JINGKHEIÑ 15:3 - Khasi CL Bible (BSI)

³ Ïa u masi, u langbrot, ka langbrot lane ka blang lah ban wanrah ha U Trai kum ka jingainguh thang lane kum ka jingkñia ha kaba pyndep ïa ka jingsmai lane kum ka jingainguh mon sngewbha lane kum ka jingainguh ha ki Jingkhawai Niam kiba man ka por; ka jingiw jong kine ki jingainguh bam ka pynsngewbha ïa U Trai.

KA BAIBL

³ bad haba phi ai ka jingainguh da ka ding ha U Trai, ka jingainguh thang, lane ka jingkñia ba pyndep ïa ka jingkular skhem, lane ka jingainguh sngewbha, lane ha ki Jingkhawai Niam bakyntang jong phi, ban pynlong ïa ka jingiw baiwbih ha U Trai, na ki masi dab, lane na ki langbrot:

JINGKHEIÑ 15:3 ပူးပေါင်းရင်းမြစ်များ

JENESIS 8:21

Ka jingiw jong ka jingkñia ainguh ka la pynsngewbha ïa U Trai, bad U la ong ha lade, “Lano lano ruh ngan ym buh ïa ka pyrthei hapoh ka jingtim namar kaei kaba ki briew ki leh; nga tip ba naduh ba ki dang samla, ki jingpyrkhat jong ki, ki long kiba sniew. Lano lano ruh ngan ym pynjot shuh ïa ki jingthaw ba-im baroh, kumba nga la leh ha kane ka sien.

ESRA 7:17

“Phi dei ban pynlut ha ka rukom kaba dei ïa kane ka pisa bad ban thied ki masi kyrtong, ki langbrot shynrang, ki khunblang, u kew bad ka waiñ bad ban ainguh ïa ki ha ka duwan jong ka Templ ha Jerusalem.

SALM 54:6

Ngan ai da kaba kmen ïa ka jingkñia ha me, A Trai; ngan ainguh ïa me namar me long uba bha.

EKSODOS 29:18

Thang ïa uta u langbrot baroh uwei ha kata ka duwan kum ka jingainguh bam. Ka jingiwbih jong kane ka jingainguh ka pynsngewbha ïa nga.

EKSODOS 29:25

Nangta, shim ïa ki na ki kti jong ki bad thang ïa ki ha kata ka duwan, halor kata ka jingainguh thang, kum ka jingainguh bam sha nga. Ka jingiwbih kaba suhsieng na kane ka jingainguh ka pynsngewbha ïa nga.

EKSODOS 29:41

Kñia ïa u khunlangbrot uba ar ynda janmiet, bad ainguh lang bad u katjuh u kew ba la tylliat ni bha, ka umphniang Olib, bad ka waiñ kumba leh mynstep. Kane ka long ka jingainguh bam sha nga U Trai, bad ka jingiwbih jong ka, ka pynsngewbha ïa nga.

LEBITIKOS 10:13

Bam ïa ka ha ka jaka kaba khuid; ka long ka bynta kaba dei ka jong me bad jong ki khun shynrang jong me na kata ka jingbam ba la kñia ainguh sha U Trai. Kata ka long kaei kaba U Trai u la hukum ïa nga.

LEBITIKOS 27:2

Haba la ai ïa uno uno u briew sha U Trai kum ka jingpyndep ïa ka kular kaba kyrpang, ïa uta u briew lah ban pyllait pat ïa u da ka jingsiew kat kum ka dor ka pisa kumne harum,

LEBITIKOS 7:16

Lada u briew u wanlam ïa ka jingainguh ïasyllok ban pyndep ïa la ka jingkular lane kum ka jingainguh mon sngewbha jong u hi, ym da donkam ban bam lut ïa ka ha kajuh ka sngi ba la kñia; hynrei ïa kaba sah lah ban bam ha ka sngi kaba bud.

JINGKHEIÑ 28:27

Wanrah ïa ka jingainguh thang kum ka jingiw kaba pynsngewbha ïa U Trai: ar tylli ki masi lyngraw, uwei u langbrot, bad hynñiew tylli ki khunlangbrot shynrang kiba shisnem ka rta, ki bym don kano kano ka jingduna.

JINGKHEIÑ 29:8

Wanrah ïa ka jingainguh thang sha U Trai, ka jingiw kaba pynsngewbha ïa u: uwei u masi lyngraw, uwei u langbrot bad hynñiew tylli ki khunlangbrot shynrang kiba shisnem ka rta, ki bym don kano kano ka jingduna.

JINGKHEIÑ 6:15

U dei ruh ban ai shi shang u kpu khlem thiat: ki kpu kiba rben kiba da u 'purew ba la khleh bad ka umphniang Olib bad ki kpu kiba stang ba la kyllan da ka umphniang Olib; bad nalor kine, un ai ruh ïa ki jingainguh da u kew bad ka waiñ.

MATHAÏOS 3:17

Nangta ka sur ktien ka la ong na bneng, “Une u long U Khun uba ieit eh jong nga, ha uba nga sngewbha eh.”

2 KORINTH 2:15

Naba ngi long kum ka jingiwbih ba la ai da U Khrist sha U Blei, kaba saphriang hapdeng kito kiba la pynim bad kito kiba la jah noh.

2 KORINTH 2:16

Ïa kito kiba jah noh, ka dei ka jingiwtung kaba pynïap; hynrei ha kito kiba la pynim, ka long ka jingiwbih kaba wallam jingim. Uei keiñ, uba lah ban leh ïa kaba kum kata ka kam?

EPHESOS 5:2

Ïa ka jingim jong phi dei ban synshar da ka jingieit, kumba U Khrist u la ieit ïa ngi bad u la aiti ïa la ka jingim na ka bynta jong ngi kum ka jingainguh ba-iwbih bad ka jingkñia ba pynsngewbha ïa U Blei.

DEUTERONOMI 12:11

U Trai un jied tang kawei ka jaka ha kaba yn mane ïa u, bad hangta phi dei ban wanrah sha u ïa kata baroh kaba nga la hukum: ïa ki jingainguh thang bad ki jingkñia jong phi, ïa kawei na ka shiphew bad ki jingainguh jong phi, bad ïa kita ki jingai sngewbha ba phi la kular sha U Trai.

DEUTERONOMI 12:17

Phim bit ban bam ha ki jaka ba phi shong ïa kata kaba phi wanrah sha U Trai, la ka dei kaba shiphew na u kew, na ka waiñ, ne na ka umphniang Olib jong phi; lane kiba la kha nyngkong na ki masi bad ki langbrot jong phi, ki jingai sngewbha ba phi la kular ha U Trai, ki jingainguh mon sngewbha jong phi, lane kiwei kiwei pat ki jingainguh.

DEUTERONOMI 12:6

Shata phi dei ban leit rah ïa ki jingainguh thang bad ki jingkñia jong phi, ïa kawei-na-kaba-shiphew jong phi, bad ïa ki jingainguh jong phi, ïa ki jingai sngewbha ba phi kular ïa U Trai, ïa ki jingainguh mon sngewbha jong phi, bad ïa kiba la kha nyngkong na ki masi bad ki langbrot jong phi.

PHILIPPI 4:18

Hangne, te, ka long ka jingïohpdiang jong nga ïa kiei kiei baroh ba phi la ai ha nga — bad ka la long palat ban ïa kaba nga donkam! Nga don ïa baroh kaba nga donkam mynta ha kaba u Epaphroditos u la wanrah sha nga ïa ki jingai sngewbha baroh jong phi. Ki long kum ka jingainguh ba-iwbih sha U Blei, ka jingkñia kaba pdiang hun bad kaba pynsngewbha ïa u.