JINGKHEIÑ 17:3 - Khasi CL Bible (BSI)

³ bad nangta thoh ïa ka kyrteng u Aaron ha u diengduh na ka bynta ka jait Lebi. Dei ban don uwei u diengduh ïa u nongïalam jong kawei pa kawei ka jait.

KA BAIBL

³ Bad ha u diengduh u Lebi, men thoh ïa ka kyrteng u Aaron: namar uwei u diengduh un long na ka bynta u rangbah ka ïing ki kpa jong ki.

JINGKHEIÑ 17:3 ပူးပေါင်းရင်းမြစ်များ

EKSODOS 6:16

U Lebi u don lai ngut ki khun shynrang: u Gershon, u Kohath, bad u Merari; kine ki la long ki kpa tymmen jong kito ki jait kiba ai kyrteng da ki. U Lebi u la im haduh shispah laiphew hynñiew snem ka rta.

EKSODOS 6:20

U Amram u shongkurim ïa ka Jokhebed, ka para jong u kpa jong u, bad ka la kha ïa u Aaron bad u Moses. U Amram u la im haduh shispah laiphew hynñiew snem ka rta.

ESEKIEL 37:16

“Ko khun u briew,” u ong, “shim ïa u lyngkhot dieng bad thoh ha u ïa ki ktien ‘Ka Hima Judah.’ Nangta shim sa uwei pat u lyngkhot dieng bad thoh ha u ïa kine ki ktien: ‘Ka Hima Israel.’

JINGKHEIÑ 17:2

“Ong ïa ki paid Israel ban wan ai ha me khat-ar tylli ki diengduh, uwei uwei u diengduh na u nongïalam jong kawei kawei ka jait. Thoh ïa ka kyrteng uta u briew ha u diengduh jong u,

JINGKHEIÑ 17:4

Nangta rah ïa ki shapoh ka Ïingjaiñ ka Jingdon Ryngkat jong nga bad buh ïa ki ha khmat ka Synduk ka Jutang, ha kaba nga ïashem bad me.

JINGKHEIÑ 18:1

U Trai u ong ha u Aaron, “Ma me, ki khun shynrang jong me, bad ki Lebi ruh, phin hap shah ïa kiei kiei kiba mih na kano kano ka jingleh palat ha ka jingshakri ha ka Ïingjaiñ ka Jingdon Ryngkat jong nga, hynrei tang ma me bad ki khun shynrang jong me kin shah ïa kiei kiba mih ha ka jingshakri ha ka jinglong lyngdoh.

JINGKHEIÑ 18:7

Hynrei tang ma me bad ki khun shynrang jong me phin pyndep ïa ka jingkitkhlieh ka jinglong lyngdoh kaba ïadei bad ka duwan bad kaei kaba don ha ka Jaka kaba Kyntang Tam. Kine kiei kiei ki long ki jingkitkhlieh jong me, naba nga la ai ha me ïa ka kam lyngdoh kum ka jingai sngewbha. Uno uno uwei pat u briew u bym bit bym biang uba wan hajan kita ki tiar kiba kyntang un shah pynïap.”

JINGKHEIÑ 26:10

Ka khyndew ka la ang bad nguid ïa ki, bad ki la ïap ryngkat bad u Korah bad ki nongbud jong u haba ka ding ka la pynjot thiaw ïa arspah sanphew ngut ki rangbah; ki la kylla long ka jingmaham ïa uta u paidbah.