun jong u Ammihud. Ha ka sngi kaba phra ka jait Manasseh ha ka jingïalam u Gamaliel u khun jong u Pedahsur. Ha ka sngi kaba khyndai ka jait Benjamin ha ka jingïalam u Abidan u khun jong u Gideoni. Ha ka sngi kaba shiphew ka jait Dan ha ka jingïalam u Ahieser u khun jong u Ammishaddai. Ha ka sngi kaba khatwei ka jait Asher ha ka jingïalam u Pagiel u khun jong u Okhran. Ha ka sngi kaba khat-ar ka jait Naphtali ha ka jingïalam u Ahira u khun jong u Enan. Ki jingainguh ba uwei pa uwei u wanrah ki long kumjuh: kawei ka pliang rupa kaba khia 1.5 kilo bad kawei ka dabor rupa kaba khia phraspah gram kat kum ka jingthew ba buh ryntih; ïa ki baroh ar la pyndap da u 'purew ba la khleh umphniang na ka bynta ka jingainguh bam; kawei ka pliang ksiar kaba khia shispah shiphew gram, ba la pyndap da ka jingiwbih; uwei u masi lyngraw, uwei u langbrot, bad uwei u khunlangbrot uba shisnem ka rta na ka bynta ka jingainguh thang; uwei u 'langsohmoh na ka bynta ka jingkñia namar ka pop; bad ar tylli ki masi shynrang, san tylli ki langbrot shynrang, san tylli ki 'langsohmoh, bad san tylli ki khunlangbrot kiba shisnem ka rta na ka bynta ka jingainguh ïasyllok.