JINGKHEIÑ 13:16 - Khasi CL Bible (BSI)

¹⁶ Kine ki dei ki nongsyntiat kiba u Moses u la phah ban leit swar ïa ka ri. U pynkylla ïa ka kyrteng u Hoshea u khun jong u Nun, sha u Joshua.

KA BAIBL

¹⁶ Kine ki long ki kyrteng jong kita ki briew, ïa kiba u la phah noh u Moses ïa ka ban khmih syntiat ïa kata ka ri. Te u Moses u la khot kyrteng ïa u Hoshea, u khun u Nun “u Joshua.”

JINGKHEIÑ 13:16 ပူးပေါင်းရင်းမြစ်များ

1 KHRONIKL 7:27

u Nun, u Joshua.

EKSODOS 17:9

U Moses u la ong ha u Joshua, “Jied katto katne ngut ki rangbah ki ban leit ïaleh ïa ki Amalek lashai ka sngi. Ngan ïeng ha kliar u lum da kaba bat ïa u diengduh ba U Blei u la ong ïa nga ban rah.”

HOSIA 1:1

Kane ka long ka khubor ba U Trai u la ai ha u Hosia u khun jong u Beri, ha ki sngi mynba u Ussaïah, u Jotham, u Ahas, bad u Hesekaïah ki long ki syiem ha Judah, bad u Jeroboam u khun jong u Joash u long syiem ha Israel.

JINGKHEIÑ 13:2

“Jied uwei uwei u nongïalam na kawei kawei ka jait jong ki khat-ar jait bad phah ïa ki kum ki nongsyntiat ban swar ïa ka ri Kanaan, kaba ngan ai ha ki Israel.”

JINGKHEIÑ 14:30

Nga la kular ba ngan shah ïa phi ban shong hangta, hynrei yn ym don uwei ruh na phi u ban ïoh ïa kata, lait tang u Kaleb bad u Joshua.

JINGKHEIÑ 14:6

Bad u Joshua u khun jong u Nun bad u Kaleb u khun jong u Jephunneh, ar ngut na kita ki nongsyntiat, ki la kad ïa la ki jaiñ da ka jingsngewsih,

JINGKHEIÑ 27:18

Te U Trai u ong ha u Moses, “Shim ïa u Joshua u khun jong u Nun, u briew uba lah, bad buh ïa ki kti jong me halor ka khlieh jong u.

KI KAM 7:45

Hadien, ki kpa tymmen jong ngi kiba la ïohpdiang ïa ka ïingjaiñ na ki kpa jong ki, ki la bah ïa ka lem bad ki haba ki la leit bad u Joshua bad shimti ïa ka ri na ki jaitbynriew kiba U Blei u la beh katba ki nang tur sha khmat. Bad ka la don hangta haduh ka por jong u Dabid.

Ka Shithi U Paul Sha Ki Nong Rom 9:25

Kane ka long kaei kaba u ong ha ka Kitab U Hosia: “Ki briew ki bym shym la long ki jong nga ngan khot ‘Ki Briew jong nga.’ Ka jaitbynriew kaba ngam shym la ieit ngan khot ‘Kaba ieit jong nga.’

DEUTERONOMI 32:44

U Moses bad u Joshua u khun jong u Nun ki ïathuh ïa ki ktien jong kane ka jingrwai, ba ki Israel kin ïohsngew ïa ka.

HEBRU 4:8

Lada u Joshua u la ai ha ki briew ïa ka jingjahthait kaba U Blei u la kular, U Blei un ym kren hadien shaphang kata kawei pat ka sngi.