JINGKHEIÑ 11:1 - Khasi CL Bible (BSI)

¹ Ki paidbah ki la sdang ban ujor ha U Trai shaphang ki jingjynjar jong ki. Haba U Trai u la ïohsngew ïa ki, u la bitar lep bad u phah da ka ding ha kita ki paidbah. Kata ka ding ka klang hapdeng jong ki bad ka la pynjot ïa kawei ka dong jong ka jaka shong dara.

KA BAIBL

¹ Te kita ki briew, ki la long kum kiba ïakren khñium ba pynsngewsih ha ki shkor ki jong U Trai: te U Trai u la ïohsngew ïa kata, bad ka jingbitar jong u ka la meh lep; te ka ding ka jong U Trai, ka la wiang hapdeng jong ki, bad ka la thang duh ïa ka rmiang ka jaka shong dara.

JINGKHEIÑ 11:1 ပူးပေါင်းရင်းမြစ်များ

JENESIS 38:10

Kata kaba u leh ka la pynsngewsih ïa U Trai, bad U Trai u la pynïap noh ïa u ruh.

2 SAMUEL 11:27

Haba ka por ïambriew ka la kut, u Dabid u phah wan ïalam ïa ka sha ka ïingsyiem; ka la long noh ka tnga jong u, bad ka kha u khun shynrang na u. Hynrei U Trai um sngewbha ïa kaei kaba u Dabid u la leh.

2 SYIEM 1:12

“Lada nga dei u briew jong U Blei,” u Elijah u jubab, “ai ba ka ding kan wan hiar na bneng bad pynïap ïa me bad ïa ki rangbah jong me!” Hangta hi ka ding jong U Blei ka la wan hiar bad ka la pynïap ïa u rangbah pynïaidkam bad ïa ki rangbah jong u.

Ka Kitab U Job 1:16

Ha shuwa ba un kut ka jingkren, sa uwei pat u shakri u la wan bad u ong, “U Pyrthat u la tied ïa ki langbrot bad ïa ki nongaplangbrot bad pynïap ïa ki baroh. Tang ma nga uba la lait im ban wan ïathuh ïa phi.”

SALM 106:18

ka ding ka la hap halor ki nongbud jong ki bad thang duh ïa kito ki briew kiba bymman.

SALM 78:21

Bad kumta U Trai u la bitar haba u la ïohsngew ïa ki; u la tur ïaleh ïa ki briew jong u da ka ding, bad ka jingbitar jong u pyrshah ïa ki ka nang khluit,

SALM 78:63

Ki samla shynrang ki la shah pynïap ha ka thma, bad ïa ki samla kynthei jong ki kim don uno uno ban shongkurim.

EKSODOS 16:7

Ha ka por mynstep phin ïohi ïa ka jingshai baphyrnai jong ka jingdon ryngkat U Trai. U la ïohsngew ïa ki jingkhñium jong phi pyrshah ïa u — ho-oid, pyrshah ïa u, namar ngi te ngi shu kohnguh ïa ki jingbthah jong u.”

EKSODOS 16:9

U Moses u ong ha u Aaron, “Ong ïa ka kynhun Israel baroh ban wan bad ïeng ha khmat U Trai, naba u la ïohsngew ïa ki jingkhñium jong ki.”

ISAÏAH 10:17

U Blei, u jingshai jong ka Israel, un kylla long ka ding. U Blei uba khuid jong ka Israel un kylla long ka thylliej ding, kaba ha ka shi sngi kan thang lut ïa kaei kaei baroh, wat ïa ki shiah bad ki shiah buid.

ISAÏAH 30:33

Naduh mynshuwa eh ïa ka jaka la pynkhreh ha kaba ka ding bajur kan thang ïa u patsha ka Assyria. Ka long kaba jylliew bad kaba ïar, bad ba la kynton jrong da ki diengthang. U Trai un pyrsad da ka phylliah ding ban thang ïa ka.

ISAÏAH 33:14

Ki briew kiba pop jong ka Seïon ki khynñiuh da ka jingsheptieng. Ki ong, “Ka jingbishar U Blei ka long kum ka ding kaba meh junom. Hato uno uno na ngi un lait im na ka ding kaba kum kata?”

SNGEWSYNEI 3:39

Balei ngin shu ïai khñium haba la pynshitom ïa ngi na ka bynta ka pop jong ngi.

ESEKIEL 20:36

Mynta ngan pynrem ïa phi kumba nga la pynrem ïa ki kpa tymmen jong phi ha ka ri shyiap Sinai,” ong U Trai Nongsynshar.

LEBITIKOS 10:2

Kynsan U Trai u phah ïa ka ding, bad kata ka thang ïa ki hangta ha khmat jong U Trai haduh ba kin da ïap.

NAHUM 1:5

Ki lumbah ki khynñiuh ha ka jingdon ryngkat U Trai; ki lumrit ki um noh ha khmat jong u. Ka pyrthei ka khih haba U Trai u mihpaw; ka pyrthei bad ki briew jong ka baroh ki kyiuh.

HABAKKUK 3:5

U phah ïa ka jingpang ha shuwa jong u bad hukum ba ka jingïap kan bud ïa u.

JINGKHEIÑ 10:33

Haba u paidbah u la mihnoh na Sinai, u lum uba khuid, ki la ïa-ïaid lai sngi lynti. Ka Synduk ka Jutang U Trai borabor ka leit ha shuwa jong ki ban wad ïa ka jaka ba kin shong dara.

JINGKHEIÑ 11:18

Mynta ong ïa ki paidbah, ‘Pynkhuid ïa lade na ka bynta lashai; bad phin sa ïoh ka doh ban bam. U Trai u la ïohsngew ba phi ïakren khñium bad ong ba phi mutdur ba phi don khyndiat ka doh, bad ba phi kham ïoh bam bha ha Ijipt. Te mynta U Trai un ai ka doh ba phin bam, bad phi dei ban bam ïa ka.

JINGKHEIÑ 12:2

Ki ong, “Hato U Trai u la kren tang lyngba u Moses? Hato um shym la kren lyngba jong ngi ruh?” U Trai u la ïohsngew aïu ki ong.

JINGKHEIÑ 14:2

Ki la khñium pyrshah ïa u Moses bad u Aaron, bad ki ong, “Kan jin da la kham bha ban ïap ha Ijipt lane wat hangne ha ka ri khlaw!

JINGKHEIÑ 14:22

yn ym don uwei ruh na kine ki briew ki ban im ban ïohrung sha kata ka ri. Ki la ïohi ïa ka jingshai batyngshaiñ na ka jingdon ryngkat jong nga, bad ïa ki kambah ba nga la leh ha Ijipt bad ha ka ri khlaw, hynrei ki la tynjuh ïa ka jingïaishah jong nga la bunsien bad ki la kyntait ban kohnguh ïa nga.

JINGKHEIÑ 14:27

“Slem sa katno ba kine ki riewbymman kin khñium pyrshah ïa nga? Nga la ïohsngew shibun ïa kine ki jingkhñium!

JINGKHEIÑ 14:28

Mynta, ai ha ki ïa kane ka jubab: ‘Nga smai ba kumba nga long uba im, ngan leh kumba phi la pan. Nga U Trai, nga la kren.

JINGKHEIÑ 16:11

Haba phi ujor pyrshah ïa u Aaron, ka mut shisha pyrshah ïa U Trai ba ma phi bad ki nongbud jong phi, phi ïaleh pyrshah.”

JINGKHEIÑ 16:35

Nangta U Trai u phah ïa ka ding kaba meh, bad ka bam duh khoit ïa kita ki arspah sanphew ngut ki briew kiba la wanrah ïa ki jingiwbih.

JINGKHEIÑ 17:5

Te u diengduh jong uta u briew ïa uba nga la jied un khie lung. Da kumta ngan pynsngap jar ïa ki jingïaikren khñium jong kine ki Israel pyrshah ïa me.”

JINGKHEIÑ 21:5

Ki la khñium, “Balei phi wan ïalam ïa ngi na Ijipt ban ïap ha kane ka ri shyiap ha kaba ym don bam lane ka um? Ngim sngewlah shuh ban bam kum kane ka jingbam!”

1 KORINTH 10:10

Ngim dei ban khñium, kumba don na ki, kiba la khñium — bad la pynjot ïa ki da u Angel ka Jingïap.

DEUTERONOMI 25:18

Kim sheptieng ïa U Blei, bad kumta ki wan ïaleh pyrshah ïa phi haba phi la thait bad la duh bor, bad ki la pynïap lut ïa kito baroh kiba bud suki nadien.

DEUTERONOMI 32:22

Ka jingbitar jong nga kan meh lep kum ka ding, bad kan thang duh katba don ha sla pyrthei. Kan pur de shaduh ñiamra, bad kan thang ïa ki tynrai jong ki lumbah.

DEUTERONOMI 9:22

“Phi la pynbitar ruh ïa U Trai U Blei jong phi mynba phi don ha Taberah, ha Massah, bad ha Kibroth Hattaabah.

HEBRU 12:29

namar ba U Blei jong ngi u long shisha ka ding kaba bam duh.

JAKOB 5:4

Phim pat siew bainong ei ei ïa ki briew kiba trei ha ki lyngkha jong phi. To shahshkor ïa ki jingmudui jong ki! Ki jingkyang jong kito kiba la lum ïa ki jingot ki la poi sha ki shkor jong U Blei, U Trai Badonbor Baroh.

JUDAH 1:16

Kine ki briew kiba khñium bad borabor ki kynnoh ïa kiwei; ki ïaid kat kum ki jingkwah brai jong ki; ki kren sarong shaphang ïa lade bad ïaroh arsap ïa kiwei khnang ban ïoh leh ïa kaba ki kwah hi.