JINGKHEIÑ 2:2 - Khasi CL Bible (BSI)

² Haba ki Israel ki pynïeng dara, uwei pa uwei u briew un shong hapoh ka lama jong ka kynhun jong u bad hapoh ka lama kur jong u. Dei ban pynïeng ïa ka dara baroh sawdong ka Ïingjaiñ.

KA BAIBL

² “Ki khun Israel kin ïashong dara uwei uwei baroh hajan la ka jong ka lama, hapoh ki dak ki ïing ki kpa jong ki: baroh sawdong ha pyrshah Ka Tabernakl ka jingïaseng kin ïashong na jngai.

JINGKHEIÑ 2:2 ပူးပေါင်းရင်းမြစ်များ

SALM 74:4

Ki nongshun jong me ki la pyrta ha ka jingjop hapoh ka Templ jong me; ki la sieh ïa ki lama jong ki hangta kum ki dak jong ka jingjop.

SALM 76:11

To ai ha U Trai U Blei jong phi ïa kaei kaba phi la kular ha u; to wallam ki jingai sngewbha sha u, phi baroh ki jaitbynriew kiba marjan. U Blei u pynlong ïa ki briew ban sheptieng ïa u;

ISAÏAH 12:6

Ai ba uwei pa uwei uba shong basah ha Seïon un pyrta bad un rwai! U Blei bakhuid jong ka Israel u long uba khraw, bad u shong hapdeng ki briew jong u.”

ISAÏAH 18:3

To shahshkor, phi baroh kiba shong ha ka pyrthei! To ap ïa ka lama ai dak kaba yn kyntiew halor ki kliar jong ki lumbah! To shahshkor ïa ka jingput ïa ka ronsing!

ESEKIEL 43:7

Ko khun u briew, hangne ka dei ka khet jong nga. Ngan shong hangne hapdeng ki paid Israel bad synshar halor jong ki junom. Ki paid Israel lymne ki syiem jong ki, kin ym pynjahburom shuh ïa kyrteng bakhuid jong nga da kaba mane ïa kiwei pat ki blei lane da kaba tep ïa ki metïap jong ki syiem jong ki ha kane ka jaka.

SEKHARAÏAH 9:16

Haba kata ka sngi ka poi, U Trai un pyllait im ïa ki briew jong u, kumba u nongaplangbrot u pyllait im ïa ka kynhun langbrot jong u na ka jingma. Kin tyngshaiñ ha ka ri jong u kum ki mawlynnai ha ka pansngiat.

JINGKHEIÑ 1:50

Hynrei, buh ïa ki Lebi ba kin peit bad sumar ïa ka Ïingjaiñ ka Jingdon Ryngkat jong nga bad ïa ki jingbuh jingsat jong ka baroh. Ki kin rah ïa ka, bad ïa ki tiar ki tar jong ka, kin shakri ha ka, bad kin pynïeng ïa la ki dara sawdong jong ka.

JINGKHEIÑ 10:14

bad man ka por ba ki mih, ki ïaid ryntih. Kito kiba hap hapoh ka lama jong ka dara ba ïalam u Judah ki mih nyngkong eh, la ka kynhun kynhun ha ka jingïalam u Nahshon u khun jong u Amminadab.

JINGKHEIÑ 10:18

Nangta pat, kito kiba hapoh ka lama jong ka dara ba ïalam u Reuben, kin mihnoh, kynhun kynhun ha ka jingïalam u Elisur u khun jong u Shedeur.

JINGKHEIÑ 10:22

Nangta, kito kiba hapoh ka lama jong ka dara ba ïalam u Ephraim kin mihnoh, kynhun kynhun ha ka jingïalam u Elishama u khun jong u Ammihud.

JINGKHEIÑ 10:25

Khatduh eh, kito kiba hap hapoh ka lama jong ka dara ba ïalam u Dan, kiba shakri kum ka kynhun ïada na shadien ïa ki kynhun baroh, kin mihnoh, kynhun kynhun ha ka jingïalam u Ahieser u khun jong u Ammishaddai.

JINGKHEIÑ 2:1

U Trai u ai ha u Moses bad u Aaron ïa kine ki jingbthah.

JINGKHEIÑ 2:10

Ha ka liang kaba shaphang shathie, kito kiba hapoh ka lama jong ka kynhun u Reuben kin sher dara ha ki kynhun jong ki, hapoh ki nongïalam jong ki, kumne harum: Ka jait Reuben ha ka jingïalam u Elisur u khun jong u Shedeur ka don sawphew hynriew hajar sanspah ngut. Ka jait Simeon ha ka jingïalam u Shelumiel u khun jong u Surishaddai ka don sanphew khyndai hajar laispah ngut. Ka jait Gad ha ka jingïalam u Eliasaph u khun jong u Deuel ka don sawphew san hajar hynriewspah sanphew ngut. Baroh lang ki don shi lakh sanphew wei hajar sawspah sanphew ngut. Ka kynhun jong u Reuben kan long kaba ar ban ïaid.

JINGKHEIÑ 2:3

Ha ka phang mihngi, kito kiba hapoh ka lama jong ka kynhun u Judah kin sher dara hapoh la ki kynhun, hapoh ki nongïalam jong ki, kumne harum: Ka jait Judah ha ka jingïalam u Nahshon u khun jong u Amminadab ka don hynñiewphew saw hajar hynriewspah ngut. Ka jait Issakhar ha ka jingïalam u Nethanel u khun jong u Suar ka don sanphew saw hajar sawspah ngut. Ka jait Sebulun ha ka jingïalam u Eliab u khun jong u Helon ka don sanphew hynñiew hajar sawspah ngut. Baroh lang ki don shi lakh phraphew hynriew hajar sawspah ngut. Ka kynhun jong u Judah kan ïaid nyngkong.

JINGKHEIÑ 24:2

bad u ïohi ïa ki paid Israel ba ki sher dara shi jait shi jait. U mynsiem U Blei u wan rung ha u,

1 KORINTH 14:40

Ïa kiei kiei baroh dei ban leh ha ka rukom kaba dei bad kaba ryntih.

PHILIPPI 1:27

Mynta, ka bynta kaba donkam eh ka long, ba ka rukom ka jingim jong phi ka dei ban long kat kumba ka gospel U Khrist ka dawa, khnang ba, la nga lah ne ngam lah ban leit bad ïohi ïa phi, ngan ïohsngew ba phi ïeng skhem ha kawei ka jingthmu, bad kata, da kawei ka jingthrang, phi ïakhun lang na ka bynta ka jingngeit ha ka gospel.

KOLOSSAI 2:19

Hapoh ka jingsynshar jong U Khrist la bsa ïa ka met baroh kawei bad la pyndait lang da ki mat bad doh-satar jong ka, bad ka san kumba U Blei u kwah ïa ka ba kan san.

JOSHUA 3:4

Phim pat ju poi hangta mynshuwa, kumta kin pyn-i ha phi ka lynti ba phin leit. Hynrei wat leit sha jan ka Synduk ka Jutang; pynjngai kumba shi kilomitar nadien jong ka.”