JINGKHEIÑ 18:7 - Khasi CL Bible (BSI)

⁷ Hynrei tang ma me bad ki khun shynrang jong me phin pyndep ïa ka jingkitkhlieh ka jinglong lyngdoh kaba ïadei bad ka duwan bad kaei kaba don ha ka Jaka kaba Kyntang Tam. Kine kiei kiei ki long ki jingkitkhlieh jong me, naba nga la ai ha me ïa ka kam lyngdoh kum ka jingai sngewbha. Uno uno uwei pat u briew u bym bit bym biang uba wan hajan kita ki tiar kiba kyntang un shah pynïap.”

KA BAIBL

⁷ Kumta, ma me bad ki khun shynrang jong me, phin ïasumar ïa ka kam lyngdoh jong phi shaphang kiei kiei baroh kiba dei ïa ka duwan, bad hapoh ka jingkah de phin trei; nga la ai ïa ka kam lyngdoh jong phi ha phi kum ka jingai ei: te ïa u nongwei u ban wan hajan yn pynïap noh.”

JINGKHEIÑ 18:7 ပူးပေါင်းရင်းမြစ်များ

SALM 115:10

To shaniah ha U Trai, phi ki lyngdoh jong U Blei. U ïarap ïa phi bad u ïada ïa phi.

EKSODOS 28:1

“Khot ïa u Aaron u hynmen jong me bad ïa ki khun shynrang jong u, u Nadab, u Abihu, u Eleasar, bad u Ithamar. Pynkyrpang ïa ki na ki Israel khnang ba kin shakri ïa nga kum ki lyngdoh.

EKSODOS 29:9

Buh ïa ki panpoh ha ki syngkai jong ki, bad teh ïa ki tupia ha ki khlieh jong ki. Ha kane ka rukom men pynkyntang ïa u Aaron bad ïa ki khun shynrang jong u. Ma ki bad ki khun ki ksiew jong ki kin shakri ïa nga junom kum ki lyngdoh.

ESEKIEL 44:15

U Trai Nongsynshar u la ong, “Hynrei kito ki lyngdoh kiba dei na ka jait Lebi kiba hiarpateng na u Sadok pat, ki la shakri hok ïa nga ha ka Templ mynba kiwei pat ki paid Israel ki la phai noh na nga. Kumta mynta ki long ma ki, ki ban shakri ïa nga bad wan ha ka jingdon ryngkat jong nga ban ai ïa nga ka khleiñ bad ka snam jong ki jingkñia.

ESEKIEL 44:16

Dei tang ma ki, ki ban rung ha ka Templ jong nga, ban shakri ha ka duwan jong nga, bad ban pynïaid ïa ka jingmane ha ka Templ.

ESEKIEL 44:8

Kim shym la khmih bha ïa ki jinglehniam bakyntang ha ka Templ jong nga, hynrei pynban ki la buh da ki nongwei ban khmih.

LEBITIKOS 16:2

U ong, “Ïathuh ha u hynmen jong me u Aaron ba dei tang ha ka por kaba dei ba un leit shadien ka jingkah jong ka jaka kaba khuid tam, namar ba dei hangta ba nga mihpaw ha u lyoh halor ka jingtap ka Synduk ka Jutang. Lada um kohnguh, un shah pynïap.

LEBITIKOS 7:35

Kane ka long ka bynta jong ka jingbam ba la ainguh sha U Trai ïa kaba la ai ha u Aaron bad ki khun jong u ha kata ka sngi ba pynkyntang ïa ki kum ki lyngdoh.

JINGKHEIÑ 1:51

Man ba phi pynkynriah ïa ka jaka shong dara, ki Lebi kin lied ïa ka Ïingjaiñ ka Jingdon Ryngkat jong nga bad kin pynïeng biang ïa ka ha ka jaka shong dara bathymmai. Uno uno uwei pat uba wan sha jan ka Ïingjaiñ un shah pynïap.

JINGKHEIÑ 16:40

Kane ka la long ka jingmaham ïa ki Israel ba uno uno u bym shym la hiarpateng na u Aaron um bit ban wan sha ka duwan ban thang jingiwbih ha khmat U Trai, lym kumta un shah pynjot thiaw kum u Korah bad ki nongbud jong u. Ïa kane baroh la leh kumba U Trai u la hukum ïa u Eleasar da u Moses.

JINGKHEIÑ 18:20

U Trai u ong ha u Aaron, “Men ym ïoh ka jingdon jingem kum ka jingïohpateng bad ym don kano kano ka bynta na ka ri Israel ban ai ha me. Tang ïa nga U Trai, me donkam.”

JINGKHEIÑ 18:3

Ki dei ban pynbiang ïa ki kamram jong ki sha me bad ïa la ki jingkitkhlieh na ka bynta ka Ïingjaiñ, hynrei kim bit ban pyndei ïa ki tiar kiba khuid ha ka Jaka Kyntang, lane ïa ka duwan. Lada ki leh kumta, ïa ki bad ïa me yn pynïap noh.

JINGKHEIÑ 3:10

Phin thung ïa u Aaron bad ïa ki khun shynrang jong u ban pyndep ïa ki kamram ka jinglong lyngdoh; uno uno uwei pat uba pyrshang ban leh kumta un shah pynïap.”

JINGKHEIÑ 3:38

U Moses bad u Aaron bad ki khun shynrang jong u ki dei ban shong dara ha khmat ka Ïingjaiñ shaphang mihngi. Kine kin kitkhlieh ïa ki kam niam baroh kiba dei ban pyndep ha ka Jaka Kyntang na ka bynta ki Israel. Uno uno uwei pat uba pyrshang ban leh kumta un shah pynïap.

MATHAÏOS 10:8

To pynkhiah ïa kiba pang, to pynim pat ïa kiba ïap, to pynkhiah ïa kito kiba shitom na ki jingpang 'ñiangthohlieh, bad to beh noh ïa ki ksuid. Phi la ïohpdiang ei, kumta to ai ei.

ÏOANNIS 3:27

U Ïoannis u la jubab, “Ym don uno uno uba lah ban ïohpdiang ei ei lymda U Blei u ai ïa ka ha u.

EPHESOS 3:8

Nga long uba rit na kiba rit tam na ki briew jong U Blei baroh; pynban, U Blei u la ai ha nga ïa kane ka kabu ban ïalap sha ki Jentil ïa ka Khubor Babha shaphang ka jingkynrei spah bymkut shuh jong U Khrist, bad ban pynlong ïa ki briew baroh ban ïohi kumno ba la pyntreikam ïa ka jingthmu bamaïan U Blei.

DEUTERONOMI 18:2

Kim dei ban don bynta na ka khyndew ka shyiap kum kiwei pat ki para jait jong ki; ka bynta jong ki ka long ka kabu ka jinglong ki lyngdoh jong U Trai, kumba u la kular.

HEBRU 5:4

Ym don uno uno ruh uba shim ha lade ïa ka burom ka jinglong rangbah lyngdoh. Ka dei tang lyngba ka jingkhot U Blei, ba u briew u lah ban long u rangbah lyngdoh — kumba u Aaron u la long.

JOSHUA 18:7

Pynban, ki Lebi kin ym ïoh kano kano ka bynta jong ka ri lem bad phi, namar ka bynta jong ki ka long ban shakri kum ki lyngdoh jong U Trai. Bad da shisha, ki jait Gad, Reuben, Manasseh ba sha Mihngi te ki la lah ïohpdiang ïa la ka jaka ha ka phang mihngi jong ka Jordan, ïa kaba u Moses u shakri jong U Trai u la ai ha ki.”

1 PETROS 5:2

Nga kyntu ïa phi ban long ki nongsharai ïa ka kynhun ïa kaba U Blei u la ai ha phi bad ban sumar ïa ka da ka mon sngewbha, kumba U Blei u kwah ïa phi, bad ym da kaba shu pynbor. Trei ïa la ka kam, ym tang na ka bynta ka bainong, hynrei na ka jingthrang ban shakri.

1 PETROS 5:3

Wat pyrshang ban leh trai khlieh halor kito ha kiba la ai ïa phi ban sumar, hynrei to long ka nuksa ïa ka kynhun.

1 SAMUEL 2:28

Napdeng ki jait Israel baroh nga la jied ïa ka longïing jong u ban long ki lyngdoh jong nga, ban shakri ha ka duwan, ban thang ïa ka jingiwbih, bad ban phong ïa ka ephod ban ïakren bad nga. Bad nga la ai ha ki ïa ka hok ban ïoh bynta ïa ki jingainguh thang ba-halor ka duwan.