JINGKHEIÑ 17:5 - Khasi CL Bible (BSI)

⁵ Te u diengduh jong uta u briew ïa uba nga la jied un khie lung. Da kumta ngan pynsngap jar ïa ki jingïaikren khñium jong kine ki Israel pyrshah ïa me.”

KA BAIBL

⁵ Te kan jia, ba u diengduh jong uta u briew ïa uba ngan jied un phuh, bad ngan pynduh na khmat jong nga ïa ki jingkhñium jong ki khun Israel, ïa kiba ki la ïakren khñium ïa phi.”

JINGKHEIÑ 17:5 ပူးပေါင်းရင်းမြစ်များ

2 KHRONIKL 26:16

Hynrei haba u syiem Ussaïah u la kylla long uba khlaiñbor, u la sngewmeng noh pynban, bad kata ka ïalam sha ka jingkhyllem noh jong u. U ïaleh pyrshah ïa U Trai U Blei jong u da kaba u leit rung sha ka Templ ban thang jingiwbih ha ka duwan thang jingiwbih.

SALM 105:26

Nangta u phah ïa u shakri jong u, u Moses, bad u Aaron, ïa kiba u la jied.

EKSODOS 16:7

Ha ka por mynstep phin ïohi ïa ka jingshai baphyrnai jong ka jingdon ryngkat U Trai. U la ïohsngew ïa ki jingkhñium jong phi pyrshah ïa u — ho-oid, pyrshah ïa u, namar ngi te ngi shu kohnguh ïa ki jingbthah jong u.”

ISAÏAH 11:1

Ka pateng longsyiem jong u Dabid ka long kum u dieng ba la khet; hynrei kumba ki tnat bathymmai ki khie lung na ka dyngkhong, kumta u syiem bathymmai un mih napdeng ki khun ki ksiew jong u Dabid.

ISAÏAH 13:11

U Trai u ong, “Ngan wallam ka jingpynjot halor ka pyrthei bad ngan pynshitom ïa ki riewbymman baroh namar ki pop jong ki. Ngan pyndem ïa uno uno uba sarong bad ngan pynshitom ïa uno uno uba sngewmeng bad uba runar.

ISAÏAH 27:6

Ha ki sngi ki ban sa wan ki paid Israel, ki khun ki ksiew u Jakob, kin suhthied kum u dieng, bad kin phuh bad shylluit. Ïa ka pyrthei yn pyndap da u soh uba ki pynmih.

ISAÏAH 5:24

Kumta mynta, kumba u skum kba bad u phlang tyrkhong ki ran bad ing ha ka ding, ki thied jong phi kin pyut bad ki syntiew jong phi kin tyrkhong bad shah rong noh ha ka lyer, namar ba phi la kyntait ïa kaei kaba U Trai Badonbor Baroh, U Blei bakhuid ka Israel u la hikai ïa ngi.

ESEKIEL 16:41

Kin thang duh ïa ki ïing jong pha bad shah ïa ki paid kynthei ban ïohi ïa ka jingshah pynshitom jong pha. Ngan pynlong ïa pha ban sangeh ban long ka nuti bad pynlong ïa pha ban sangeh ban ai ki jingai sngewbha ïa ki nongleh-ieit jong pha.

ESEKIEL 23:27

Ngan pynsangeh noh ïa ka jingkwah brai jong pha bad ïa ki jingijli kiba pha la leh naduh ba pha dang don ha Ijipt. Phan ym khmih shuh ïa ki bleithaw ne pyrkhat shuh shaphang ka Ijipt.”

HOSIA 14:5

Ngan long ïa ki paid Israel kum u slap ha ka dewryngkhiang. Kin phuh kum ki syntiew; kin suhthied skhem kum ki dieng ha Lebanon.

JINGKHEIÑ 1:51

Man ba phi pynkynriah ïa ka jaka shong dara, ki Lebi kin lied ïa ka Ïingjaiñ ka Jingdon Ryngkat jong nga bad kin pynïeng biang ïa ka ha ka jaka shong dara bathymmai. Uno uno uwei pat uba wan sha jan ka Ïingjaiñ un shah pynïap.

JINGKHEIÑ 11:1

Ki paidbah ki la sdang ban ujor ha U Trai shaphang ki jingjynjar jong ki. Haba U Trai u la ïohsngew ïa ki, u la bitar lep bad u phah da ka ding ha kita ki paidbah. Kata ka ding ka klang hapdeng jong ki bad ka la pynjot ïa kawei ka dong jong ka jaka shong dara.

JINGKHEIÑ 16:11

Haba phi ujor pyrshah ïa u Aaron, ka mut shisha pyrshah ïa U Trai ba ma phi bad ki nongbud jong phi, phi ïaleh pyrshah.”

JINGKHEIÑ 16:5

Nangta u la ong ha u Korah bad ki nongbud jong u, “Lashai mynstep U Trai un pyn-i ha ngi ïa uta uba long u jong u; un sa shah ïa uta uba long u jong u, kata, uta keiñ ïa uba u la jied, ban leit sha u ha ka duwan.

JINGKHEIÑ 17:10

U Trai u ong ha u Moses, “Buh biang ïa u diengduh jong u Aaron ha khmat ka Synduk ka Jutang. Dei ban buh ïa u kum ka jingmaham ïa ki Israel kiba ïaleh pyrshah ba kin ïap lymda ki sangeh noh ïa ki jingkren khñium jong ki.”

JINGKHEIÑ 17:6

Kumta u Moses u la kren ha ki Israel, bad uwei pa uwei na ki nongïalam jong ki, ki la ai ha u mar uwei u diengduh, uwei na ka bynta kawei kawei ka jait, baroh ki long khat-ar tylli, bad ïa u diengduh jong u Aaron la buh lem bad ki.

JINGKHEIÑ 17:8

Ha ka sngi kaba bud, haba u Moses u leit shapoh ka Ïingjaiñ, u la ïohi ba u diengduh jong u Aaron, uba ïeng na ka bynta ka jait Lebi, u la khie lung. U la shylluit, phuh syntiew, bad sei ki soh almond kiba ih!

1 KORINTH 10:10

Ngim dei ban khñium, kumba don na ki, kiba la khñium — bad la pynjot ïa ki da u Angel ka Jingïap.

JOSHUA 4:7

phin ïathuh ïa ki ba ka um jong ka Jordan ka la sangeh ban tuid haba ka Synduk ka Jutang U Trai ka jam ïa ka wah. Kine ki maw kin ïai pynkynmaw ïa ki paid Israel shaphang kaei kaba la jia hangne.”