JINGKHEIÑ 15:9 - Khasi CL Bible (BSI)

⁹ dei ban wanrah lai kilo u 'purew ba la khleh bad ar litar ka umphniang Olib kum ka jingainguh bam, lem bad ar litar ka waiñ.

KA BAIBL

⁹ te un wallam lem bad uta u masi lyngraw, lai bynta na kaba shiphew u 'purew ba la khleh bad shiteng hin ka umphniang, ban long ka jingainguh bam.

JINGKHEIÑ 15:9 ပူးပေါင်းရင်းမြစ်များ

1 KHRONIKL 21:23

“Shim ïa ka, Syiem Kynrad,” u Araunah u ong, “bad leh ïa ka katba phi sngewbit. Hangne ki don ki masi dab ban thang kum ka jingainguh ha ka duwan, bad hangne ki don ki lyntang shoh kew ban pyndonkam kum ka diengthang, bad u kew ban ai kum ka jingainguh. Nga ai ïa ki baroh ha phi.”

NEHEMAÏAH 10:33

Ngin pynbiang na ka bynta ka jingmane ha ka Templ ïa kine: u kpu bakyntang, ka jingkñia-bam ba man ka sngi, ki mrad ban thang man ka sngi kum ki jingkñia, ki jingkñia bakyntang na ka bynta ki sngi Sabbaton, ki jingkñia Bnai Thymmai bad kiwei ki jingkñia, kiwei kiwei ruh ki jingkñia bakyntang, ki jingkñia ban map noh ïa ki pop ki Israel, bad ïa kiei kiei ruh kiba donkam na ka bynta ka Templ.

ESEKIEL 42:13

Uta u briew u la ong ha nga, “Baroh ar tylli kine ki jingtei ki long kiba khuid. Ha ki, ki lyngdoh kiba rung sha ka jingdon ryngkat U Trai, ki bam ïa ki jingkñia bakhuid tam. Namar ba ki kamra ki long kiba khuid, ki lyngdoh kin buh ïa ki jingainguh bakhuid tam hangta: ki jingainguh bam bad ki jingkñia ba la kñia na ka bynta ka pop ne ki jingkñia jong ka jingsiew pat.

ESEKIEL 46:11

Ha ki sngi jingkhawai bad ha ki Jingkhawai Niam, ki jingainguh bam kin long khathynñiew kilo shiteng ryngkat uwei uwei u masi kyrtong ne u langbrot, bad kano kano kaba uba mane u kwah ban ai ryngkat bad uwei uwei u khunlangbrot. Dei ban ai lai litar ka umphniang Olib ryngkat bad kawei pa kawei ka jingainguh bam.

ESEKIEL 46:15

Ïa u khunlangbrot, u kew, bad ka umphniang Olib, yn ainguh sha U Trai man ka step junom.”

ESEKIEL 46:5

Ryngkat bad uwei pa uwei u langbrot un wallam ka jingainguh da khathynñiew kilo shiteng u kew, bad ryngkat bad uwei pa uwei u khunlangbrot un wallam kano kano kaba u kwah ban ai. Na ka bynta kawei pa kawei ka jingainguh bam kaba kum kata, un wallam lai litar ka umphniang Olib.

ESEKIEL 46:7

Ryngkat bad uwei pa uwei u masi kyrtong bad uwei pa uwei u langbrot ka jingainguh kan long bad khathynñiew kilo shiteng u kew, bad ryngkat bad uwei pa uwei u khunlangbrot ka jingainguh kan long da kano kano kaba u khun syiem u kwah ban ai. Lai litar ka umphniang Olib yn ai kum ka jingainguh ryngkat bad kawei pa kawei ka jingainguh bam da u kew.

JOEL 1:9

Ym don kew lane waiñ ban ai ha ka Templ; ki lyngdoh ki ïamkthang namar kim don ki jingainguh na ka bynta U Trai.

JOEL 2:14

Lehse U Trai U Blei jong phi un kylla ka jingmut bad un kyrkhu ïa phi da ki jingthung bakyrhai. Te phin lah ban ainguh ha u da u kew bad ka waiñ.

LEBITIKOS 14:10

Ha ka sngi kaba phra, un wallam ar tylli ki khunlangbrot shynrang bad kawei ka langbrot kynthei kaba shisnem, ki bym don kano kano ka jingduna, lai kilo u 'purew ba la khleh bad ka umphniang Olib, bad kumba shi bynta na ka lai bynta ka umphniang Olib.

LEBITIKOS 6:14

Kine ki long ki jingbuhbeit ryntih kiba ïadei bad ki jingainguh bam. U lyngdoh na ki khun shynrang u Aaron un wallam ïa ka jingainguh bam sha U Trai ha khmat ka duwan.

LEBITIKOS 7:37

Kine keiñ ki long kita ki jingbuhbeit ryntih kiba ïadei bad ki jingainguh thang, ki jingainguh bam, ki jingkñia namar ka pop, ki jingkñia namar ka jingleh palat, ki jingkñia pynkyntang, bad ki jingainguh ïasyllok.

JINGKHEIÑ 15:10

Ka jingiw jong kane ka jingkñia ka long kaba pynsngewbha ïa U Trai.

JINGKHEIÑ 15:8

Haba la wanrah ïa u masi kum ka jingainguh thang, lane kum ka jingkñia ha kaba pyndep ïa kano kano ka jingsmai skhem, lane kum ka jingainguh jingpynïasuk,

JINGKHEIÑ 28:12

Kum ka jingainguh bam, wanrah u 'purew ba la khleh bad ka umphniang Olib: lai kilo u 'purew lem bad uwei u masi lyngraw; ar kilo u 'purew lem bad u langbrot;

JINGKHEIÑ 28:14

Ka jingainguh waiñ kaba biang ka long ar litar ka waiñ lem bad uwei u masi lyngraw, shi litar shiteng ka waiñ lem bad u langbrot, bad shi litar ka waiñ lem bad uwei u khunlangbrot. Kane ka long ka jingbuh ryntih ïa ka jingainguh thang na ka bynta ka sngi nyngkong kaba man la u bnai baroh shisnem.

JINGKHEIÑ 29:6

Wanrah ïa kine nalor ka jingainguh thang kaba ju leh ha ka sngi nyngkong jong u bnai lem bad ka jingainguh bam jong ka, bad ïa ka jingainguh thang kaba man ka sngi lem bad ka jingainguh bam bad ka jingainguh waiñ jong ka. Kine ki jingainguh bam ki long ka jingiw kaba pynsngewbha ïa U Trai.

1 SAMUEL 1:24

Hadien ba ka la pyniehnoh buiñ ïa u, ka leit ïalam ïa u sha Shiloh ryngkat bad uwei u masi uba dang lai snem, shiphew kilo u 'purew, bad shi pla snieh ka waiñ. Ka ïalam ïa u Samuel, wat la u dang khynnah eh, sha ka ïing U Trai ha Shiloh.