JINGKHEIÑ 17:7 - Khasi CL Bible (BSI)

⁷ Nangta u Moses u buh ïa kita ki diengduh baroh hapoh ka Ïingjaiñ ha khmat ka Synduk ka Jutang jong U Trai.

KA BAIBL

⁷ Te u Moses u la buh noh ïa kita ki diengduh ha khmat U Trai ha Ka Tabernakl ka jingphla.

JINGKHEIÑ 17:7 ပူးပေါင်းရင်းမြစ်များ

EKSODOS 38:21

Kane ka long ka jingbuh jingkheiñ ïa ki mar kiba la pyndonkam na ka bynta ka Ïingjaiñ ka Jingdon ryngkat U Trai ha kaba la buh ïa ki ar tylli ki mawlyngkniap ba la thoh ïa ki Shiphew Hukum. U Moses u hukum ban ai ïa kane ka jingkheiñ, bad la pynkhreh ïa ka da ki Lebi ha ka jingïalam u Ithamar, u khun jong u Aaron u lyngdoh.

JINGKHEIÑ 1:50

Hynrei, buh ïa ki Lebi ba kin peit bad sumar ïa ka Ïingjaiñ ka Jingdon Ryngkat jong nga bad ïa ki jingbuh jingsat jong ka baroh. Ki kin rah ïa ka, bad ïa ki tiar ki tar jong ka, kin shakri ha ka, bad kin pynïeng ïa la ki dara sawdong jong ka.

JINGKHEIÑ 1:53

Hynrei ki Lebi kin pynïeng dara sawdong ka Ïingjaiñ ban ap sumar ïa ka, khnang ba yn ym don mano mano ban wan sha jan bad pynkhie ïa ka jingbitar jong nga ban shoh ïa ka kynhun ki Israel.”

JINGKHEIÑ 14:10

Ka kynhun baroh kawei ka la byrngem ban lynthem maw ïa ki, hynrei kynsan ki paidbah ki la ïohi ïa ka jingshai batyngshaiñ jong ka jingdon ryngkat U Trai ba ka paw halor ka Ïingjaiñ.

JINGKHEIÑ 17:4

Nangta rah ïa ki shapoh ka Ïingjaiñ ka Jingdon Ryngkat jong nga bad buh ïa ki ha khmat ka Synduk ka Jutang, ha kaba nga ïashem bad me.

JINGKHEIÑ 17:6

Kumta u Moses u la kren ha ki Israel, bad uwei pa uwei na ki nongïalam jong ki, ki la ai ha u mar uwei u diengduh, uwei na ka bynta kawei kawei ka jait, baroh ki long khat-ar tylli, bad ïa u diengduh jong u Aaron la buh lem bad ki.

JINGKHEIÑ 18:2

Wan ïalam ïa la ki ba-ha-ïing ha-sem, kiba na ka jait Lebi, ban ïatreilang bad ïarap ïa me katba me bad ki khun shynrang jong me phi dang ïashakri ha ka Ïingjaiñ.

JINGKHEIÑ 9:15

Ha ka sngi ba la pynïeng ïa ka Ïingjaiñ ka Jingdon Ryngkat U Trai, u lyoh u la wan bad tap ïa ka. Mynmiet, uta u lyoh u paw kum ka ding.

KI KAM 7:44

“Ki kpa tymmen jong ngi ki la don bad ki ïa ka Ïingjaiñ ka Jingdon Ryngkat U Blei, ha ka ri shyiap. La thaw ïa ka kat kumba U Blei u la ong ha u Moses ban thaw ïa ka, kat kum ka dur ïa kaba la pyn-i ha u Moses.