JINGKHEIÑ 19:3 - Khasi CL Bible (BSI)

³ bad kin ai ïa ka ha u Eleasar u lyngdoh. Dei ban ïalam ïa ka shabar ka jaka sher dara bad dei ban pynïap ïa ka hangta ha khmat jong u.

KA BAIBL

³ Te phin aiti ïa ka ha u Eleasar lyngdoh, ba un ïalam ïa ka shabar ka jaka shong dara, te uno uno uwei un pynïap ïa ka ha khmat jong u:

JINGKHEIÑ 19:3 ပူးပေါင်းရင်းမြစ်များ

LEBITIKOS 16:27

Ïa uta u masi lyngraw bad ïa uta 'langsohmoh ïa kiba la kñia kum ka jingkñia namar ka pop, bad ïa kiba ka snam jong ki la leit rah sha ka Jaka Kaba Khuid Tam ban weng noh ïa ka pop, dei ban leit rah shabar ka jaka shong dara bad thang ïa ki hangta. Ïa ka snieh, ka doh, bad ki snier jong ki ruh dei ban thang lang hangta.

LEBITIKOS 24:14

“Pynmih ïa uto u briew shabar ka jaka shong dara. Uno uno u briew uba la ïohsngew ïa u ba u tim u tla un sakhi ïa kata da kaba u buh ïa la ki kti ha ka khlieh jong u, bad nangta u paidbah baroh un lynthem maw ïa u haduh ba un da ïap.

LEBITIKOS 4:11

Hynrei un shim ïa ka snieh, ïa ka doh met, ïa ka khlieh, ïa ki kjat, bad ïa ki doh jem ba kynthup ïa ki snier,

LEBITIKOS 4:12

un rah ïa ki shabar ka jaka shong dara sha ka jaka lehniam bakhuid ha kaba yn theh ïa u dpei, bad hangta un thang ha ka kynton diengïap.

LEBITIKOS 4:21

Nangta un shim ïa uta u masi lyngraw shabar ka jaka shong dara bad thang ïa u kumba u thang ïa u masi lyngraw ïa uba la kñia ainguh namar la ka jong ka pop. Kane ka long ka jingkñia ainguh ban map noh ïa ka pop jong uta u paidlang.

JINGKHEIÑ 15:36

Kumta ka kynhun baroh kawei ka ïalam ïa u shabar ka jaka shong dara bad la lynthem maw ïa u haduh ba un da ïap, kumba U Trai u la hukum.

JINGKHEIÑ 19:9

Nangta uno uno u briew u bymkhuid kat kum ka jinglehniam un khat ïa u dpei jong kata ka masi bad buh ïa ki ha ka jaka kaba khuid kat kum ka jinglehniam shabar ka jaka sher dara, ha kaba dei ban buh kyrpang ïa ka hangta na ka bynta ka kynhun Israel ban pyndonkam ha kaba pynkhreh ïa ka um na ka bynta ka jingweng ïa ka jingbymkhuid kat kum ka jinglehniam. Ïa kane ka jinglehniam dei ban leh ban weng ïa ka pop.

JINGKHEIÑ 3:4

hynrei u Nadab bad u Abihu ki la shah pynïap mynba ki ainguh da ka ding bymkhuid sha U Trai ha ka ri Shyiap Sinai. Kine kim don khun don kti, kumta u Eleasar bad u Ithamar ki la shakri kum ki lyngdoh katba u Aaron u dang im.

JINGKHEIÑ 5:2

“Hukum ïa ki Israel ban beh noh na ka jaka shong dara ïa uno uno uba don ka jingpang sniehdoh bashyrkhei lane uba liat um ksuit, bad uwei pa uwei uba long u bymkhuid da kaba ktah ïa ka metïap.