JINGKHEIÑ 12:2 - Khasi CL Bible (BSI)

² Ki ong, “Hato U Trai u la kren tang lyngba u Moses? Hato um shym la kren lyngba jong ngi ruh?” U Trai u la ïohsngew aïu ki ong.

KA BAIBL

² Bad ki la ong, “Shisha u la kren U Trai tang da u Moses? Um shym la kren da ngi ruh de?” Te U Trai u la ïohsngew ïa kata.

JINGKHEIÑ 12:2 ပူးပေါင်းရင်းမြစ်များ

JENESIS 29:33

Ka la punkhun biang bad ka kha sa uwei pat u khun shynrang. Ka ong, “U Trai u la ai ruh ha nga ïa une u khun, namar u la ïohsngew ba ngam shym long kaba la ieit”; kumta ka la khot kyrteng ïa u, u Simeon.

2 SAMUEL 11:27

Haba ka por ïambriew ka la kut, u Dabid u phah wan ïalam ïa ka sha ka ïingsyiem; ka la long noh ka tnga jong u, bad ka kha u khun shynrang na u. Hynrei U Trai um sngewbha ïa kaei kaba u Dabid u la leh.

2 SYIEM 19:4

U patsha ka Assyria u la phah ïa u rangbah synshar ba-halor tam ban ibeiñ ïa U Blei uba im. To ai ba U Trai U Blei jong phi un ïohsngew ïa kine ki jingibeiñ bad un pynshitom ïa kito kiba kren ha ki. Kumta duwai ha U Blei na ka bynta kito ki briew kiba lait im.”

EKSODOS 4:14

Ha kane U Trai u la bitar ïa u Moses, bad u ong, “Kumno shaphang u para jong me U Aaron, u Lebi? Nga tip u tbit bha ban kren. Ha ka jingshisha, mynta u dang wan ban ïakynduh ïa me bad un kmen ban ïohi ïa me.

EKSODOS 4:30

U Aaron u ïathuh ha ki ïa kiei kiei baroh kiba U Trai u la kren ha u Moses, bad nangta u Moses u leh ïa ki kambah baroh ha khmat ki paidbah.

EKSODOS 5:1

Nangta u Moses bad u Aaron ki leit sha u Pharaoh, bad ki la ong, “U Trai, U Blei ki Israel, u ong, ‘Shah ïa ki briew jong nga ban leit, khnang ba kin ïoh pynlong ïa ka Jingkhawai Niam ha ka ri shyiap ban pyndonburom ïa nga.’ ”

EKSODOS 7:10

Kumta u Moses bad u Aaron ki leit sha u Pharaoh bad ki leh kumba U Trai u la hukum. U Aaron u bret ïa la u diengduh ha khmat u Pharaoh bad ha khmat ki rangbah pynïaidkam jong u, bad u kylla bseiñ.

PROBERB 13:10

Kiba leh meng kim leh ei ei hynrei tang ban pynmih jingkulmar. Ka long kaba kham stad ban da pan ïa ka jingai jingmut.

ISAÏAH 37:4

U patsha ka Assyria u la phah ïa u rangbah synshar jong u, uba ha khlieh ban ñiewbeiñ ïa U Blei ba-im. Ai ba U Trai U Blei jong phi un ïohsngew ïa kine ki jingkrenbeiñ bad pynshitom ïa kito kiba kren ïa ki. Kumta to duwai ha U Blei na ka bynta kito ki briew jong ngi kiba lait im.”

MIKAH 6:4

Nga la wan ïalam noh ïa phi na ka ri Ijipt; nga la pyllait ïa phi na ka jinglongmraw; nga la phah ïa u Moses, u Aaron, bad ka Miriam ban ïalam ïa phi.

JINGKHEIÑ 11:1

Ki paidbah ki la sdang ban ujor ha U Trai shaphang ki jingjynjar jong ki. Haba U Trai u la ïohsngew ïa ki, u la bitar lep bad u phah da ka ding ha kita ki paidbah. Kata ka ding ka klang hapdeng jong ki bad ka la pynjot ïa kawei ka dong jong ka jaka shong dara.

JINGKHEIÑ 11:29

U Moses u jubab, “Hato me pyrkhat lem shaphang kiei kiei kiba ïadei bad nga? A ban da U Trai u ai ïa la ka bor mynsiem ha ki briew jong u baroh bad u pynlong ïa ki ban pyrta jam kum ki nongïathuhlypa!”

JINGKHEIÑ 12:3

(U Moses u long u briew uba sngewrit; uba kham sngewrit ban ïa uno uno u briew ha ka pyrthei.)

JINGKHEIÑ 16:3

Ki la ïalumlang ha khmat u Moses bad u Aaron bad ki ong ha ki, “Phi la leh shaba palat! Baroh ki dkhot jong ka kynhun ki long ki jong U Trai, bad U Trai u don lem bad ngi baroh. Balei te Moses me buh ïa lade uba halor jong ka kynhun jong U Trai?”

Ka Shithi U Paul Sha Ki Nong Rom 12:10

To ieit iwei ïa iwei ha ka jingrhem mynsiem kum ki parabangeit, bad to long kiba da kwah hir hir ban pyn-i ka jingburom iwei ïa iwei pat.

Ka Shithi U Paul Sha Ki Nong Rom 12:3

Bad namar ka jingaiei U Blei ïa nga, nga ong ïa uwei pa uwei na phi: To wat ñiewkor palat than ïa lade ban ïa kaba phi dei ban leh. Pynban, to long adkar ha ki jingmut jingpyrkhat jong phi, bad to bishar ïa lade kat kum ka jingngeit kaba U Blei u la ai ha phi.

PHILIPPI 2:14

To leh ïa kiei kiei baroh khlem da khñium ne khlem ïania,

PHILIPPI 2:3

Wat leh ei ei na ka jingkhwan myntoi lane na ka jingkwah bymmyntoi ban sngewsarong, hynrei, to long kiba sngewrit iwei ïa iwei pat, kiba ñiew borabor ïa kiwei kiba kham bha ban ïa lade.

1 PETROS 5:5

Ha kajuh ka rukom ma phi kiba dang kham samla phi donkam ban kohnguh ïa kiba la kham rangbah. Bad ma phi baroh phi dei ban phong ïa ka jaiñkup ka jingsngewrit, ban shakri iwei ïa iwei pat; naba ka Jingthoh Bakhuid ka ong, “U Blei u ïaleh pyrshah ïa kiba sarong, hynrei u pyn-i ïa ka jingsngewbha ïa kiba sngewrit.”