JINGKHEIÑ 11:16 - Khasi CL Bible (BSI)

¹⁶ U Trai u ong ha u Moses, “Lumlang hynñiewphew ngut ki rangbah badonburom ïa kiba la ñiew kum ki nongïalam jong u paidbah, wan ïalam ïa ki sha nga ha ka Ïingjaiñ ka Jingdon Ryngkat jong nga bad ong ba kin ïeng hangta hajan jong me.

KA BAIBL

¹⁶ U Trai te u la ong ha u Moses, “To lum lang ha nga ïa ki hynñiewphew ngut na ki tymmen basan ki Israel, ïa kiba me tip hi ba ki long ki tymmen basan jong u paidlang, bad ki rangbah halor jong ki: to wallam ruh ïa ki ha Ka Tabernakl ka jingïaseng, ba kin ïaïeng hangta lem bad me.

JINGKHEIÑ 11:16 ပူးပေါင်းရင်းမြစ်များ

JENESIS 46:27

Ki khun shynrang u Joseph ïa kiba la kha ha Ijipt ki long ar ngut; kumta ki briew baroh kiba na ka ïing u Jakob kiba la wan sha Ijipt ki long hynñiewphew ngut.

EKSODOS 18:25

bad u la jied ïa ki rangbah kiba tbit napdeng ki Israel baroh. U la thung ïa ki kum ki nongïalam ïa ki hajar, ki spah, ki sanphew, bad ki phew.

EKSODOS 24:1

U Trai u ong ha u Moses, “Wan kiew sha nga shalor lum, ma me, u Aaron, u Nadab, u Abihu, lem bad hynñiewphew ngut ki nongïalam jong ki Israel; bad katba phi dang ïadon kham ha pajih, dem bad mane ïa nga.

EKSODOS 24:9

U Moses, u Aaron, u Nadab, u Abihu, bad hynñiewphew ngut ki nongïalam jong ki Israel, ki ïaleit kiew ïa uta u lum,

EKSODOS 4:29

Kumta u Moses bad u Aaron ki leit sha Ijipt bad ki ïalumlang ïa ki nongïalam baroh jong ki Israel.

JEREMAÏAH 19:1

U Trai u la bthah ïa nga ban leit bad thied uwei u khra khyndew. U la ong ruh ïa nga ban ïalam katto katne ngut ki tymmen ki san jong ki briew bad katto katne ngut ki lyngdoh ba la tymmen,

ESEKIEL 8:11

Hynñiewphew ngut ki nongïalam Israel ki don hangta, kynthup ïa u Jaasanaïah u khun jong u Shaphan. Uwei pa uwei u bat ïa u khiew thang jingiwbih, bad ka tdem ka dang kiew na ka jingiwbih.

JINGKHEIÑ 11:24

Kumta u Moses u la mihnoh bad ïathuh ha uta u paidbah ïa kaba U Trai u la ong. U la lumlang hynñiewphew ngut ki nongïalam bad u la buh ïa ki sawdong ka Ïingjaiñ.

JINGKHEIÑ 16:25

Nangta u Moses lem bad ki nongïalam jong ki Israel, ki la leit sha u Dathan bad u Abiram.

LOUKAS 10:1

Hadien kane U Jisu u la jied sa hynñiewphew ar ngut ki rangbah bad u la phah ïa ki ar ar ngut, ban leit ha shuwa jong u sha ki shnong baroh bad ki jaka ha kaba ma u, u la mut ban leit.

LOUKAS 10:17

Ki hynñiewphew ar ngut ki rangbah ki la wan phai ha ka jingkmen kaba khraw. “Ko Trai,” ki la ong, “wat ki ksuid ki la kohnguh ïa ngi haba ngi hukum ha ka kyrteng jong me!”

DEUTERONOMI 1:15

Kumta nga la shim ïa kita ki nongïalam kiba stad bad kiba khraw jingmut ïa kiba phi hi phi la jied na ki jait jong phi, bad nga la buh ïa ki ban peit halor ïa phi. Don na ki, kiba peit ïa ki shihajar ngut, don kiba peit ïa ki shispah ngut, don kiba peit ïa ki sanphew ngut, bad don ruh kiba peit ïa ki shiphew ngut. Nalor kitei, nga la thung ruh ïa kiwei pat ki rangbah synshar hapdeng jong phi.

DEUTERONOMI 16:18

“Thung ïa ki nongbishar bad kiwei pat ki rangbah synshar ha man la ka shnong ba U Trai U Blei jong phi u ai ha phi. Kine kin bishar hok ïa ki briew.

DEUTERONOMI 31:28

Lumlang ïa ki nongïalam baroh na ki jait jong phi bad ïa ki rangbah synshar jong phi, ba ngan ïathuh ha ki ïa kine kiei kiei; ngan khot ïa ka bneng bad ka khyndew ba kin long ki sakhi jong nga pyrshah ïa ki.