JINGKHEIÑ 16:1 - Khasi CL Bible (BSI)

^1-2 U Korah u khun jong u Ishar na ka jait Lebi jong u Kohath, u la ïaleh pyrshah ïa ka jingïalam jong u Moses. La wan ïasoh lem bad u da lai ngut ki dkhot na ka jait Reuben — u Dathan bad u Abiram, ki khun shynrang jong u Eliab, bad u On u khun jong u Peleth — bad da ki arspah sanphew ngut kiwei pat ki rangbah Israel, ki nongïalam kiba pawkhmat ba la jied da ka kynhun.

KA BAIBL

¹ Te u Korah, u khun u Ishar, uba u khun u Kohath, u khun u Lebi, bad u Dathan, bad u Abiram, ki khun shynrang u Eliab, bad u On u khun u Peleth, ki khun shynrang u Reuben, ki la ïashet buit:

JINGKHEIÑ 16:1 ပူးပေါင်းရင်းမြစ်များ

SALM 106:16

Hangta ha ka ri shyiap ki la pihuiñ ïa u Moses bad u Aaron, ki shakri bakhuid jong U Trai.

EKSODOS 6:16

U Lebi u don lai ngut ki khun shynrang: u Gershon, u Kohath, bad u Merari; kine ki la long ki kpa tymmen jong kito ki jait kiba ai kyrteng da ki. U Lebi u la im haduh shispah laiphew hynñiew snem ka rta.

EKSODOS 6:18

U Kohath u don saw ngut ki khun shynrang: u Amram, u Ishar, u Hebron, bad u Ussiel. U Kohath u la im haduh shispah laiphew lai snem ka rta.

EKSODOS 6:21

U Ishar u don lai ngut ki khun shynrang: u Korah, u Nepheg, bad u Sikhri.

JINGKHEIÑ 15:41

Nga long U Trai U Blei jong phi; nga la wallam ïa phi na Ijipt ban long U Blei jong phi. Nga long U Trai.”

JINGKHEIÑ 27:3

“I pa jong ngi i la ïap ha ka ri khlaw khlem khun shynrang. Im shym ïadon lang bad ki nongbud jong u Korah kiba la ïaleh pyrshah ïa U Trai; i la ïap namar ka pop la jong.

DEUTERONOMI 11:6

Phi kynmaw aïu u la leh ïa u Dathan bad u Abiram, ki khun u Eliab uba na ka jait Reuben. Hangta ha khmat jong phi baroh, ka khyndew ka ang bad ka nguid ïa ki lem bad ki ba-ha-ïing jong ki, ïa ki ïingjaiñ, ki shakri, bad ki jingri jong ki baroh.

JUDAH 1:11

Katno ka long kaba kordit ïa ki! Ki la bud ha ka lynti kaba u Kain u la ïaid. Na ka bynta ka tyngka, ki la aiti ïa lade sha ka jingbakla kaba u Balaam u la leh. Ki la ïaleh pyrshah kumba u Korah u la ïaleh pyrshah, bad kum ma u, la pynjot ïa ki.