JINGKHEIÑ 18:9 - Khasi CL Bible (BSI)

⁹ Kine harum ki long ki jong me na ki jingainguh kiba kyntang tam ïa ki bym shym la thang ha ka duwan: ki jingainguh bam, ki jingkñia namar ka pop, bad ki jingainguh namar ka jingpalat. Baroh kaba la wanrah ha nga kum ka jingainguh bakyntang ka long ka jong me bad jong ki khun shynrang jong me.

KA BAIBL

⁹ Kane, kan long ka jong me, na kita kiei kiei ki bakhuid tam kiba la lait na ka ding: ki jingainguh jong ki baroh, ki jingainguh bam jong ki baroh, bad ki jingkñia sait pop jong ki baroh, bad ki jingkñia namar ki jingpalat jong ki baroh, ïa kiba dei ba kin ai ha nga, kin long ki bakyntang tam eh ha me, bad ha ki khun shynrang jong me.

JINGKHEIÑ 18:9 ပူးပေါင်းရင်းမြစ်များ

2 SYIEM 12:17

Ha kata ka por u Hasael u syiem ka Syria u tur ïaleh ïa ka nongbah Gath bad u jop ïa ka; nangta u rai ban tur ïaleh ïa ka Jerusalem.

NEHEMAÏAH 10:36

Ïa u khun nyngkong ba kha ha ngi, ngin leit rah sha ki lyngdoh ka Templ, kumba donkam da ka Hukum, ngin pynkyntang ïa u sha U Blei. Ngin pynkyntang ruh ïa uwei pa uwei u khun masi banyngkong jong ngi, bad ïa uwei pa uwei u khunlangbrot bad uwei pa uwei u khunblang jong ngi.

ESEKIEL 42:13

Uta u briew u la ong ha nga, “Baroh ar tylli kine ki jingtei ki long kiba khuid. Ha ki, ki lyngdoh kiba rung sha ka jingdon ryngkat U Trai, ki bam ïa ki jingkñia bakhuid tam. Namar ba ki kamra ki long kiba khuid, ki lyngdoh kin buh ïa ki jingainguh bakhuid tam hangta: ki jingainguh bam bad ki jingkñia ba la kñia na ka bynta ka pop ne ki jingkñia jong ka jingsiew pat.

ESEKIEL 44:29

Ki jingkñia ainguh, ki jingkñia pop bad ki jingkñia na ka bynta ban siew pat, kin long ki jingbam jong ki lyngdoh, bad ki kin ïoh ïa kiei kiei baroh ha Israel ïa kiba la pynkyrpang na ka bynta jong nga.

LEBITIKOS 10:17

“Balei phim shym ïabam ïa kata ka jingkñia namar ka pop ha ka jaka kyntang? Ka long kaba khuid bha, bad U Trai u la ai ïa ka ha phi na ka bynta ban kit noh ïa ka pop jong u paidlang.

LEBITIKOS 14:13

Un pynïap ïa uta u khunlangbrot ha ka jaka kaba kyntang ha kaba la ju pynïap ïa ki jingri na ka bynta ki jingkñia namar ka pop bad ïa ki jingkñia ainguh thang. U dei ban leh ïa kane namar ba ka jingkñia na ka bynta ka jingpalat, kumba long ka jingkñia namar ka pop, ka dei ka jong u lyngdoh, bad ka long kaba khuid bha.

LEBITIKOS 2:10

Kaba sah na kata ka jingainguh ka long ka jong ki lyngdoh; ka long kaba khuid bha, namar la shim ïa ka na ka jingbam ba la ainguh sha U Trai.

LEBITIKOS 22:11

Hynrei ki mraw jong u lyngdoh, ïa kiba u la thied ne ïa kiba la kha ha ïing jong u, ki lah ban bam ïa kata ka jingbam.

LEBITIKOS 22:7

Un sa long uba khuid hadien ba ka sngi ka la sep, bad nangta u lah ban bam ïa kita ki jingkñia ainguh kiba kyntang, kiba dei ka jingbam jong u.

LEBITIKOS 4:22

Lada u dei u nongsynshar uba leh pop khlem tip bad u hap ha ka jingpynrem ba u la pynkheiñ ïa kawei na ki hukum U Trai,

LEBITIKOS 4:27

Lada dei uwei na ki riewpaidbah uba leh pop khlem tip bad u long uba la rem ba u pynkheiñ ïa kawei na ki hukum U Trai,

LEBITIKOS 5:1

Ki Jingkñia namar ka Pop ki donkam na ka bynta kine ki jingleh. Lada uno uno u shah khot da ki bor ba-halor ban ai sakhi ha ka ïingbishar bad um ïathuh ei ei ïa kata kaba u la ïohi ne u la ïohsngew, u dei ban kit hi ïa kaba mih nangta.

LEBITIKOS 5:6

bad kum ka bainong namar ka pop jong u, u dei ban wallam sha U Trai ïa ka langbrot ne ka blang kynthei kum ka jingainguh. U lyngdoh un ai ïa ka jingkñia namar ka pop jong uta u briew.

LEBITIKOS 6:19

U Trai u ai ha u Moses ïa kine harum ki jingbuhbeit ryntih

LEBITIKOS 6:30

Hynrei lada wanrah wat tang khyndiat na ka snam shapoh ka Ïingjaiñ bad pyndonkam ïa ka ha kaba lehniam ban ïohmap ïa ki pop, ïa u mrad ym dei ban bam; dei ban thang lut khoit ïa u.

LEBITIKOS 7:1

Kine harum ki long ki jingbuhbeit ryntih kiba ïadei bad ki jingkñia namar ki jingleh palat, kiba khuid bha.

LEBITIKOS 7:6

Uno uno u shynrang na ka longïing lyngdoh u lah ban bam ïa ka, hynrei dei ban bam ïa ka ha ka jaka kaba khuid, naba ka long kaba khuid bha.

LEBITIKOS 7:7

Don tang kawei ka aiñ kaba ïadei lang ïa ka jingkñia namar ka pop bad ka jingkñia namar ka jingleh palat: ka doh ka dei jong u lyngdoh uba pyndep ïa ka jingkñia.

JINGKHEIÑ 18:10

Me dei ban bam ïa kine kiei kiei ha ka jaka kyntang, bad tang ki shynrang kiba lah ban bam ïa ki; ñiew ïa ki, kiba khuid.

DEUTERONOMI 18:1

“Ki lyngdoh kiba na ka jait Lebi baroh kim dei ban ïohpateng ei ei na ka khyndew kumba long ki para Israel; ha ka jaka kata, kin ïoh ka bam tang na ki jingainguh bad kiwei pat ki jingkñia ainguh sha U Trai.