JINGKHEIÑ 2:17 - Khasi CL Bible (BSI)

¹⁷ Nangta, hapdeng ki ar ki kynhun kiba sha khmat bad ki ar kynhun kiba khatduh kin ïaid ki Lebi da kaba bah ïa ka Ïingjaiñ. Kawei pa kawei ka kynhun kan ïaid ha kajuh ka rukom kumba ki sher dara, kawei kawei ha la ka jaka hapoh la ka jong ka lama.

KA BAIBL

¹⁷ “Hadien kata te, Ka Tabernakl ka jingïaseng kan sa mih noh, lem bad u paidbah jong ki Lebi hapdeng kita ki paidbah, kat kumba ki la ïashong dara, kumta keiñ kin ïamih noh, uwei uwei baroh ha la ka jong ka jaka, bad hapoh la ki jong ki lama de.

JINGKHEIÑ 2:17 ပူးပေါင်းရင်းမြစ်များ

JINGKHEIÑ 10:17

Nangta, haba la lied ïa ka Ïingjaiñ, ki jait Gershon bad Merari, kiba bah ïa ka, ki sdang mihnoh.

JINGKHEIÑ 10:21

Nangta, ki Lebi kiba na ka jait Kohath kin mihnoh, ki da rah ïa ki tiar ki tar kiba kyntang. Katba kin da poi ha kawei pat ka jaka shong dara, la dep pynïeng biang ïa ka Ïingjaiñ.

JINGKHEIÑ 2:1

U Trai u ai ha u Moses bad u Aaron ïa kine ki jingbthah.

JINGKHEIÑ 2:18

Ha ka phang sepngi, kito kiba hapoh ka lama jong ka kynhun u Ephraim kin sher dara ha la ki kynhun jong ki, hapoh ki nongïalam jong ki, kumne harum. Ka jait Ephraim ha ka jingïalam u Elishama u khun jong u Ammihud ka don sawphew hajar sanspah ngut. Ka jait Manasseh ha ka jingïalam u Gamaliel u khun jong u Pedahsur ka don laiphew ar hajar arspah ngut. Ka jait Benjamin ha ka jingïalam u Abidan u khun jong u Gideoni ka don laiphew san hajar sawspah ngut. Baroh lang ki don shi lakh phra hajar shispah ngut. Ka kynhun u Ephraim kan long kaba lai ban ïaid.

JINGKHEIÑ 3:38

U Moses bad u Aaron bad ki khun shynrang jong u ki dei ban shong dara ha khmat ka Ïingjaiñ shaphang mihngi. Kine kin kitkhlieh ïa ki kam niam baroh kiba dei ban pyndep ha ka Jaka Kyntang na ka bynta ki Israel. Uno uno uwei pat uba pyrshang ban leh kumta un shah pynïap.

1 KORINTH 14:40

Ïa kiei kiei baroh dei ban leh ha ka rukom kaba dei bad kaba ryntih.

KOLOSSAI 2:5

Naba wat la ngam don ryngkat ha ka met, pynban nga don bad phi ha ka mynsiem, bad nga kmen haba nga ïohi ïa ka jingkut jingmut kaba skhem da kaba phi ïa-ïeng lang ha ka jingngeit jong phi ha U Khrist.