JINGKHEIÑ 18:3 - Khasi CL Bible (BSI)

³ Ki dei ban pynbiang ïa ki kamram jong ki sha me bad ïa la ki jingkitkhlieh na ka bynta ka Ïingjaiñ, hynrei kim bit ban pyndei ïa ki tiar kiba khuid ha ka Jaka Kyntang, lane ïa ka duwan. Lada ki leh kumta, ïa ki bad ïa me yn pynïap noh.

KA BAIBL

³ Bad kin ïa-ap sumar ïa ka jingsumar jong me, bad ïa ka jingsumar Ka Tabernakl baroh: tang ba, kin ym wan hajan ïa ki pliang ka jaka kyntang bad ïa ka duwan, ba ïoh kin ïap, ma ki, lane ma phi ruh.

JINGKHEIÑ 18:3 ပူးပေါင်းရင်းမြစ်များ

ESEKIEL 44:13

Kim dei ban shakri ïa nga kum ki lyngdoh lane leit hajan kano kano kaba khuid ïa nga lane ban rung shapoh ka Jaka Bakyntang Tam. Kane ka dei ka jingpynshitom na ka bynta kiei kiei kiba ijli kiba ki la leh.

JINGKHEIÑ 1:51

Man ba phi pynkynriah ïa ka jaka shong dara, ki Lebi kin lied ïa ka Ïingjaiñ ka Jingdon Ryngkat jong nga bad kin pynïeng biang ïa ka ha ka jaka shong dara bathymmai. Uno uno uwei pat uba wan sha jan ka Ïingjaiñ un shah pynïap.

JINGKHEIÑ 1:53

Hynrei ki Lebi kin pynïeng dara sawdong ka Ïingjaiñ ban ap sumar ïa ka, khnang ba yn ym don mano mano ban wan sha jan bad pynkhie ïa ka jingbitar jong nga ban shoh ïa ka kynhun ki Israel.”

JINGKHEIÑ 16:40

Kane ka la long ka jingmaham ïa ki Israel ba uno uno u bym shym la hiarpateng na u Aaron um bit ban wan sha ka duwan ban thang jingiwbih ha khmat U Trai, lym kumta un shah pynjot thiaw kum u Korah bad ki nongbud jong u. Ïa kane baroh la leh kumba U Trai u la hukum ïa u Eleasar da u Moses.

JINGKHEIÑ 18:4

Ki dei ban ïarap ïa me bad pyndep ïa la ki kamram kiba ïadei bad ka jingshakri ha ka Ïingjaiñ, hynrei uno uno u bym bit bym biang um lah ban ïarap ïa me.

JINGKHEIÑ 18:7

Hynrei tang ma me bad ki khun shynrang jong me phin pyndep ïa ka jingkitkhlieh ka jinglong lyngdoh kaba ïadei bad ka duwan bad kaei kaba don ha ka Jaka kaba Kyntang Tam. Kine kiei kiei ki long ki jingkitkhlieh jong me, naba nga la ai ha me ïa ka kam lyngdoh kum ka jingai sngewbha. Uno uno uwei pat u briew u bym bit bym biang uba wan hajan kita ki tiar kiba kyntang un shah pynïap.”

JINGKHEIÑ 3:25

Kine kin kitkhlieh ïa ka Ïingjaiñ, ïa ka jingsop kaba shapoh bad kaba shalor jong ka, ïa ka pyrda jong ka jingkhang,

JINGKHEIÑ 3:31

Kine kin kitkhlieh ïa ka Synduk ka Jutang, ïa ka miej, ïa u diengpynïeng sharak, ïa ki duwan, ïa ki khiew ki pliang ba ki lyngdoh ki pyndonkam ha ka Jaka Kyntang, bad ïa ka pyrda ha ka jingkhang sha ka Jaka kaba Kyntang Tam. Kin kitkhlieh ïa ki kam baroh kiba ïadei bad kine tiar ki tar.

JINGKHEIÑ 3:36

Kine kin kitkhlieh ïa ki tiar pynïeng Ïingjaiñ, ïa ki diengkhap, ïa ki rijied, ïa ki thliew tnaw, bad ïa ki tiar pyndait jong ka baroh. Kin kitkhlieh ruh ïa ki kam baroh kiba ïadei bad kine ki tiar ki tar.

JINGKHEIÑ 31:30

Na ka bynta kaba la ai ïa kaba sah jong u paidlang, shim uwei na man ki sanphew ngut ki koidi bad katjuh ka jingmang na ki masi, ki kada, ki langbrot, bad ki blang. Ai ïa ki ha ki Lebi kiba khmih ïa ka Ïingjaiñ U Trai.”

JINGKHEIÑ 4:15

Haba la dei ka por ban kynriah jaka shawei, ki kur u Kohath kin wan ïabah ïa kita ki tiar kiba kyntang hadien ba u Aaron bad ki khun shynrang jong u ki la tap lut ïa ki bad ïa ki tiar pyndait jong ki baroh. Ki kur u Kohath kim bit ban ktah ïa kita ki tiar kiba kyntang, ïoh ki ïap. “Kine ki dei ki jingkitkhlieh ba ki kur u Kohath ki dei ban leh man ka por ba hap pynkynriah ïa ka Ïingjaiñ.