JINGKHEIÑ 18:8 - Khasi CL Bible (BSI)

⁸ U Trai u ong ha u Aaron, “Da kynmaw ba nga la ai ha me ïa ki jingainguh kiba kyrpang kiba la ai ïa nga ki bym dei kiba la thang kum ki jingkñia. Nga la ai ïa ki ha me bad ha ki khun ki ksiew jong me kum ka bynta ba la ai ha me junom la junom.

KA BAIBL

⁸ U Trai ruh u la kren ha u Aaron, “Ha khmih, nga la ai ha me ruh ïa ka jingsumar halor ki jingainguh kyntiew jong nga, na kiei kiei baroh ba la kyntang jong ki khun Israel, ha me nga la ai ïa ki na ka bynta kata ka jingpynsleh, bad ha ki khun shynrang jong me, da ka hukum bymjukut.

JINGKHEIÑ 18:8 ပူးပေါင်းရင်းမြစ်များ

LEBITIKOS 6:16

Ki lyngdoh kin bam ïa kaba sah baroh. Yn pynlong ïa u kpu ba la shet khlem thiat bad ban bam ha ka jaka bakhuid, ka phyllaw jong ka Ïingjaiñ ka Jingdon Ryngkat U Trai. U Trai u la ai ha ki lyngdoh kum ka bynta jong ki na kata ka jingainguh bam. Ka long kaba khuid, kumba long ki jingainguh namar ka pop bad ki jingainguh namar ki jingleh palat.

LEBITIKOS 7:6

Uno uno u shynrang na ka longïing lyngdoh u lah ban bam ïa ka, hynrei dei ban bam ïa ka ha ka jaka kaba khuid, naba ka long kaba khuid bha.

LEBITIKOS 6:18

Ha ki por ki ban wan baroh uno uno na ki shynrang kiba hiarpateng na u Aaron ki lah ban bam ïa ka pateng la pateng kum ka bynta na ki jingkñia ainguh bam sha U Trai. Uno uno uwei pat uba ktah ïa ka jingainguh bam un mynsaw na ka bor ka jingkhuid jong ka.

EKSODOS 40:15

Nangta, pynsleh ïa ki kumba me leh ïa u kpa jong ki, ba ki lah ban shakri ïa nga kum ki lyngdoh. Da kane ka jingpynsleh, kin ïailong ki lyngdoh shi rta.”

EKSODOS 40:13

Pynkup ïa u Aaron da ki jaiñphong lyngdoh, pynsleh ïa u, bad da kane pynkyntang ïa u, ba u lah ban shakri ïa nga kum u lyngdoh.

EKSODOS 29:29

“Ynda la ïap u Aaron, ïa ki jaiñphong lyngdoh jong u dei ban aiti ha ki khun shynrang jong u ba kin phong ha ka por ba pynkyntang ïa ki.

1 ÏOANNIS 2:27

Hynrei na ka bynta jong phi, U Khrist u la theh noh ïa la U Mynsiem ha phi. Katba U Mynsiem jong u, u dang ïaisah ha phi, phim donkam ïano ïano ban hikai ïa phi. Naba U Mynsiem jong u, un hikai ïa phi shaphang kiei kiei baroh, bad kaei kaba u hikai ka long kaba shisha, ym kaba lamler. Namarkata, to kohnguh ïa ki jinghikai U Mynsiem bad ïaisah ha U Khrist.

1 ÏOANNIS 2:20

Hynrei ma phi, phi la lah don ïa U Mynsiem Bakhuid ba la theh ha phi da U Khrist, bad kumta phi baroh phi tip ïa ka jingshisha.

HEBRU 1:9

Me ieit ïa kaei kaba dei bad me isih ïa ka bymdei. Namarkata U Blei, U Blei jong me, u la jied ïa me bad u la ai ha me ïa ka jingkmen ka jingpyndonburom kaba kham khraw ban ïa kaba u ai ïa ki paralok jong me.”

ISAÏAH 10:27

Haba kata ka por ka wan, ngan pyllaitluid ïa phi na ka bor jong ka Assyria, bad ka lyngkor jong ki kan ym long shuh ka jingbankhia halor ki tyrpeng jong phi.”

DEUTERONOMI 26:13

phin ong ha U Trai U Blei jong phi, ‘Ngam shym pynsah ei ei shuh ha ïing na kata kaba nga la lum kyrpang; nga la ai ïa ka ha ki Lebi, ki nongwei, ki khunswet, bad ki riewkynthei, kumba me la hukum ïa nga. Ngam shym la leh palat lane leh klet ïa ki hukum jong me kiba ïadei bad kawei na ki shiphew.

DEUTERONOMI 12:11

U Trai un jied tang kawei ka jaka ha kaba yn mane ïa u, bad hangta phi dei ban wanrah sha u ïa kata baroh kaba nga la hukum: ïa ki jingainguh thang bad ki jingkñia jong phi, ïa kawei na ka shiphew bad ki jingainguh jong phi, bad ïa kita ki jingai sngewbha ba phi la kular sha U Trai.

DEUTERONOMI 12:6

Shata phi dei ban leit rah ïa ki jingainguh thang bad ki jingkñia jong phi, ïa kawei-na-kaba-shiphew jong phi, bad ïa ki jingainguh jong phi, ïa ki jingai sngewbha ba phi kular ïa U Trai, ïa ki jingainguh mon sngewbha jong phi, bad ïa kiba la kha nyngkong na ki masi bad ki langbrot jong phi.

JINGKHEIÑ 18:9

Kine harum ki long ki jong me na ki jingainguh kiba kyntang tam ïa ki bym shym la thang ha ka duwan: ki jingainguh bam, ki jingkñia namar ka pop, bad ki jingainguh namar ka jingpalat. Baroh kaba la wanrah ha nga kum ka jingainguh bakyntang ka long ka jong me bad jong ki khun shynrang jong me.

LEBITIKOS 21:10

“U Rangbah lyngdoh ha uba ïa ka umphniang pynsleh la theh ha ka khlieh jong u, bad ïa uba la pynkyntang ban phong ïa ki jaiñkup lyngdoh, um dei ban ieh ra-ngiep ïa la u shñiuh lane kad ïa la ki jaiñkup.

LEBITIKOS 8:30

U Moses u shim ïa ka umphniang pynsleh bad khyndiat ka snam kaba don ha ka duwan bad u synreit ïa ki ha u Aaron bad ha ki khun shynrang jong u bad ha ki jaiñkup jong ki. Ha kane ka rukom u pynkyntang ïa ki bad ïa ki jaiñ jong ki sha U Trai.

LEBITIKOS 6:26

U lyngdoh uba kñia ïa uta u mrad un bam ïa u ha ka jaka bakhuid, ha ka phyllaw jong ka Ïingjaiñ ka Jingdon Ryngkat U Trai.

LEBITIKOS 6:20

na ka bynta ka jingpynsleh lyngdoh ïa kiba hiarpateng na u Aaron. Ha ka sngi ba yn pynkyntang ïa u, un ai kum ka jingainguh sha U Trai shi kilo u 'purew (kaba ïaryngkat bad ka jingainguh bam ba man ka sngi), shiteng ha ka por mynstep bad shiteng ha ka por janmiet.

EKSODOS 29:21

Shim khyndiat ka snam kaba don ha kata ka duwan bad khyndiat ka umphniang pynsleh, bad synreit ha u Aaron bad ha ki jaiñkup jong u, bad ha ki khun shynrang jong u bad ha ki jaiñkup jong ki. Ma ki bad ki jaiñkup jong ki kin long kiba la pynkyntang khuid sha nga.

1 KORINTH 9:13

Da shisha phi tip ba ki rangbah kiba trei ha ka Templ ki ïoh bam na ka Templ bad kito kiba kñia ïa ki jingainguh ha ka duwan ki ïoh ïa ka bynta na ki jingkñia?

LEBITIKOS 7:14

U dei ban wallam shi bynta na uwei pa uwei u jait kpu kum ka jingai kaba kyrpang sha U Trai; kata ka dei ka bynta jong u lyngdoh uba shim ïa ka snam jong u mrad bad uba theh ïa ka sawdong ka duwan.

LEBITIKOS 7:28

U Trai u la ai ha u Moses ïa kine harum ki jingbuhbeit ryntih na ka bynta ki paid Israel.

2 KHRONIKL 31:4

Nalor kane ruh, u syiem u la ong ïa ki briew ka Jerusalem ban wallam ïa ki jingainguh kiba long ki bynta kiba dei jong ki lyngdoh bad ki Lebi, khnang ba ki lah ban ai ïa ka por jong ki baroh sha ki jingdawa jong ka Hukum jong U Trai.

EKSODOS 28:43

U Aaron bad ki khun shynrang jong u ki dei ban phong ïa ki man ka por ba ki leit rung shapoh ka Ïingjaiñ ka Jingdon Ryngkat jong nga ne haba ki leit sha jan ka duwan ban shakri kum ki lyngdoh ha ka Jaka kaba Kyntang, khnang ba kin ym shah pynïap ba ki thad burom ïa lade. Kane ka long ka aiñ kaba neh shi rta ïa u Aaron bad ki khun ki ksiew jong u.

EKSODOS 29:28

Kane ka long ka rai jong nga ka ban ym kylla ba haba ki briew jong nga ki pynlong ïa ka jingkñia ïasyllok, ka shadem bad ka lbong jong u mrad ki long ka bynta jong ki lyngdoh. Kane ka long ka jingai sngewbha jong ki briew sha nga, U Trai.

LEBITIKOS 23:20

U lyngdoh un ai ïa uta u kpu bad ïa kita ki khunlangbrot ar tylli kum ki jingainguh kiba kyrpang sha U Trai na ka bynta ki lyngdoh. Kine ki jingainguh ki long kiba kyrpang.

JINGKHEIÑ 5:9

Shuh shuh, man la ka jingainguh kaba kyrpang ba ki Israel ki ai sha U Trai ka dei ka jong uta u lyngdoh ha uba ki ai ïa ka.

DEUTERONOMI 18:1

“Ki lyngdoh kiba na ka jait Lebi baroh kim dei ban ïohpateng ei ei na ka khyndew kumba long ki para Israel; ha ka jaka kata, kin ïoh ka bam tang na ki jingainguh bad kiwei pat ki jingkñia ainguh sha U Trai.

2 SYIEM 12:16

Ïa ka pisa ba la ai na ka bynta ki jingainguh ba hap siew pat bad na ka bynta ki jingkñia pop ym shym thep ha ka synduk; ka dei ka jong ki lyngdoh.

2 KHRONIKL 31:5

Tang mar ïa-ai hukum, ki paid Israel ki wanrah ïa ki jingai jong ki, kiba kynsai tam na u kew, ka waiñ, ka umphniang Olib, ka ngap, bad kiwei de ki jingmih na ka lyngkha, bad ki wanrah ruh ïa kawei-na-kaba-shiphew jong kiei kiei kiba ki don.