JINGKHEIÑ 15:4 - Khasi CL Bible (BSI)

^4-5 Uno uno uba wanrah ïa ka langbrot ne ka blang kum ka jingainguh thang ha U Trai u dei ban wallam lem bad kata ka jingri shi kilo u 'purew ba la khleh bad shi litar ka umphniang Olib kum ka jingainguh bam, lem bad shi litar ka waiñ.

KA BAIBL

⁴ Ynda kumta te, uta u ba ai ka jingainguh jong u ha U Trai, un wallam ka jingainguh bam da ka bynta bashiphew na u 'purew ïa uba la ïakhleh bad shi pawa hin ka umphniang:

JINGKHEIÑ 15:4 ပူးပေါင်းရင်းမြစ်များ

ESRA 7:17

“Phi dei ban pynlut ha ka rukom kaba dei ïa kane ka pisa bad ban thied ki masi kyrtong, ki langbrot shynrang, ki khunblang, u kew bad ka waiñ bad ban ainguh ïa ki ha ka duwan jong ka Templ ha Jerusalem.

EKSODOS 29:40

Ryngkat bad uta u khunlangbrot uba nyngkong, ainguh kumba shi kilo u kew ba la tylliat ni bha ba la khleh lang bad shi litar ka umphniang Olib kaba bha. Theh ruh shi litar ka waiñ kum ka jingainguh.

ISAÏAH 66:20

Kin wallam pat ïa baroh ki para kur ki para jait jong phi na ki jaitbynriew baroh kum ka jingai sngewbha ïa nga. Kin wallam ïa ki sha u lum bakyntang jong nga ha Jerusalem ha ki kulai, ki khashor bad ha ki ut, bad ha ki kali ïapom bad ki kali kit jingkit, kumba ki Israel ki wanrah ïa ki jingainguh bam sha ka Templ ha ki khiew lehniam kiba khuid.

ESEKIEL 46:14

Nangta ruh ar kilo u kew yn ai kum ka jingainguh man ka step, ryngkat bad shi litar ka umphniang Olib ban khleh bad u kew. Ki aiñ jong kane ka jingainguh sha U Trai kin long na ka bynta junom.

LEBITIKOS 1:13

Uta u briew u dei ban sait ïa ki snier bad ïa ki kjat-dien, bad u lyngdoh un ai ïa kata ka jingkñia sha U Trai, bad thang ïa ka baroh halor ka duwan. Ka jingiw jong kane ka jingainguh bam ka long kaba pynsngewbha ïa U Trai.

LEBITIKOS 14:10

Ha ka sngi kaba phra, un wallam ar tylli ki khunlangbrot shynrang bad kawei ka langbrot kynthei kaba shisnem, ki bym don kano kano ka jingduna, lai kilo u 'purew ba la khleh bad ka umphniang Olib, bad kumba shi bynta na ka lai bynta ka umphniang Olib.

LEBITIKOS 2:1

Haba uno uno u wallam ïa ka jingainguh da u kew sha U Trai, u dei ban da tylliat shuwa ïa u haduh ba un da ni. U dei ban theh ïa ka umphniang Olib bad ka jingiwbih halor jong u, bad un wanrah ïa u sha ki lyngdoh na ka ïing u Aaron.

LEBITIKOS 2:15

Theh ïa ka umphniang Olib bad buh ïa ka jingiwbih halor jong u.

LEBITIKOS 23:13

Ryngkat bad uta, phin ai ruh ar kilo u 'purew ba la khleh bad ka umphniang Olib kum ka jingainguh bam. Ka jingiwbih jong kane ka jingkñia ka long kaba pynsngewbha ïa U Trai. Phin ai lang ruh bad kata ka jingkñia shi litar ka waiñ kum ka jingainguh dih.

LEBITIKOS 3:7

Lada u briew u ainguh da u langbrot, un buh ïa la ka kti ha ka khlieh jong u bad pynïap ïa u ha khmat ka Ïingjaiñ.

LEBITIKOS 6:14

Kine ki long ki jingbuhbeit ryntih kiba ïadei bad ki jingainguh bam. U lyngdoh na ki khun shynrang u Aaron un wallam ïa ka jingainguh bam sha U Trai ha khmat ka duwan.

MALAKHI 1:11

Ki briew na kawei ka kut jong ka pyrthei sha kawei pat ki burom ïa nga. Ha man ki jaka ki thang jingiwbih sha nga bad ki ai ïa ki jingkñia ba pdiang hun. Baroh na ki, ki burom ïa nga!

JINGKHEIÑ 28:12

Kum ka jingainguh bam, wanrah u 'purew ba la khleh bad ka umphniang Olib: lai kilo u 'purew lem bad uwei u masi lyngraw; ar kilo u 'purew lem bad u langbrot;

JINGKHEIÑ 28:4

Ainguh ïa uwei mynstep bad uwei pat janmiet,

JINGKHEIÑ 29:6

Wanrah ïa kine nalor ka jingainguh thang kaba ju leh ha ka sngi nyngkong jong u bnai lem bad ka jingainguh bam jong ka, bad ïa ka jingainguh thang kaba man ka sngi lem bad ka jingainguh bam bad ka jingainguh waiñ jong ka. Kine ki jingainguh bam ki long ka jingiw kaba pynsngewbha ïa U Trai.

Ka Shithi U Paul Sha Ki Nong Rom 15:16

Nga shakri kum u lyngdoh ha kaba ïalap ïa ka Khubor Babha na U Blei, khnang ba ki Jentil ki lah ban long ka jingkñia ba la pdiang sha U Blei, ba la pynkyntang sha u da U Mynsiem Bakhuid.

HEBRU 13:16

Wat klet ban lehbha bad ïarap uwei ïa uwei pat, namar kine ki long ki jingkñia kiba pynsngewbha ïa U Blei.

NONGBISHAR 9:9

U dieng Olib u jubab, ‘Na ka bynta ban synshar ïa phi, ngan hap sangeh ban pynmih umphniang, ïa kaba la pyndonkam ban pyndonburom ïa ki blei jong ngi bad ïa ki khunbynriew.’