JINGKHEIÑ 11:12 - Khasi CL Bible (BSI)

¹² Ngam shym thaw ïa ki lymne pynkha ïa ki! Balei ba me ong ïa nga ba ngan long nongri khun bad rah ïa ki kum ïa ki khunlung shi lynter lynti shaduh ka ri kaba me la kular ha ki kpa tymmen jong ki?

KA BAIBL

¹² Long ma nga ba la pun ïa kine ki briew baroh? Long ma nga ba la pynkha ïa ki, ba me ong ha nga, ‘To bah kynthup ïa ki ha la ka shadem, kumba u kpa uba ri khun, u kynthup ïa i khunlung iba dang buiñ, sha kata ka ri ïa kaba me la kular da ka jingsmai ha ki kpa jong ki?’

JINGKHEIÑ 11:12 ပူးပေါင်းရင်းမြစ်များ

JENESIS 13:15

Ngan ai ha me bad ha ki khun ki ksiew jong me ïa ka ri baroh kat kaba me ïohi, bad kan long ka jong me junom.

JENESIS 24:7

U Trai, U Blei jong ka bneng, u la ïalam noh ïa nga na ka ïing u kpa jong nga bad na ka ri ki kur ki jait jong nga, bad u la kular skhem ha nga ba un ai ïa kane ka ri ha ki khun ki ksiew jong nga. Un phah ïa u angel jong u ha shuwa jong me, ba me lah ban pynïoh hangta ka tnga ïa u khun jong nga.

JENESIS 26:3

To shong to sah hangne, bad ngan long lem bad me, bad ngan kyrkhu ïa me. Ngan sa ai ïa kane ka ri baroh ha me bad ha ki khun ki ksiew jong me. Ngan bat ïa la ka kular kaba nga la pynlong ha u Abraham u kpa jong me.

JENESIS 50:24

Te u Joseph u ong ha la ki hynmen, “Nga la jan ïap, hynrei U Blei un ri un da ïa phi, bad un ïalam noh ïa phi na kane ka ri sha kata ka ri kaba u la kular skhem ha u Abraham, ha u Isaak, bad ha u Jakob.”

2 SYIEM 10:1

Ki don hynñiewphew ngut ki khun ki ksiew jong u syiem Ahab kiba shong basah ha ka nongbah Samaria. U Jehu u thoh ka shithi bad u la phah ïa ki kopi jong ka sha ki nongsynshar jong ka nongbah, sha ki riewpawkhmat, bad sha ki nongsumar ïa ki khun ki ksiew jong u Ahab.

2 SYIEM 10:5

Kumta u rangbah uba peit ïa ka ïingsyiem bad u rangbah synshar uba dei peit ïa ka nongbah, ryngkat bad ki riewpawkhmat bad ki nongsumar, ki la phah ïa kane ka khubor sha u Jehu: “Ngi long ki shakri jong phi bad ngi long kiba la kloi ban leh kat ïa kaba phi ong; hynrei ngin ym thung syiem ïano ïano; leh katba phi pyrkhat kaba bha tam.”

EKSODOS 13:11

“U Trai un wallam ïa phi sha ka ri ki Kanaan ïa kaba u la kular skhem ha phi bad ha ki kpa tymmen jong phi.

EKSODOS 13:5

U Trai u la kular skhem ha ki kpa tymmen jong phi ba un ai ha phi ïa ka ri jong ki Kanaan, ki Hit, ki Amor, ki Hib, bad ki Jebus. Ynda u la wallam ïa phi sha kata ka ri kaba tuid da ka dud bad ka ngap, phi dei ban rakhe ïa kane ka Jingkhawai Niam man ka snem ha u bnai uba nyngkong.

EKSODOS 33:1

U Trai u la ong ha u Moses, “Khie ïamihnoh nangne, ma me bad ki paidbah kiba me la ïalam na ka ri Ijipt, bad leit sha kata ka ri ïa kaba nga la kular ban ai ha u Abraham, u Isaak, bad u Jakob, bad ha ki khun ki ksiew jong ki.

EKSODOS 6:8

Ngan ïalam ïa phi sha ka ri kaba nga la kular skhem ban ai ha u Abraham, ha u Isaak, bad ha u Jakob; bad ngan ai ïa ka ha phi kum ka nongkynti jong phi hi. Nga long U Trai.’ ”

ISAÏAH 40:11

Un sumar ïa ka kynhun jong u kum u nongaplangbrot; un lumlang ïa ki khunlangbrot bad un rah ïa ki ha ki ksang'ti jong u; un ïalam jai jai ïa ki kmie jong ki.

ISAÏAH 49:15

Kumta U Trai u jubab, “Hato ka briew ka lah ban klet noh ïa la i khunlung bad ban ym ieit ïa i khun iba ka la kha? Wat la ka kmie ka lah ban klet ïa la i khun, da lei lei ngan ym klet ïa phi.

ISAÏAH 49:23

Ki syiem kin long kum ki kpa ïa pha; ki mahadei kum ki kmie. Kin dem khrup ha khmat jong pha bad kin burom ïa pha; da kaba pynrit kin pyn-i burom ïa pha. Te phan tip ba nga long U Trai; uba ap ïa ka jingïarap jong nga un ym duh jingkyrmen.”

ESEKIEL 34:23

Ngan ai ha ki ïa u syiem uba kum u shakri jong nga u Dabid ba un long uwei u nongsharai jong ki, bad un sumar bha ïa ki.

ÏOANNIS 10:11

“Nga, nga long u nongaplangbrot uba bha, uba kloi ban ïap na ka bynta ki langbrot.

1 KORINTH 4:15

Wat haba phi don shiphew hajar ngut ki nongsumar ha ka jingim jong phi kum ki bangeit, phi don tang uwei u kpa. Naba ha ka jingim jong phi ha U Khrist Jisu nga la long u kpa jong phi da kaba wallam ïa ka Khubor Babha ha phi.

GALATIA 4:19

Ko ki khun ba-ieit jong nga! Sa shisien, kum ka kmie kaba suh kha, nga sngew ïa kajuh ka jait jingsuh na ka bynta jong phi tad haduh ka jinglong U Khrist kan da thawdur ha phi.

DEUTERONOMI 1:31

bad ha ka ri shyiap. Phi la ïohi kumno u la bah ïa phi khlem jingmynsaw baroh shi lynter lynti haduh kane ka jaka, kumba u kpa u bah ïa la u khun.’

1 THESSALONI 2:7

wat la kum ki apostol jong U Khrist ngi lah ban dawa na phi. Hynrei ngi la long kiba jai jai mynba ngi la don bad phi, kumba ka kmie ka sumar ïa ki khun jong ka.