JINGKHEIÑ 10:9 - Khasi CL Bible (BSI)

⁹ Haba phi don ha ka thma ha la ka ri, haba phi ïada ïa lade pyrshah ïa u nongshun uba tur ïaleh ïa phi, ai dak ban ïaleh thma da kine ki turoi. Ma nga U Trai U Blei jong phi, ngan ïarap bad pyllait im ïa phi na ki nongshun jong phi.

KA BAIBL

⁹ Bad lada phi leit ïaleh thma ha la ka ri pyrshah ïa u nongshun uba banbeiñ ïa phi, te phin put ïa ka jingmaham da kita ki ronsing; te ïa phi yn kynmaw ha khmat U Trai U Blei jong phi, bad yn pynim ruh ïa phi na ki nongshun jong phi.

JINGKHEIÑ 10:9 ပူးပေါင်းရင်းမြစ်များ

JENESIS 8:1

U Blei um shym la klet ïa u Noah, bad ïa ki mrad baroh kiba ïadon lem bad u ha ka lieng; u la pynlong ïa ka lyer ban beh, bad ka um ka la sdang hiar.

2 KHRONIKL 13:12

U Blei hi da lade u long u nongïalam jong ngi bad ki lyngdoh jong u ki don hangne lem bad ki turoi, ba la khreh ban put ïa ki bad ban khot ïa ngi bad ïaleh thma pyrshah ïa phi. Ko paid Israel, wat ïaleh pyrshah ïa U Trai, U Blei jong ki kpa tymmen jong phi! Phin ym jop!”

2 KHRONIKL 13:14

Ki Judia ki peit sawdong bad ki ïohi ba la ker sawdong ïa ki. Ki kyang ha U Trai ban ïoh jingïarap, bad ki lyngdoh ki put ïa ki turoi.

SALM 106:4

To kynmaw ïa nga, A Trai, haba me ïarap ïa ki briew jong me; kynthup ïa nga ruh haba me pynim ïa ki.

SALM 106:42

Ki la shah banbeiñ ha ki nongshun jong ki bad ki la long nadong shadong hapoh ka jingpynïaid jong ki.

SALM 136:23

Um shym la klet ïa ngi mynba ngi la shahjop; ka jingieit jong u ka neh bymjukut;

ISAÏAH 18:3

To shahshkor, phi baroh kiba shong ha ka pyrthei! To ap ïa ka lama ai dak kaba yn kyntiew halor ki kliar jong ki lumbah! To shahshkor ïa ka jingput ïa ka ronsing!

ISAÏAH 58:1

U Trai u ong, “To pyrta jam katba phi lah! Ïathuh ïa ki briew jong nga ki Israel shaphang ki pop jong ki.

JEREMAÏAH 4:19

Ka jingpang! Ngam lah shah ïa ka jingpang! Ka dohnud jong nga! Ka dohnud jong nga ka kyndeh jur! Ngam lah ban sngap jar; nga ïohsngew ïa ki turoi bad ki jingpyrta jong ka thma.

JEREMAÏAH 4:21

Sa katno nga dei ban ïohi ïa ka thma kaba nang jur bad ïohsngew ïa ki jingsawa jong ki turoi?

JEREMAÏAH 4:5

To put ïa ka turoi ha kylleng ka ri! To pyrta jam bad shai kdar! Ïathuh ha ki briew jong ka Judah bad Jerusalem ban phet sha ki nongbah ba la ker kynroh.

JEREMAÏAH 49:2

Hynrei ka por ka poi haba ngan pynlong ïa ki briew jong ka nongbah Rabbah ban ïohsngew ïa ka jingsawa jong ka thma, bad yn ieh ïa ka ha ka jingjot bad ïa ki nongrit jong ka ban thang haduh khyndew. Nangta ki Israel kin shim pat ïa la ka jaka na kito kiba la shim ïa ka na ki.

JEREMAÏAH 6:1

Ko ki briew ka Benjamin, to phet ban lait im! Phet noh na Jerusalem! Pynsawa ïa ka turoi ha Tekoa bad to thaw ka ding-ai-dak ha Beth Hakkherem. Ka jingjot bad ka jingpynjot ki la wan artat na shatei.

JEREMAÏAH 6:17

Nangta U Trai un thung ki rangbah nongap phira ban shahshkor ïa ka jingmaham jong ka turoi. Hynrei ki ong, “Ngin ym shahshkor.”

ESEKIEL 7:14

Ka turoi ka riew bad baroh ki la pynkhreh. Hynrei ym don uwei ruh uba leit sha ka thma, naba ka jingbitar jong U Blei ka long halor baroh kumjuh.

HOSIA 5:8

To put ïa ki turoi thma ha Gibeah! Pynsawa ïa ka jingkyrsiew ha Ramah! Pyrta jam shaphang ka thma ha Bethaben! Tur sha ka thma, ko ki rangbah Benjamin!

LEBITIKOS 23:24

Ong ha ki Israel, “Ha ka sngi kaba nyngkong jong u bnai uba hynñiew, rakhe ïa ka kum ka sngi shongthait kaba kyrpang, bad haba ka turoi ka sawa, wan ïalumlang ban mane Blei.

AMOS 3:6

Hato ka turoi thma ka ju sawa ha ka nongbah khlem da pynlong ïa ki briew ban sheptieng? Hato ka jingjynjar ka ju ngat ha ka nongbah lymda U Trai u phah ïa ka?

SEPHANAÏAH 1:16

ka sngi kaba dap da ka jingsawa ki turoi thma bad ka jingpyrta-thma jong ki shipai kiba tur ïaleh ïa ki nongbah ba la ker kynroh bad ïa ki kut bajrong.

JINGKHEIÑ 31:6

U Moses u la phah ïa ki sha ka thma ha ka jingïalam u Phinehas u khun jong u Eleasar u lyngdoh, uba khmih ïa ki tiar kiba kyntang bad ïa ki turoi ban ai dak ha ka thma.

1 KORINTH 14:8

Bad lada u briew u put ïa ka ronsing ka bym ai ka jingsawa kaba shai, uei u ban pynkhreh na ka bynta ka thma?

DEUTERONOMI 20:1

“Haba phi leit ïaleh ïa ki nongshun jong phi bad phi ïohi ba ki kali ïaleh thma, ki kulai, bad ki shipai jong ki, ki kham bun ban ïa ki jong phi, wat sheptieng ïa ki. U Trai U Blei jong phi, uba la pyllait ïa phi na Ijipt, un don ryngkat bad phi.

JOSHUA 6:5

Nangta ki dei ban pynsawa ïa kawei ka sur kaba jlan. Tang mar shu ïohsngew ïa kata, ki briew baroh ki dei ban risa jam, bad ki kynroh jong ka nongbah kin khyllem. Nangta ka kynhun shipai baroh kawei kan leit beit beit shapoh ka nongbah.”

NONGBISHAR 10:12

Ki Sidon, ki Amalek, bad ki Maon ki la banbeiñ ïa phi ha ki por ba la leit; bad phi la kyang jam sha nga. Hato ngam shym la pyllait im ïa phi na ki?

NONGBISHAR 10:8

Haduh khatphra snem ki la banbeiñ bad pynshitom beiñ ïa ki Israel baroh kiba shong ha ka ri ki Amor ha ka phang mihngi jong ka wah Jordan ha Gilead.

NONGBISHAR 2:18

Man ba U Trai u ai ha ki Israel ïa u nongïalam, U Trai u ïarap ïa uta u nongïalam bad u pyllait im ïa ki briew na ki nongshun jong ki katba uta u nongïalam u dang im. U Trai u sngewsynei ïa ki namar ba ki la ud ha ki jingshitom bad jingshah banbeiñ jong ki.

NONGBISHAR 3:27

Haba u poi hangta ha ka ri lum ki Ephraim, u la put ïa ka turoi ban khot ïa ki paid Israel sha ka thma; nangta u la ïalam ïa ki arsut na ki lumrit.

NONGBISHAR 6:34

U mynsiem jong U Trai u bat synshar ïa u Gideon; bad u put ïa ka turoi ban khot ïa ki rangbah na ka kur Abieser ban bud ïa u.

NONGBISHAR 6:9

Nga la pyllait ïa phi na ki Ijipt bad na ki briew kiba ïaleh pyrshah ïa phi hangne ha kane ka ri. Nga la beh noh ïa ki katba phi nang tur sha khmat, bad nga la ai ha phi ïa ka ri jong ki.

1 SAMUEL 10:18

bad u ong ha ki, “U Trai, U Blei ki Israel, u ong, ‘Nga la wan ïalam ïa phi na Ijipt bad nga la pyllait ïa phi na ki nong Ijipt bad na kiwei pat ki jaitbynriew kiba la pynshitom beiñ ïa phi.