JINGKHEIÑ 17:8 - Khasi CL Bible (BSI)

⁸ Ha ka sngi kaba bud, haba u Moses u leit shapoh ka Ïingjaiñ, u la ïohi ba u diengduh jong u Aaron, uba ïeng na ka bynta ka jait Lebi, u la khie lung. U la shylluit, phuh syntiew, bad sei ki soh almond kiba ih!

KA BAIBL

⁸ Te ha kaba lashai, u Moses u la leit hapoh Ka Tabernakl ka jingphla; bad ha khmih, u diengduh u Aaron uba na ka bynta ka ïing u Lebi u la phuh, bad u la mih shylluit, bad u la phuh syntiew, u la sei ruh da ki soh Khyllam.

JINGKHEIÑ 17:8 ပူးပေါင်းရင်းမြစ်များ

JENESIS 40:10

Mar ïasdang mih sla, ki syntiew ki la mih, bad ki sohwaiñ ki la ih.

SALM 110:2

Na Seïon U Trai un pynïar ïa ka bor syiem jong me. “To synshar halor ki nongshun jong me,” u ong.

JINGRWAI SOLOMON 2:3

Kum u diengsoh apple hapdeng ki dieng ha khlaw, kumta u long uba ieit thep mynsiem jong nga haba nujor bad kiwei pat ki shynrang. Nga ieit ban shong hapoh ka jingkahtngen jong u, bad u soh jong u, u thiang ha ka jingmad jong nga.

ISAÏAH 4:2

Ka por ka poi ha kaba U Trai un pynlong ïa uwei pa uwei u jingthung bad u dieng ha ka ri ban long uba heh bad ba-itynnat. Baroh ki paid Israel kiba lait im kin dap da ka jingkmen bad jingsarong ha ki mar rep ba ka ri ka pynmih.

ESEKIEL 17:24

Baroh ki dieng kin tip ba nga long U Trai. Nga khet ïa ki dieng bajrong bad nga pynlong ïa ki dieng rit ban san jrong. Nga pynïap stai ïa ki dieng bajyrngam bad pynlong ïa ki dieng ba-tyrkhong ban kylla jyrngam. Ma nga, U Trai, nga la kren. Ngan leh ïa kaei kaba nga la ong ba ngan leh.”

ESEKIEL 19:12

Hynrei ki kti ba bitar ki la rat ïa u naduh tynrai bad bret ïa u sha madan. Ka lyer mihngi ka la pyntyrkhong ïa u soh jong u. Ki tnat jong u ki la kheiñ; ki la tyrkhong bad la thang noh.

ESEKIEL 19:14

Ka met jong u dieng sohwaiñ ka la kem ding; ka ding ka la bam duh ïa ki tnat bad ïa u soh jong u. Ki tnat kin ym long shuh da lei lei kiba khlaiñ, kin ym long shuh da lei lei ki diengsynshar ba kynja syiem. Kane ka dei ka jingrwai jong ka jingsngewsih; la ju rwai bad ïai rwai ïa ka.

JINGKHEIÑ 16:5

Nangta u la ong ha u Korah bad ki nongbud jong u, “Lashai mynstep U Trai un pyn-i ha ngi ïa uta uba long u jong u; un sa shah ïa uta uba long u jong u, kata, uta keiñ ïa uba u la jied, ban leit sha u ha ka duwan.

JINGKHEIÑ 17:5

Te u diengduh jong uta u briew ïa uba nga la jied un khie lung. Da kumta ngan pynsngap jar ïa ki jingïaikren khñium jong kine ki Israel pyrshah ïa me.”

JINGKHEIÑ 17:9

U Moses u la shim ïa kita ki diengduh baroh bad u la pyn-i ïa ki ha ki Israel. Ki la ïohi ïa kaba la jia, bad uwei pa uwei u nongïalam u la shim noh ïa la u jong u diengduh.

HEBRU 9:4

Ha ka la buh ïa ka duwan ksiar na ka bynta ban thang ïa ki jingiwbih bad ïa ka Synduk ka Jutang ïa kaba la sop ksiar bad la don u khiew ksiar lem bad ka manna ha u, u diengduh jong u Aaron uba la mih sla, bad ki ar tylli ki mawlyngkniap ha kiba la thoh ïa ki hukum.