JINGKHEIÑ 19:9 - Khasi CL Bible (BSI)

⁹ Nangta uno uno u briew u bymkhuid kat kum ka jinglehniam un khat ïa u dpei jong kata ka masi bad buh ïa ki ha ka jaka kaba khuid kat kum ka jinglehniam shabar ka jaka sher dara, ha kaba dei ban buh kyrpang ïa ka hangta na ka bynta ka kynhun Israel ban pyndonkam ha kaba pynkhreh ïa ka um na ka bynta ka jingweng ïa ka jingbymkhuid kat kum ka jinglehniam. Ïa kane ka jinglehniam dei ban leh ban weng ïa ka pop.

KA BAIBL

⁹ Te u briew u bakhuid un khur ïa ka dpei kata ka masi lud, bad un buh ruh ïa ka habar ka jaka shong dara, ha ka jaka ka bakhuid, bad un sumar de ïa ka ïa u paidlang ki khun Israel, ban long ka um ka jingpynkhuid: ka long ka jingkñia namar ka pop.

JINGKHEIÑ 19:9 ပူးပေါင်းရင်းမြစ်များ

LEBITIKOS 15:20

Kat ha kaba ka shong ne thiah ha ka por ba ka poi bnai kata ka long ka bymkhuid.

SEKHARAÏAH 13:1

“Haba kata ka por ka poi,” ong U Trai Badonbor Baroh, “yn plie ïa ka umpohliew ban pynkhuid ïa ki khun ki ksiew jong u Dabid bad ïa ki briew jong ka Jerusalem na ka pop bad ka jingmane bleithaw jong ki.

JINGKHEIÑ 19:13

Kito kiba ktah ïa ka metïap bad ki bym pynkhuid ïa lade ki sah hi ki bymkhuid, namar ba ym shym la synreit ïa ka um ka jingpynkhuid ha ki. Kita ki pyntngit ïa ka Ïingjaiñ jong U Trai, bad yn ym ñiew shuh ïa ki kum ki briew jong U Blei.

JINGKHEIÑ 19:17

“Ban weng ïa ka jingbymkhuid, shim khyndiat u dpei na kata ka masi rong saw ïa kaba la thang ban weng noh ïa ka pop bad buh ïa ka ha u khiew, bad theh hangta ïa ka um ba dang shu wan tong.

JINGKHEIÑ 19:18

Ha ka bynta kaba nyngkong u briew uba khuid kat kum ka jinglehniam un shim ïa u tnat Hissop, un wieh ïa u ha kata ka um, bad un synreit ha kata ka ïingjaiñ, ha ki jingbuh jingsat baroh, bad ha ki briew kiba don hangta. Ha ka bynta kaba ar, uta uba khuid kat kum ka jinglehniam un synreit ïa kata ka um ha kita kiba la ktah ïa ka shyieng briew, lane ïa ka metïap, lane ïa ka jingtep.

JINGKHEIÑ 19:3

bad kin ai ïa ka ha u Eleasar u lyngdoh. Dei ban ïalam ïa ka shabar ka jaka sher dara bad dei ban pynïap ïa ka hangta ha khmat jong u.

JINGKHEIÑ 19:8

Uta uba thang ïa kata ka masi ruh u dei ban sait ïa la ki jaiñ bad theh um ïa lade, hynrei u ruh u ïailong u bymkhuid haduh janmiet.

JINGKHEIÑ 6:12

bad ïa la ka por sha U Trai kum u Nasir. Ïa ka por kaba mynshuwa yn ym ñiew lang shuh, namar ba u shñiuh jong u uba la pynkyntang u la bit tngit noh. Kum ka jingainguh ban buria pat, u dei ban wallam uwei u khunlangbrot uba shisnem ka rta.

JINGKHEIÑ 8:7

ha kane ka rukom: synreit ha ki da ka um jingpynkhuid bad ong ba kin khi shñiuh baroh shi rynïeng bad sait ïa la ki jaiñ. Te yn sa ñiew ïa ki ba ki long kiba khuid katba kum ka jinglehniam.

JINGKHEIÑ 9:13

Hynrei lada uno uno na phi uba long bymkhuid bad u bym shym leit jingleit bad u bym rakhe ïa ka Jingkhawai Niam Ka Jinglait, yn ym ñiew shuh kum ki briew jong nga, namar um shym wanrah jingainguh sha nga ha ka por ba la buh. Uta u dei ban shahshitom namar ka pop jong u.

2 KORINTH 5:21

U Khrist u la long uba khlem pop, hynrei na ka bynta jong ngi U Blei u la pynlong ïa u ban don bynta ha ka pop jong ngi khnang ba haba ngi don ha u ngin lah ban ïoh bynta na ka hok U Blei.

2 KORINTH 7:1

Ïa kine ki jingkular baroh la pynlong na ka bynta jong ngi, ko ki paralok ba-ieit jong nga. Te namarkata, to ngin pynkhuid ïa lade na kaei kaei baroh kaba pyntngit ïa ka met bad mynsiem, bad to ai ba ngin im ka jingim kaba khuid da kaba im ha ka jingtiengburom ïa U Blei.

HEBRU 7:26

U Jisu, te, u long U Rangbah Lyngdoh uba pynbiang ïa ki jingdonkam jong ngi. U long uba khuid; um shym don kano kano kaba bakla lane ka pop ha u; la pynkyrpang ïa u na ki nongpop bad la kyntiew ïa u sha ki bneng.

HEBRU 9:13

Ka snam jong ki blang bad ki masi kyrtong bad u dpei jong u masi lud la synreit halor ki briew ïa kiba la ñiew bymkhuid kat kum ka jinglehniam, bad kane ka pynkhuid ïa ki da kaba weng noh ïa ka jingbymkhuid katba kum ka jinglehniam.